Bollywood Size Zero: ಶಿಲ್ಪಿ ಕೆತ್ತಿದ ಶಿಲ್ಪದಂತಿರುವ ಈ ತಾರೆಯರು ಮೊದಲು ಹೇಗಿದ್ದರು ಗೊತ್ತೆ..?

ತೂಕ ಇಳಿಸಿಕೊಂಡ ಸಿನಿ ತಾರೆಯರು

ಬಾಲಿವುಡ್​ನ ಬೇಡಿಕೆಯ ನಟಿ ಸಾರಾ ಅಲಿ ಖಾನ್​ ಸದ್ಯ ಹುಡುಗರ ಅಚ್ಚುಮೆಚ್ಚಿನ ನಟಿ. ಈಕೆ ಸಿನಿಮಾಗಳಿಗೆ ಬರುವ ಮೊದಲು 90 ಕೆ.ಜಿ. ತೂಕ ಇದ್ದರು. ನಂತರ ಸಿನಿಮಾಗಾಗಿ ಸಪೂರವಾಗಿದ್ದಾರೆ.

ನೋಡೋಕೆ ತೆಳ್ಳಗೆ ಬೆಳ್ಳಗೆ ಕಡೆದಿಟ್ಟ ಶಿಲ್ಪದಂತಿರುವ ಅಲಿಯಾ ಭಟ್​ ಸಹ ಹಿಂದೆ ದಪ್ಪಗಿದ್ದರು. ಅವರ ಮೊದಲ ಸಿನಿಮಾ 'ಸ್ಟುಡೆಂಟ್​ ಆಫ್​ ದಿ ಇಯರ್​' ಸಿನಿಮಾಗಾಗಿ 16 ಕೆ.ಜಿ. ತೂಕ ಇಳಿಸಿಕೊಂಡರು.

ಕರೀನಾ ಕಪೂರ್ ಸಿನಿಮಾಗೆ ಬರುವ ಮೊದಲೂ ದಪ್ಪಗಿದ್ದರು. ನಂತರ ಬಿ-ಟೌನ್​ನಲ್ಲಿ ಸೈಜ್​ ಝೋರೊ ಟ್ರೆಂಡ್​ ಹುಟ್ಟುಹಾಕಿದರು. ಇದಾದ ಮೇಲೆ ವಿವಾಹವಾಗಿ ಗರ್ಭವತಿಯಾದ ನಂತರ ಮತ್ತೆ ದೇಹದ ತೂಕ ಹೆಚ್ಚಿತ್ತು. ಅದನ್ನೂ ಅವರು ನಿಧಾನವಾಗಿ ಇಳಿಸಿಕೊಂಡು ಮೊದಲಿನಂತೆ ಸಿಕ್ಕಾಪಟ್ಟೆ ಫಿಟ್​ ಆಗಿದ್ದಾರೆ.

ವಿದೇಶದಲ್ಲಿ ವ್ಯಾಸಂಗ ಮಾಡಿ ಭಾರತಕ್ಕೆ ಬಂದಯ ಯಶ್​ ರಾಜ್​ ಫಿಲ್ಮ್ಸ್​ ಕಚೇರಿಯಲ್ಲಿ ಕೆಲಸ ಮಾಡಲಾರಂಭಿಸಿದರು. ಆಗ ಅವರ ತೂಕ 90 ಕೆ.ಜಿ. ದಾಟಿತ್ತು. ಸಿನಿಮಾಗಾಗಿ ಅದನ್ನು ಇಳಿಸಿಕೊಂಡರಾದರೂ, ಅದರು ಅವರಿಗೆ ಸರಿಕಾಣಲಿಲ್ಲ. ನಂತರ ಪರಿಣಿತಿ ದೇಹವನ್ನು ದಂಡಿಸಿ ಸೈಜ್​ ಝೋರೊ ಆದರು.

