Ganesh: ಅಭಿಮಾನಿಗಳಲ್ಲಿ ಪ್ರೀತಿಯಿಂದ ಮನವಿ ಮಾಡಿದ ಗೋಲ್ಡನ್​ ಸ್ಟಾರ್ ಗಣೇಶ್​..!

ಬಹಳ ಸಮಯದ ನಂತರ ಗೋಲ್ಡನ್​ ಸ್ಟಾರ್​ ಗಣೇಶ್​ ತಮ್ಮ ಅಭಿಮಾನಿಗಳಿಗಾಗಿ ಒಂದು ಪುತ್ರ ಬರೆದಿದ್ದಾರೆ.

ಗಣೇಶ್​ ಅವರು ಅಭಿಮಾನಿಗಳಲ್ಲಿ ಪ್ರೀತಿಯಿಂದ ಒಂದು ಪುಟ್ಟ ಮನವಿ ಮಾಡಿದ್ದಾರೆ.

ಅಷ್ಟಕ್ಕೂ ಗಣೇಶ್​ ಅವರು ಮಾಡಿರುವ ಮನವಿ ಆದರೂ ಏನು ಅಂತೀರಾ..?

ಅದು ಗಣೇಶ್ ಅವರ ಹುಟ್ಟುಹಬ್ಬದ ಕುರಿತಾದ ಮನವಿಯಾಗಿದೆ.

ಅದು ಈ ಸಲ ತಮ್ಮ ಹುಟ್ಟುಹಬ್ಬವನ್ನು ಗಣೇಶ್ ಅವರು ಆಚರಿಸದಂತೆ ಅಭಿಮಾನಿಗಳಲ್ಲಿ ಮನವಿ ಮಾಡಿದ್ದಾರೆ.

ಸದ್ಯಕ್ಕೆ ಇರುವ ಪರಿಸ್ಥಿತಿಯಲ್ಲಿ ಸಂಭ್ರಮಿಸಲು ಮನಸ್ಸಾಗುತ್ತಿಲ್ಲ. ಜನರು ಸಂಕಷ್ಟ ಹಾಗೂ ನೋವಿನಲ್ಲಿದ್ದಾರೆ. ಈ ಕಾರಣದಿಂದಾಗಿ ಈ ಸಲ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳದಿರಲು ನಿರ್ಧರಿಸಿದ್ದೇನೆ ಎಂದಿದ್ದಾರೆ. 

ಪ್ರತಿ ಸಲ ನನ್ನ ಹುಟ್ಟುಹಬ್ಬವನ್ನು ಹಬ್ಬದಂತೆ ಆಚರಿಸಿ, ನನ್ನನ್ನು ಹರಸಿ, ಆರ್ಶೀವದಿಸುತ್ತಿದ್ದ ಅಭಿಮಾನಿಗಳು ಈ ಸಲ ಮನೆಯ ಬಹಳಿ ಬಂದು ಹುಟ್ಟುಹಬ್ಬ ಆಚರಿಸಬೇಡಿ ಎಂದು ಮನವಿ ಮಾಡಿದ್ದಾರೆ.

ಸಿನಿಮಾ ಚಿತ್ರೀಕರಣ ನಿಮಿತ್ತ ನಾನು ಊರಿನಿಂದ ಹೊರಗೆ ಇರುತ್ತೇನೆ. ಹೀಗಾಗಿ ಯಾರೂ ಮನೆಗಳ ಬಳಿ ಬಂದು ಕಾಯಬೇಡಿ ಎಂದೂ ಕೇಳಿಕೊಂಡಿದ್ದಾರೆ.

ನನ್ನ ಹುಟ್ಟುಹಬ್ಬಕ್ಕೆ ಖರ್ಚು ಮಾಡುತ್ತಿದ್ದ ಹಣವನ್ನು ಸಂಕಷ್ಟದಲ್ಲಿರುವವರಿಗೆ ಕೊಟ್ಟು ನೆರವಾಗಿ ಎಂದು ಹೇಳಿದ್ದಾರೆ.

ಗಣೇಶ್​ ಅವರ ಹುಟ್ಟುಹಬ್ಬ ಜುಲೈ 2ರಂದು. ಹುಟ್ಟುಹಬ್ಬಕ್ಕೆ ಇನ್ನು 3 ದಿನಗಳು ಬಾಕಿ ಇದೆ.

ಗಣೇಶ್​ ಅವರ ಸಿನಿಮಾ ವಿಷಯಕ್ಕೆ ಬರುವುದಾದರೆ, ಸಖತ್​, ಗಾಳಿಪಟ 2 ಹಾಗೂ ತ್ರಿಬಲ್​ ರೈಡಿಂಗ್​ ಚಿತ್ರಗಳ ಕೆಲಸಗಳು​ ನಡೆಯುತ್ತಿವೆ.