Annamalai IPS: ಸಿನಿಮಾದತ್ತ ಮುಖ ಮಾಡಿದ ಕರ್ನಾಟಕದ ಸಿಂಗಂ, ಒಂದೇ ಒಂದು ರೂಪಾಯಿ ಸಂಭಾವನೆ ಪಡೆದ ಅಣ್ಣಾಮಲೈ

ಕರ್ನಾಟಕದಲ್ಲಿ ಖಡಕ್​ ಆಫಿಸರ್​ ಆಗಿ ಕಾರ್ಯನಿರ್ವಹಿಸಿದ್ದ ಅಣ್ಣಾಮಲೈ ಅವರು, ಇಲ್ಲಿ ತಮ್ಮ ಕಾರ್ಯವೈಖರಿ ಮೂಲಕ ಮನೆಮಾತಾಗಿದ್ದರು. ಒಂದು ರೀತಿಯಲ್ಲಿ ಹೇಳಬೇಕೆಂದರೆ ಅಭಿಮಾನಿಗಳನ್ನು ಹೊಂದಿದ್ದರು.

ಸ್ವಯಂ ನಿವೃತ್ತಿ ಪಡೆದು ರಾಜಕೀಯದತ್ತ ಮುಖ ಮಾಡಿದ್ದ ಅಣ್ಣಾಮಲೈ ಅವರು , ತಮಿಳುನಾಡು ರಾಜ್ಯ ಬಿಜೆಪಿ ಅಧ್ಯಕ್ಷರಾಗಿ ಫುಲ್​ ಬ್ಯುಸಿ ಇದ್ದಾರೆ. ಆದರೂ ಕೂಡ ಒಂದು ಚಿತ್ರಕ್ಕೆ ಬಣ್ಣ ಹೆಚ್ಚಿದ್ದು, ಯಾರಿಗೂ ತಿಳಿಯದಂತೆ ಶೂಟಿಂಗ್ ಸಹ ಮುಗಿಸಿದ್ದಾರೆ.

ಅರಬ್ಬಿ ಎನ್ನುವ ಚಿತ್ರದಲ್ಲಿ ಮಾಜಿ ಅಧಿಕಾರಿ ಕಾಣಿಸಿಕೊಳ್ಳುತ್ತಿದ್ದು, ಇದರಲ್ಲಿ ಸ್ವಿಮ್ಮಿಂಗ್​ ಕೋಚ್​ ಪಾತ್ರಕ್ಕೆ ಜೀವ ತುಂಬುತ್ತಿದ್ದಾರೆ. ಇದು ನೈಜ ಜೀವನ ಆಧಾರಿತ ಕತೆಯಾಗಿದೆ ಎನ್ನಲಾಗುತ್ತಿದೆ.

ಎರಡು ಕೈಗಳಿಲ್ಲದೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಈಜು ಕ್ರೀಡೆಯಲ್ಲಿ ಸಾಧನೆ ಮಾಡಿರುವ ಕೆ.ಎಸ್. ವಿಶ್ವಾಸ್ ಅವರ ಜೀವನವನ್ನು ಆಧರಿಸಿ ಈ ಸಿನಿಮಾ ಮಾಡಲಾಗುತ್ತಿದೆ ಎಂದು ಚಿತ್ರತಂಡ ತಿಳಿಸಿದೆ.

ಇನ್ನು ವಿಶೇಷತೆ ಎಂದರೆ ಅಣ್ಣಾಮಲೈ ಅವರು ಈ ಚಿತ್ರದಲ್ಲಿ ನಟಿಸಲು ಕೇವಲ ಒಂದು ರೂಪಾಯಿ ಸಂಭಾವನೆ ಪಡೆದಿದ್ದಾರಂತೆ. ಮೊದಲ ಬಾರಿಗೆ ತೆರೆ ಮೇಲೆ ಬರುತ್ತಿರುವ ಸಿಂಗಂ ನೋಡಲು ಅಭಿಮಾನಿಗಲಳು ಸಹ ಕಾಯುತ್ತಿದ್ದಾರೆ.

ಇನ್ನು ಈ ಚಿತ್ರದ ಮತ್ತೊಂದು ವಿಶೇಷತೆ ಎಂದರೆ ಇದರಲ್ಲಿ ವಿಶ್ವಾಸ್​ ಅವರೇ ಅವರ ಪಾತ್ರವನ್ನು ಮಾಡುತ್ತಿದ್ದು, ಅವರ ಕೋಚ್​ ಆಗಿ ಅಣ್ಣಾಮಲೈ ಅವರು ಕಾಣಿಸಿಕೊಳ್ಳುತ್ತಿದ್ದಾರೆ. ಈಗಾಗಲೆ ಈ ಚಿತ್ರದ ಶೂಟಿಂಗ್ ಮುಗಿದಿದ್ದು, ಬಿಡುಗಡೆಗೆ ಸಿದ್ದವಾಗಿದೆ.

ಅಲ್ಲದೇ ಚಿತ್ರತಂಡದ ಪ್ರಕಾರ ಅಣ್ಣಾಮಲೈ ಅವರನ್ನು ಈ ಕತೆ ಹೇಳಿ, ಕೋಚ್​ ಪಾತ್ರದಲ್ಲಿ ನಟಿಸುವಂತೆ ಕೇಳಿದಾಗ ಒಂದು ಕ್ಷಣವೂ ಯೋಚಿಸದೆ, ಒಪ್ಪಿಕೊಂಡು ಶೂಟಿಂಗ್ ಮುಗಿಸಿದ್ದಾರೆ ಎಂದಿದ್ದಾರೆ.

ನಿಜಕ್ಕೂ ಇದೊಂದು ವಿಭಿನ್ನ ಕತೆಯುಳ್ಳ ಚಿತ್ರವಾಗಿದ್ದು, ದೇಶಕ್ಕೆ ಕೀರ್ತಿ ತಮದುಕೊಟ್ಟ ವಿಶ್ವಾಸ್​ ಅವರ ಬದುಕನ್ನ ಜನರ ಮುಂದೆ ತೋರಿಸುವ ಪ್ರಯತ್ನವನ್ನು ಚಿತ್ರತಂಡ ಮಾಡುತ್ತಿದೆ.