Jr NTR: ಜೂನಿಯರ್ ಎನ್​ಟಿಆರ್ ಸಿನಿಮಾ ರಿ-ರಿಲೀಸ್ ವೇಳೆ ಥಿಯೇಟರ್​ನಲ್ಲಿ ಬೆಂಕಿ

ಜೂನಿಯರ್ ಎನ್​ಟಿಆರ್ ಅವರ 2003ರ ತೆಲುಗು ಸಿನಿಮಾ ಸಿಂಹಾದ್ರಿ ರಿ-ರಿಲೀಸ್ ಆಗಿದೆ. ತೆಲುಗು ರಾಜ್ಯಗಳಲ್ಲಿ ಅದ್ಧೂರಿಯಾಗಿ ಸಿನಿಮಾ ರಿಲೀಸ್ ಆಗಿದ್ದು ನಟನ ಬರ್ತ್​ಡೇಯಂದು ಶುಕ್ರವಾದ ಸಿನಿಮಾ ರಿಲೀಸ್ ಮಾಡಲಾಯಿತು.

ಸಿನಿಮಾಗೆ ಭರ್ಜರಿ ರೆಸ್ಪಾನ್ಸ್ ಕೂಡಾ ವ್ಯಕ್ತವಾಗಿದೆ. ಸಿನಿಮಾ ನೋಡಲು ಪ್ರೇಕ್ಷಕರ ದಂಡೇ ಥಿಯೇಟರ್​ ಕಡೆ ಬಂದಿತ್ತು. ಶನಿವಾರ ವಿಜಯವಾಡದ ಥಿಯೇಟರ್ ಒಳಗಡೆ ಅಭಿಮಾನಿಗಳು ಪಟಾಕಿ ಸಿಡಿಸಿದ ಕಾರಣ ಬೆಂಕಿ ಕಾಣಿಸಿಕೊಂಡಿದೆ. ಒಂದಷ್ಟು ಸೀಟ್​​ಗಳೂ ಹಾನಿಯಾದವು.

ಎಲ್ಲಾ ಕಡೆಗಳಲ್ಲಿ ಸಿನಿಮಾ ರಿ-ರಿಲೀಸ್ ಸಂಭ್ರಮ ತುಂಬಿದ್ದ ಹಿನ್ನೆಲೆಯಲ್ಲಿ ವಿಜಯವಾಡದಲ್ಲಿ ಸಂಭ್ರಮಾಚರಣೆ ವೇಳೆ ಅವಘಡ ಸಂಭವಿಸಿದೆ. ಘಟನೆಯ ಫೊಟೋ ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆದವು. ನಂತರ ಶೋ ಕ್ಯಾನ್ಸಲ್ ಮಾಡಲಾಯಿತು.

ಪೊಲೀಸ್ ಸಿಬ್ಬಂದಿ ಸ್ಥಳಕ್ಕೆ ಆಗಮಿಸಿ ಎಲ್ಲರೂ ಸೇಫ್ ಆಗಿ ಹೊರಗೆ ಹೋಗಲು ನೆರವಾದರು. ಆದರೆ ಸಿನಿಮಾ ಪ್ರದರ್ಶನ ಮಾತ್ರ ಕ್ಯಾನ್ಸಲ್ ಮಾಡಬೇಕಾಗಿ ಬಂದಿದೆ.

ಇಂಥಹ ವರ್ತನೆ ಸಹಿಸಲು ಸಾಧ್ಯವಿಲ್ಲ. ಈಗ ಆಗಿರುವ ನಷ್ಟವನ್ನು ಯಾರು ಭರಿಸುತ್ತಾರೆ ಎಂದು ನೆಟ್ಟಿಗರು ಕಮೆಂಟ್ ಮಾಡಿದ್ದಾರೆ. ಅಭಿಮಾನಿಗಳ ಹುಚ್ಚಾಟಕ್ಕೆ ಥಿಯೇಟರ್ ಮಾಲೀಕರು ನಷ್ಟ ಅನುಭವಿಸಬೇಕೇ ಎಂದು ಪ್ರಶ್ನಿಸಿದ್ದಾರೆ.

ಎಸ್​ಎಸ್​ ರಾಜಮೌಳಿ ನಿರ್ದೇಶನದ ಸಿಂಹಾದ್ರಿ ಸಿನಿಮಾದಲ್ಲಿ ಜೂನಿಯರ್ ಎನ್​ಟಿಆರ್ ಹಾಗೂ ಎಸ್​ಎಸ್​​ಆರ್ ಮೊದಲಬಾರಿಗೆ ಜೊತೆಯಾಗಿದ್ದರು. ಸಿನಿಮಾ ಆಂಧ್ರಪ್ರದೇಶ ಹಾಗೂ ತೆಲಂಗಾಣದಲ್ಲಿ ವೀಕೆಂಡ್​​ಗೆ ರಿ-ರಿಲೀಸ್ ಆಗಿದೆ. ನಟನ 40ನೇ ಹುಟ್ಟಿದ ಹಬ್ಬದ ಪ್ರಯುಕ್ತ ಸಿನಿಮಾ ಮತ್ತೊಮ್ಮೆ ಬಿಡುಗಡೆ ಮಾಡಲಾಗಿದೆ.

ಸಿಂಹಾದ್ರಿ ರಿ-ರಿಲೀಸ್​ನಲ್ಲಿ ಮೊದಲ ದಿನವೇ 5.14 ಕೋಟಿ ರೂಪಾಯಿ ಗಳಿಕೆಯಾಗಿದೆ. ಸದ್ಯ ನಟ ಅವರ ಮುಂಬರುವ ಸಿನಿಮಾ ದೇವರ ಶೂಟಿಂಗ್​ನಲ್ಲಿ ಬ್ಯುಸಿಯಾಗಿದ್ದಾರೆ. ಇದರಲ್ಲಿ ಕೊರಟಾಲ ಶಿವ ನಿರ್ದೇಶಕರಾಗಿದ್ದು ಈ ಜೋಡಿಯ ಎರಡನೇ ಸಿನಿಮಾ ಇದಾಗಿದೆ.