Ram Charan-Upasana: ವಿದೇಶದಲ್ಲೂ ರಾಮ್ ಚರಣ್, ಉಪಾಸನಾ ಹವಾ; ದಾಖಲೆ ಬರೆದ ಜೋಡಿ!

ರಾಮ್ ಚರಣ್ ಮತ್ತು ಉಪಾಸನಾ ಕೊನಿಡೇಲಾ ಅವರ ಆಸ್ಕರ್ ಫೋಟೋಶೂಟ್ ಹಾಗೂ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ. ಬೇಬಿ ಬಂಪ್​ನೊಂದಿಗೆ ಉಪಾಸನಾ ಮಿಂಚಿದ್ರು.

ಆಸ್ಕರ್ ಸಮಾರಂಭದಲ್ಲಿ RRR ಸಿನಿಮಾ ತಂಡ ತಮ್ಮ ಫೋಟೋಶೂಟ್ ಸಮಯದಲ್ಲಿ ವೀಡಿಯೊವನ್ನು ಬಿಡುಗಡೆ ಮಾಡಿತು. ಈ ವಿಡಿಯೋಗೆ ಸೋಶಿಯಲ್ ಮೀಡಿಯಾದಲ್ಲಿ ಉತ್ತಮ ರೆಸ್ಪಾನ್ಸ್ ಸಿಕ್ಕಿದೆ.

ಅಮೆರಿಕಾದಲ್ಲಿ ರಾಮ್ ಚರಣ್ ಹಾಗೂ ಪತ್ನಿ ಉಪಾಸನಾ ದೇಶದ ಸಂಸ್ಕೃತಿಯನ್ನು ಎತ್ತಿ ಹಿಡಿಯುವ ಕೆಲಸ ಮಾಡಿದ್ದಾರೆ. ವಿದೇಶಿ ನೆಲದಲ್ಲಿ ಉಪಾಸನಾ ಹಾಗೂ ರಾಜಮೌಳಿ ಪತ್ನಿ ಸೀರೆಯುಟ್ಟು ಕಾರ್ಯಕ್ರಮಕ್ಕೆ ಹಾಜರಾಗಿ ಎಲ್ಲರ ಗಮಸೆಳೆದರು.

ವ್ಯಾನಿಟಿ ಫೇರ್ ಯೂಟ್ಯೂಬ್ ನಲ್ಲಿ ರಾಮ್ ಚರಣ್ ಹಾಗೂ ಉಪಾಸನಾ ದಂಪತಿ ಆಸ್ಕರ್​ ಕಾರ್ಯಕ್ರಮಕ್ಕೆ ತೆರಳು ಮುನ್ನ ಮೊದಲು ಹೇಗೆಲ್ಲಾ ರೆಡಿಯಾದರೂ ಎಂಬುದನ್ನು ತೋರಿಸಲಾಗಿತ್ತು. ರಾಮ್, ಉಪಾಸನಾ ಸ್ಟೈಲ್​ ಗಮನ ಸೆಳೆದಿದೆ. 

ರಾಮ್  ಚರಣ್​ ಬಟ್ಟೆಗಳನ್ನು ಹೇಗೆಲ್ಲಾ ತಯಾರಿಸಲಾಗಿದೆ ಹಾಗೂ ಉಪಾಸನಾ ಸೀರೆಯಲ್ಲಿ ವಿಶೇಷತೆಗಳ  ಬಗ್ಗೆ ವಿಡಿಯೋ ಮಾಡಿದ್ರು. ದಂಪತಿ ಕಾರ್ಯಕ್ರಮಕ್ಕೆ ತೆರಳುವ ಮುನ್ನ ದೇವರಿಗೆ ನಮಸ್ಕರಿಸುವ ಪದ್ದತಿ ವಿಡಿಯೋ ಸಖತ್ ವೈರಲ್ ಆಗಿತ್ತು.  

ಈ ವಿಡಿಯೋ ವ್ಯಾನಿಟಿ ಫೇರ್ ಯೂಟ್ಯೂಬ್ ನಲ್ಲಿ 6.5 ಮಿಲಿಯನ್ಸ್ ವೀವ್ಸ್ ಪಡೆದುಕೊಂಡು ದಾಖಲೆ ಬರೆದಿದೆ. ಈ ಯೂಟ್ಯೂಬ್ ಚಾನೆಲ್ ನಲ್ಲಿ ಅತಿ ಹೆಚ್ಚು ವೀವ್ಸ್ ಪಡೆದಿರುವುದು ಇದೇ ವಿಡಿಯೋ ಅನ್ನೋದೇ ವಿಶೇಷ.

ರಾಮ್ ಚರಣ್ ಮತ್ತು ಉಪಾಸನಾ ಶೀಘ್ರದಲ್ಲೇ ತಂದೆ-ತಾಯಿಯಾಗುವ ಖುಷಿಯಲ್ಲಿದ್ದಾರೆ.  ಮೊದಲ ಮಗುವಿನ ನಿರೀಕ್ಷೆಯಲ್ಲಿ ಕಾಯುತ್ತಿದ್ದಾರೆ. ದುಬೈನಲ್ಲಿ ಉಪಾಸನಾ ಬೇಬಿ ಶವರ್​  ಸಂಭ್ರಮಾಚರಣೆ ಫೋಟೋ ಕೂಡ ಹಂಚಿಕೊಂಡಿದ್ರು.

ರಾಮ್ ಚರಣ್ ಮತ್ತು ಉಪಾಸನಾ 5 ವರ್ಷಗಳ ಕಾಲ ಪ್ರೀತಿಸಿ ಬಳಿಕ ಮದುವೆಯಾಗಿದ್ದಾರೆ. ತೆಲುಗು ರಾಜ್ಯಗಳಲ್ಲಿ ಚಿರಂಜೀವಿ ಕುಟುಂಬ ಮತ್ತು ಅಪೋಲೋ ಪ್ರತಾಪ್ ರೆಡ್ಡಿ ಕುಟುಂಬಕ್ಕೆ ಒಳ್ಳೆಯ ಹೆಸರಿದೆ. ಅಪೋಲೋ ಆಸ್ಪತ್ರೆಯ ಅಪೋಲೋ ಲೈಫ್ ವಿಭಾಗದ ಉಪಾಧ್ಯಕ್ಷರಾಗಿರುವ ಉಪಾಸನಾ ಮೆಗಾಸ್ಟಾರ್ ಚಿರಂಜೀವಿ ಅವರ ಸೊಸೆಯಾಗಿ ಮತ್ತು ರಾಮ್ ಚರಣ್ ಅವರ ಪತ್ನಿಯಾಗಿ ಮೆಗಾ ಕುಟುಂಬವನ್ನು ಸೇರಿಕೊಂಡಿದ್ದಾರೆ. ಫೋಟೋ: Instagram