Naga Chaitanya-Samantha: ಶೀಘ್ರವೇ ಸೆಟ್ಟೆರಲಿದೆ ಯೇ ಮಾಯಾ ಚೇಸಾವೆ-2 ಸಿನಿಮಾ; ನಾಗ ಚೈತನ್ಯಗೆ ಇವ್ರೇ ನಾಯಕಿ?

ಸಮಂತಾ ಹಾಗೂ ನಾಗಚೈತನ್ಯ ಚೈತು ಯೇ ಮಾಯಾ ಚೇಸಾವೆ, ಮನಂ ಮತ್ತು ಮಜಿಲಿ ಚಿತ್ರಗಳಲ್ಲಿ ಒಟ್ಟಿಗೆ ನಟಿಸಿದ್ದಾರೆ. ಬಳಿಕ ಇಬ್ಬರೂ ಪ್ರೀತಿಸಿ ಮದುವೆಯಾದರು. ಆದರೆ ಮದುವೆಯಾಗಿ 4 ವರ್ಷಗಳ ನಂತರ ಈ ಜೋಡಿ ಡೈವರ್ಸ್ ಪಡೆದು ಎಲ್ಲರಿಗೂ ಶಾಕ್ ನೀಡಿದ್ದರು. ಇದೀಗ ಈ ಜೋಡಿಯ ಯೇ ಮಾಯಾ ಚೇಸಾವೆ ಸೀಕ್ವೆಲ್ ಸುದ್ದಿ ಭಾರೀ ಸದ್ದು ಮಾಡಿದೆ.

ಇಂದಿರಾ ಪ್ರೊಡಕ್ಷನ್ಸ್ ಬ್ಯಾನರ್ನಡಿಯಲ್ಲಿ ಗೌತಮ್ ಮೆನನ್ ನಿರ್ದೇಶಿಸಿದ ಯೇ ಮಾಯಾ ಚೇಸಾವೆ ಲವ್ ಸ್ಟೋರಿ ಆಗಿದ್ದು, ಮಂಜುಳಾ ಘಟ್ಟಮನೇನಿ ನಿರ್ಮಿಸಿದ್ದಾರೆ. ಈ ಚಿತ್ರದಲ್ಲಿ ಅಕ್ಕಿನೇನಿ ನಾಗ ಚೈತನ್ಯ ಮತ್ತು ಸಮಂತಾ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ರು. ಎಆರ್ ರೆಹಮಾನ್ ಮ್ಯೂಸಿಕ್ ನೀಡಿದ ಈ ಸಿನಿಮಾದ ಹಾಡುಗಳು ಸಖತ್ ಹಿಟ್ ಆಗಿತ್ತು

ಈ ಸಿನಿಮಾ ಫೆಬ್ರವರಿ 26, 2010 ರಂದು ರಿಲೀಸ್ ಆಗಿತ್ತು. ಈ ಸಿನಿಮಾ ಮೂಲಕ ನಾಗ ಚೈತನ್ಯ ಮತ್ತು ಸಮಂತಾ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟರು.

ಕಾರ್ತಿಕ್ ಎಂಬ ಯುವ ಸಹಾಯಕ ನಿರ್ದೇಶಕ ಮತ್ತು ಅವನಿಗಿಂತ 2 ವರ್ಷ ದೊಡ್ಡವಳಾದ ಜೆಸ್ಸಿ ಎಂಬ ಮಲಯಾಳಂ ಕ್ರಿಶ್ಚಿಯನ್ ಹುಡುಗಿಯ ನಡುವಿನ ಲವ್ ಸ್ಟೋರಿಯೇ ಯೇ ಮಾಯಾ ಚೇಸಾವೆ ಸಿನಿಮಾ ಆಗಿದೆ.

ಇದೀಗ ಯೇ ಮಾಯಾ ಚೇಸಾವೆ ಪಾರ್ಟ್ 2 ಸಿನಿಮಾ ಬರಲಿದೆ ಎಂದು ಗೌತಮ್ ಮೆನನ್ ಹೇಳಿದ್ದಾರೆ. ಈಗ ಅವರು ಚಿತ್ರದ ಸ್ಕ್ರಿಪ್ಟ್ ಕೆಲಸವನ್ನು ಪೂರ್ಣಗೊಳಿಸುತ್ತಿದ್ದಾರೆ. ಶೀಘ್ರದಲ್ಲೇ ಯೇ ಮಾಯಾ ಚೇಸಾವೆ 2 ಸೆಟ್ ಏರಲಿದೆ ಎಂದು ಹೇಳಲಾಗ್ತಿದೆ. ಈ ಸಿನಿಮಾದ ನಾಯಕ, ನಾಯಕಿ ಯಾರೂ ಅನ್ನೊದೆ ಸದ್ಯದ ಕುತೂಹಲವಾಗಿದೆ.

ಸದ್ಯದ ಮಾಹಿತಿ ಪ್ರಕಾರ ನಾಗ ಚೈತನ್ಯ ಅವರೇ ನಾಯಕನಾಗಿ ನಟಿಸುತ್ತಾರಂತೆ ಆದ್ರೆ, ನಾಯಕಿಯಾಗಿ ಸಮಂತಾ ಬದಲಿಗೆ ರಶ್ಮಿಕಾ ಮಂದಣ್ಣ ಆಯ್ಕೆಯಾಗಿದ್ದಾರೆ ಎಂಬ ಮಾಹಿತಿ ಕಾಲಿವುಡ್ ಮಾಧ್ಯಮಗಳಿಂದ ಬಂದಿದೆ.

ವಿಚ್ಛೇದನದ ನಂತರ ದಂಪತಿ ಜೀವನದಲ್ಲಿ ಎದುರಿಸಿದ ಸಮಸ್ಯೆಗಳನ್ನು ಗೌತಮ್ ಮೆನನ್ ಈ ಸಿನಿಮಾದಲ್ಲಿ ತೋರಿಸಲಿದ್ದಾರಂತೆ. ಇದು ನಾಗ ಚೈತನ್ಯ ಹಾಗೂ ಸಮಂತಾ ಡೈವರ್ಸ್ ಕಥೆನಾ ಎಂದು ಅನೇಕರು ಪ್ರಶ್ನೆ ಮಾಡಿದ್ದಾರಂತೆ.

ಈ ಸಿನಿಮಾ ಯಾವಾಗ ಸೆಟ್ಟೇರಲಿದೆ ಎಂದು ಅಕ್ಕಿನೇನಿ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ.