Hansika Motwani: ಹನ್ಸಿಕಾ ಮೊಟ್ವಾನಿ ಗೋಲ್ಡನ್ ಶರರಾ ಬೆಲೆಯಲ್ಲಿ ಲೇಟೆಸ್ಟ್ ಐಫೋನ್ ಖರೀದಿಸ್ಬೋದು

ನಟಿ ಹನ್ಸಿಕಾ ಮೊಟ್ವಾನಿ ಮತ್ತು ಸೊಹೈಲ್ ಮದುವೆ ಅದ್ಧೂರಿಯಾಗಿ ನಡೆದಿದೆ. ಸಾಂಪ್ರದಾಯಿಕ ವಿವಾಹ ಸಮಾರಂಭದಲ್ಲಿ ದಂಪತಿಗಳು ದಾಂಪತ್ಯದಲ್ಲಿ ಒಂದಾಗಿದ್ದಾರೆ. ಅವರ ಮದುವೆ ಅದ್ಧೂರಿಯಾಗಿ ನಡೆಯಿತು. ಈ ಮದುವೆಯಲ್ಲಿ ಕುಟುಂಬಸ್ಥರು, ಸಂಬಂಧಿಕರು ಮತ್ತು ಸ್ನೇಹಿತರು ಮಾತ್ರ ಭಾಗವಹಿಸಿದ್ದರು.

ಮುಂಬೈ ಮೂಲದ ಉದ್ಯಮಿ ಸೊಹೈಲ್ ಅವರನ್ನು ಪ್ರೀತಿಸಿದ ನಟಿ ಹನ್ಸಿಕಾ ಜೈಪುರದ ರಾಜ್‌ಕೋಟ್‌ನಲ್ಲಿ ಅದ್ದೂರಿಯಾಗಿ ವಿವಾಹವಾದರು. ಈ ತಾರಾ ಜೋಡಿ ಕುಟುಂಬ ಸದಸ್ಯರು ಮತ್ತು ಸಂಬಂಧಿಕರ ಸಮ್ಮುಖದಲ್ಲಿ ಸತಿ-ಪತಿಯಾಗಿದ್ದಾರೆ. ಹನ್ಸಿಕಾ ಮದುವೆಗೆ ಸಂಬಂಧಿಸಿದ ಹಲವು ಅಂಶಗಳು ಮುನ್ನೆಲೆಗೆ ಬರುತ್ತಿವೆ.

ಸೋಷಿಯಲ್ ಮೀಡಿಯಾದಲ್ಲಿ ಅಭಿಮಾನಿಗಳು ಮದುವೆಯ ಪೂರ್ವ ಸಮಾರಂಭದ ನೋಡದ ಫೋಟೋಗಳನ್ನು ಮತ್ತೊಮ್ಮೆ ಹಂಚಿಕೊಳ್ಳುತ್ತಿದ್ದಾರೆ. ಹನ್ಸಿಕಾ ಮೊಟ್ವಾನಿ ಸೂಫಿ ನೈಟ್‌ಗಾಗಿ ಅಭಿನವ್ ಮಿಶ್ರಾ ಸೆಟ್ ಮಾಡಿದ ಗೋಲ್ಡನ್ ಶರರಾವನ್ನು ಧರಿಸಿದ್ದರು.

ಆದರೆ ಈ ಗೋಲ್ಡನ್ ಕಲರ್ ಲೆಹೆಂಗಾದಲ್ಲಿ ಹನ್ಸಿಕಾಳನ್ನು ನೋಡಿದ ಅಭಿಮಾನಿಗಳು ಹನ್ಸಿಕಾ ಅವರು ಎಲ್ಲರನ್ನೂ ಹಳೆಯ ದಿನಗಳಿಗೆ ಕರೆದೊಯ್ದಿದ್ದಾರೆ ಎಂದು ಕಾಮೆಂಟ್ ಮಾಡಿದ್ದಾರೆ. ಮಿರರ್ ವರ್ಕ್ ಷರಾರಾ ಸೆಟ್ ಮತ್ತು ಸಿಲ್ವರ್ ಟಿಶ್ಯೂ ಆರ್ಗನ್ಜಾ ದುಪಟ್ಟಾದಲ್ಲಿ ಡ್ರಾಪ್ ಡೆಡ್ ಗಾರ್ಜಿಯಸ್ ಆಗಿ ಕಾಣುತ್ತಿದ್ದರು ನಟಿ. ಗ್ರ್ಯಾಂಡ್ ನೆಕ್‌ಪೀಸ್, ನೆತ್ತಿಬೊಟ್ಟು ಮತ್ತು ಜುಮ್ಕಾದಲ್ಲಿ ಹನ್ಸಿಕಾ ಸುಂದರವಾಗಿ ಕಾಣಿಸಿದ್ದಾರೆ.

ಆದರೆ ಹನ್ಸಿಕಾ ಧರಿಸಿರುವ ಈ ಶರರಾ ಬೆಲೆ ರೂ. 3 ಲಕ್ಷ ಎಂದು ವರದಿಯಾಗಿದೆ. ವರ ಸೋಹೈಲ್ ಕೂಡ ತನ್ನ ಡ್ರೆಸ್‌ಗೆ ಹೊಂದಿಕೆಯಾಗುವಂತೆ ಅದೇ ರೀತಿಯ ಮಿರರ್ ವರ್ಕ್ ಇರುವ ದಂತದ ಶೇರ್ವಾನಿಯನ್ನು ಧರಿಸಿದ್ದರು.

ಕುಟುಂಬದೊಂದಿಗೆ ಹನ್ಸಿಕಾ ಮತ್ತು ಸೊಹೈಲ್ ಸೂಫಿ ರಾತ್ರಿಯ ಮತ್ತೊಂದು ಫೋಟೋ ಇಲ್ಲಿದೆ. ಹನ್ಸಿಕಾ ಕಳೆದ ವಾರ ಜೈಪುರದ ಅರಮನೆಯಲ್ಲಿ ತಮ್ಮ ಆಪ್ತರು ಮತ್ತು ಕುಟುಂಬ ಸದಸ್ಯರ ಸಮ್ಮುಖದಲ್ಲಿ ವಿವಾಹವಾದರು.

ಇವರಿಬ್ಬರ ಮದುವೆಗೆ ಮೂರು ದಿನ ಮೊದಲೇ ಅದ್ಧೂರಿಯಾಗಿ ಏರ್ಪಾಡು ಮಾಡಲಾಗಿದೆ ಎಂಬ ಸುದ್ದಿ ಕಾಲಿವುಡ್ ಮಾಧ್ಯಮಗಳಲ್ಲಿ ಸಖತ್ ವೈರಲ್ ಆಗುತ್ತಿದೆ. ಅರಶಿನ, ಸಂಗೀತ, ಮೆಹಂದಿ ಕಾರ್ಯಕ್ರಮಗಳೂ ಅದ್ಧೂರಿಯಾಗಿ ನಡೆದಿವೆ.

ಹನ್ಸಿಕಾ ಮದುವೆಗೆ ಎಷ್ಟು ಖರ್ಚು ಮಾಡಿದ್ದಾರೆ ಎಂದು ಅಭಿಮಾನಿಗಳು ಚರ್ಚಿಸುತ್ತಿದ್ದಾರೆ. 20 ಕೋಟಿಯವರೆಗೂ ಖರ್ಚು ಮಾಡಲಾಗಿದೆ ಎನ್ನಲಾಗುತ್ತಿದೆ. ಈ ಬಗ್ಗೆ ಸ್ಪಷ್ಟ ಮಾಹಿತಿ ಇಲ್ಲ.