Ganesh: ತಮ್ಮ ಬದುಕಿನ ಭಾಗವಾಗಿರುವಾತನ ಜೊತೆ ತ್ರಿಬಲ್​ ರೈಡಿಂಗ್​​ ಆರಂಭಿಸಿದ ಗೋಲ್ಡನ್​ ಸ್ಟಾರ್​ ಗಣೇಶ್​

ಸುಮಾರು 7 ತಿಂಗಳ ಕಾಲ ಸಿನಿಮಾ ಚಿತ್ರೀಕರಣವಿಲ್ಲದೆ ಮನೆಯಲ್ಲೇ ಲಾಕ್​ ಆಗಿದ್ದ ಗೋಲ್ಡನ್​ ಸ್ಟಾರ್​ ಗಣೇಶ್​ ಈಗ ಮತ್ತೆ ಸಖತ್​ ಆ್ಯಕ್ಟೀವ್​ ಆಗಿದ್ದಾರೆ.

ತಮ್ಮ ಹೊಸ ಸಿನಿಮಾ ತ್ರಿಬಲ್​ ರೈಡಿಂಗ್​ ಚಿತ್ರೀಕರಣ ಆರಂಭಿಸಿದ್ದಾರೆ.

ಎಲ್ಲ ಸುರಕ್ಷತಾ ಕ್ರಮಗಳೊಂದಿಗೆ ತ್ರಿಬಲ್​ ರೈಡಿಂಗ್​ ಶೂಟಿಂಗ್​ ಆರಂಭಿಸಿದ್ದಾರೆ.

ಜೊತೆಗೆ ತಮ್ಮ ಬದುಕಿನ ಭಾಗವಾಗಿರುವಾತನ ಕುರಿತು ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ.

ನನ್ನ ಆತನ ಜೊತೆಗಿನ ಸಂಬಂಧ ಈ ಜನ್ಮಕ್ಕೆ ದೇವರು ಕೊಟ್ಟ ವರವೇ ಇರಬೇಕು. ನಾ ನಕ್ಕಾಗ ನಕ್ಕು, ಅತ್ತಾಗ ಅತ್ತು, ನನ್ನನ್ನು ನಿಮಗೆ ಅದ್ಭುತವಾಗಿ ತೋರಿಸಿದ ಆ ಸಲುಗೆಗೆ ಅದಾವ ಕಣ್ಣು ತಗುಲಿತ್ತೊ. 6ತಿಂಗಳ ಕಾಲ ದೂರಾಗಿ ಈಗ ಎದುರಾಗಿದ್ದೇವೆ. ಆತ ಬೇರಾರಲ್ಲ ಬದುಕಿನ ಭಾಗ "ಕ್ಯಾಮೆರಾ" ಎಂದು ಗಣೇಶ್​ ಸಿನಿಮಾ ಚಿತ್ರೀಕರಣ ಮತ್ತೆ ಆರಂಭಿಸಿರುವ ಕುರಿತು ಭಾವುಕರಾಗಿ ಬರೆದುಕೊಂಡಿದ್ದಾರೆ. "ತ್ರಿಬಲ್ ರೈಡಿಂಗ್" ಚಿತ್ರೀಕರಣ ಶುರು ನಿಮ್ಮ ಹಾರೈಕೆಯಿರಲಿ

ಸದ್ಯಕ್ಕೆ ಗಣೇಶ್ ಅವರ ಕೈಯಲ್ಲಿ ಗಾಳಿಪಟ 2 ಹಾಗೂ ಸಖತ್​ ಎಂಬ ಎರಡು ಸಿನಿಮಾಗಳಿವೆ.

ಕಿರುತೆರೆಯಲ್ಲಿ ಜೊತೆ ಜೊತೆಯಲಿ ಧಾರಾವಾಹಿ ಖ್ಯಾತಿಯ ಮೇಘಾಶೆಟ್ಟಿ (ಅನು ಸಿರಿಮನೆ) ಗಣೇಶ್​ ಅವರಿಗೆ ತ್ರಿಬಲ್​ ರೈಡಿಂಗ್​ನಲ್ಲಿ ನಾಯಕಿಯಾಗಿದ್ದಾರೆ.

ಮಹೇಶ್​ ಗೌಡ ಈ ತ್ರಿಬಲ್​​ ರೈಡಿಂಗ್​ ಸಿನಿಮಾ ನಿರ್ದೇಶಿಸುತ್ತಿದ್ದಾರೆ.

ಲಾಕ್​ಡೌನ್​ನಲ್ಲಿ ಗಣೇಶ್​ ಮನೆಯಲ್ಲಿ ಪುಸ್ತಕ ಓದುತ್ತಾ ಜೊತೆಗೆ ಟೀ ಸವಿಯುತ್ತಿದ್ದರು.

ಗಣೇಶ್​ ಅವರ ಲಾಕ್​ಡೌನ್​ ಲುಕ್​ ಹೀಗಿತ್ತು.

ಕೈಯಲ್ಲಿ ಪುಸ್ತಕ ಹಿಡಿದು ಟೀ ಸವಿಯುತ್ತಾ ಓದುವುದು ಎಂದರೆ ಗಣೇಶ್ ಅವರಿಗೆ ತುಂಬಾ ಇಷ್ಟವಂತೆ.

ಗೋಲ್ಡನ್​ ಸ್ಟಾರ್​ ಗಣೇಶ್​