ಶತ್ರುಗನ್​ ಸಿನ್ಹಾ ಅವರ ಮುದ್ದಿನ ಮಗಳು ಸೋನಾಕ್ಷಿ ಸಿನಿಮಾಗಾಗಿ 30 ಕೆ.ಜಿ. ತೂಕ ಇಳಿಸಿಕೊಂಡರು. ನಂತರವೇ ಅವರು 'ದಬಂಗ್​'ನಲ್ಲಿ ನಾಯಕಿಯಾಗಿ ಆಯ್ಕೆಯಾಗಿದ್ದು.

ಬಾಲಿವುಡ್​ನ ಸ್ಟೈಲ್​ ಐಕಾನ್​ ಎಂದೇ ಕರೆಸಿಕೊಳ್ಳುವ ಟ್ರೆಂಡಿ ನಟಿ ಸೋನಮ್ ಸಹ ಸಿನಿಮಾಗಾಗಿ ದೇಹದ ತೂಕ ಇಳಿಸಿಕೊಂಡವರೆ.

'ಧಮ್​ ಲಗಾಕೆ ಹೈಯ್ಯಾ' ಸಿನಿಮಾಗಾಗಿ ತೂಕ ಹೆಚ್ಚಿಸಿಕೊಂಡಿದ್ದ ನಟಿ ಭೂಮಿ ಪಡ್ನೆಕರ್​ ನಂತರ ಮತ್ತೊಂದು ಸಿನಿಮಾಗಾಗಿ 27 ಕೆ.ಜಿ. ತೂಕ ಇಳಿಸಿಕೊಂಡರು.

ಸಲ್ಮಾನ್​ ಖಾನ್​ ಜತೆ ಅಭಿನಯಿಸಿದ್ದ ನಟಿ ಜರೀನ್​ ಖಾನ್​ ಜೂನಿಯರ್​ ಐಶ್ವರ್ಯಾ ಎಂದೇ ಖ್ಯಾತರಾದವರು. ಇವರು ಸಿನಿಮಾಗೆ ಬರಲೆಂದು 58 ಕೆ.ಜಿ. ತೂಕ ಇಳಿಸಿಕೊಂಡಿದ್ದರಂತೆ.

ಬೋನಿ ಕಪೂರ್​ ಅವರ ಮಗ ಅರ್ಜುನ್​ ಕಪೂರ್​ ಸಿನಿಮಾಗಾಗಿ ಸತತ ಮೂರು ವರ್ಷಗಳ ಕಾಲ ಕಷ್ಟಪಟ್ಟು 50 ಕೆ.ಜಿ. ತೂಕ ಇಳಿಸಿಕೊಂಡಿದ್ದರಂತೆ. ಇವರಿಗೆ ಈ ಕೆಲಸದಲ್ಲಿ ಸಹಾಯ ಹಾಗೂ ಮಾರ್ಗದರ್ಶನ ನೀಡಿದ್ದು ಬ್ಯಾಡ್​ಬಾಯ್​ ಸಲ್ಮಾನ್​ ಖಾನ್​ ಅಂತೆ.

ನಟ ಜಾಕಿ ಭಗ್ನಾನಿ ಸಹ ಸಿನಿಮಾಗಾಗಿ ತಮ್ಮ ದೇಹದ ತೂಕವನ್ನು ಕಡಿಮೆ ಮಾಡಿಕೊಂಡಿದ್ದರು.

ಗಾಯಕ ಅದ್ನಾನ್​ ಸಮಿ ಅವರ 'ಲಿಫ್ಟ್​ ಕರಾದೆ...' ಆಲ್ಬಂ ನೋಡಿದರೆ ಅವರು ಎಷ್ಟು ದಪ್ಪಗಿದ್ದರು ಎಂದು ತಿಳಿಯುತ್ತದೆ. 206 ಕೆ.ಜಿ. ಇದ್ದವರು ಅವರು ನಂತರ ಚಿಕಿತ್ಸೆ ಪಡೆದು 130 ಕೆ.ಜಿ. ತೂಕವನ್ನು ಇಳಿಸಿಕೊಂಡರು.