Priyanka Kamath: ಮಜಾಭಾರತ, ಗಿಚ್ಚಿ ಗಿಲಿಗಿಲಿ ಕಲಾವಿದೆ ಪ್ರಿಯಾಂಕಾ ನಿಶ್ಚಿತಾರ್ಥ, ಹುಡುಗ ಯಾರು ನೋಡಿ!

ಮಜಾಭಾರತ, ಗಿಚ್ಚಿ ಗಿಲಿಗಿಲಿ ಶೋ ಮೂಲಕ ಎಲ್ಲರನ್ನೂ ನಗಿಸಿದ್ದ ಪ್ರಿಯಾಂಕಾ ಕಾಮತ್ ತಮ್ಮ ನೆಚ್ಚಿನ ಹುಡುಗನ ಜೊತೆ ಎಂಗೇಜ್ ಆಗಿದ್ದಾರೆ. ಶೀಘ್ರದಲ್ಲೇ ಮದುವೆ ಆಗಲಿದ್ದಾರೆ.

ಪ್ರಿಯಾಂಕಾ ಕಾಮತ್ ನೋಡಲು ಕ್ಯೂಟ್ ಆಗಿದ್ದು, ತಮ್ಮ ಅದ್ಭತ ನಟನೆಯ ಮೂಲಕ ಜನರನ್ನು ನಗಿಸಿದ್ದಾರೆ. ಉದ್ದ ಜಡೆಯ ಚೆಲುವೆ ಈ ಪ್ರಿಯಾಂಕಾ.

ಮಜಾಭಾರತದಲ್ಲಿ ಎಲ್ಲರನ್ನೂ ನಗಿಸಿದ್ದ ಪ್ರಿಯಾಂಕಾ, ಗಿಚ್ಚಿ ಗಿಲಿ ಗಿಲಿ ಶೋನಲ್ಲಿ ಮತ್ತೊಮ್ಮೆ ಮಿಂಚಿದ್ದರು. ಕಲಾವಿದ ಅಲ್ಲದ ಪ್ರಶಾಂತ್ ಅವರಿಗೆ ಹಾಸ್ಯ ಮಾಡುವುದನ್ನು ಕಲಿಸಿ ಕೊಟ್ಟಿದ್ದರು.

ಪ್ರಶಾಂತ್ ಅವರು ಗಿಚ್ಚಿ ಗಿಲಿ ಗಿಲಿ ಕಾರ್ಯಕ್ರಮದಲ್ಲಿ ಪ್ರಿಯಾಂಕಾ ಅವರನ್ನು ಪ್ರೀತಿಸುವುದಾಗಿ ಹೇಳಿದ್ದರು. ಅಲ್ಲದೇ ಗೋಲ್ಡ್ ಚೈನ್ ಸಹ ಕೊಟ್ಟಿದ್ದರು. ಆದ್ರೆ ಪ್ರಿಯಾಂಕಾ ತಾವು ಬೇರೆಯವರನ್ನು ಪ್ರೀತಿಸುವುದಾಗಿ ಹೇಳಿದ್ದರು.

ಪಿಕೆ ಅವರು ತಾವು ಬಹುಕಾಲದಿಂದ ಪ್ರೀತಿಸುತ್ತಿದ್ದ ಅಮಿತ್ ನಾಯಕ್ ಜೊತೆ ಮನೆಯವರ ಎದುರು ಉಂಗುರ ಬದಲಾಯಿಸಿಕೊಂಡಿದ್ದಾರೆ. ಅಮಿತ್ ನಾಯಕ್ ಮೂಲತಃ ಕುಂದಾಪುರದವರು. ಮೆಕ್ಯಾನಿಕಲ್ ಎಂಜಿನಿಯರ್ ಓದಿದ್ದಾರೆ.

ಶೀಘ್ರದಲ್ಲೇ ಈ ಜೋಡಿ ಹಸೆಮಣೆ ಏರಲಿದ್ದಾರೆ. ಪ್ರಿಯಾಂಕಾ ಕಾಮತ್ ತುಂಬಾ ಖುಷಿಯಾಗಿದ್ದಾರೆ. ಇಷ್ಟು ದಿನದ ಪ್ರೀತಿ ಬಂಧಕ್ಕೆ, ಮದುವೆ ಬಂಧನವಾಗುತ್ತಿದೆ ಎಂದಿದ್ದಾರೆ.

ಅಮಿತ್ ನಾಯಕ್ ಪ್ರಿಯಾಂಕಾಗೆ ಎಲ್ಲಾ ವಿಚಾರದಲ್ಲೂ ತುಂಬಾ ಬೆಂಬಲವಾಗಿ ನಿಂತಿದ್ದಾರೆ. ಕಷ್ಟ ಕಾಲದಲ್ಲಿ ನನ್ನ ಹುಡುಗ ಸದಾ ಇದ್ದಾರೆ ಎಂದು ಪಿಕೆ ಹೇಳಿಕೊಂಡಿದ್ದರು.

ಇಬ್ಬರ ಜೋಡಿ ನೋಡಲು ಸುಂದರವಾಗಿದೆ. ನಿಮ್ಮ ಪ್ರೀತಿ ಹೀಗೆ ಮುಂದುವರೆಯಲಿ ಎಂದು ಅಭಿಮಾನಿಗಳು ವಿಶ್ ಮಾಡಿದ್ದಾರೆ. ಆದಷ್ಟು ಬೇಗ ಮದುವೆ ದಿನಾಂಕ ತಿಳಿಸಿ ಎಂದಿದ್ದಾರೆ.