Gauri Khan: ಪಠಾಣ್ ಸ್ಟಾರ್ ಶಾರುಖ್ ಪತ್ನಿ ವಿರುದ್ಧ FIR ದಾಖಲು

ಬಾಲಿವುಡ್ ಸ್ಟಾರ್ ನಟ, ಕಿಂಗ್ ಖಾನ್ ಪತ್ನಿಯಾಗಿರುವ ಗೌರಿ ಖಾನ್ ವಿರುದ್ಧ ಎಫ್​ಐಆರ್ ದಾಖಲಿಸಲಾಗಿದೆ. ಇಂಟೀರಿಯರ್ ಡಿಸೈನರ್ ಆಗಿರುವ ಗೌರಿ ಖಾನ್ ವಿರುದ್ಧ ಲಕ್ನೋದಲ್ಲಿ ಎಫ್​ಐಆರ್ ದಾಖಲಿಸಲಾಗಿದೆ.

ಐಪಿಸಿ ಸೆಕ್ಷನ್ 409 (ನಂಬಿಕೆ ದ್ರೋಹ) ಅಡಿಯಲ್ಲಿ ಗೌರಿ ಖಾನ್ ವಿರುದ್ಧ ಕೇಸ್ ಫೈಲ್ ಮಾಡಲಾಗಿದೆ. ತುಳಸಿಯಾನಿ ಕನ್​ಸ್ಟ್ರಕ್ಷನ್ & ಡೆವಲಪ್​ಮೆಂಟ್ ಲಿಮಿಟೆಡ್​ ಸಿಎಂಡಿ ಅನಿಲ್ ಕುಮಾರ್ ತುಳಸಿಯಾನಿ ಹಾಗೂ ಅದರ ನಿರ್ದೇಶಕ ಮಹೇಶ್ ತುಳಸೀಯಾನಿ ಹೆಸರನ್ನೂ ಎಫ್​ಐಆರ್​ನಲ್ಲಿ ದಾಖಲಿಸಲಾಗಿದೆ.

ಮುಂಬೈ ನಿವಾಸಿ ಜಸ್ವಂತ್ ಶಾ ಎಂಬವರು ಈ ದೂರು ನೀಡಿದ್ದಾರೆ. ಜಸ್ವಂತ್ ಅವರು ತುಳಸಿಯಾನಿ ಸುಶಾಂತ್ ಗಾಲ್ಫ್ ಸಿಟಿ ಏರಿಯಾದ ಗಾಲ್ಫ್ ವ್ಯೂನಲ್ಲಿರುವ ಪ್ರಾಪರ್ಟಿ ಮೇಲೆ ಹೂಡಿಕೆ ಮಾಡಿದ್ದರು.

ಆದರೆ 86 ಲಕ್ಷ ಕೊಟ್ಟು ಕೂಡಾ ಅವರಿಗೆ ಪ್ರಾಪರ್ಟಿಯ ಹಕ್ಕು ಸಿಕ್ಕಿಲ್ಲ. ಗೌರಿ ಖಾನ್ ಅವರು ರಾಯಭಾರಿಯಾಗಿರುವುದಕ್ಕೆ ನಾನು ತುಳಸಿಯಾನಿ ಕನ್​ಸ್ಟ್ರಕ್ಷನ್ & ಡೆವಲಪ್​ಮೆಂಟ್ ಲಿಮಿಟೆಡ್​ ಗ್ರೂಪ್​ನಿಂದ ಪ್ರಾಪರ್ಟಿ ಖರೀದಿಸಿದ್ದೇನೆ ಎಂದು ಜಸ್ವಂತ್ ಆರೋಪಿಸಿದ್ದಾರೆ.

ಗೌರಿ ಖಾನ್ ಅವರು ಚಿತ್ರ ನಿರ್ಮಾಪಕಿಯಾಗಿಯೂ ಬಾಲಿವುಡ್​ನಲ್ಲಿ ಗುರುತಿಸಿಕೊಂಡಿದ್ದಾರೆ. ಗೌರಿ ಅವರು ಸ್ವಂತ ಕಂಪೆನಿಯನ್ನೂ ನಡೆಸುತ್ತಾರೆ. ಅವರು ಗೌರಿ ಖಾನ್ ಡಿಸೈನ್ಸ್ ಕಂಪೆನಿಯ ಮಾಲೀಕರು.

ಬಾಲಿವುಡ್​ನಲ್ಲಿ ಗೌರಿ ಅವರು ಬೆಸ್ಟ್ ಇಂಟೀರಿಯರ್ ಡಿಸೈನರ್ ಆಗಿ ಗುರುತಿಸಿಕೊಂಡಿದ್ದು ಅವರು ಸಿದ್ಧಾರ್ಥ್ ಮಲ್ಹೋತ್ರಾ, ಫರಾ ಖಾನ್, ರಣಬೀರ್ ಕಪೂರ್ ಹಾಗೂ ಜಾಕ್ಲಿನ್ ಫರ್ನಾಂಡಿಸ್ ಮನೆಗೂ ಡಿಸೈನ್ ಮಾಡಿದ್ದಾರೆ.

ಗೌರಿ ಖಾನ್ ಇತ್ತೀಚೆಗೆ ಟಿವಿ ರಿಯಾಲಿಟಿ ಶೋ ಡ್ರೀಮ್ ಹೋಮ್ಸ್ ವಿತ್ ಗೌರಿ ಖಾನ್ ಲಾಂಚ್ ಮಾಡಿದ್ದರು. ಇದು ಲಕ್ಷುರಿ ಡೆಕೊರೇಷನ್ ಮೇಲೆ ಫೋಕಸ್ ಮಾಡುತ್ತದೆ.

ಗೌರಿ ಖಾನ್ ಅವರು ಸದ್ಯ ತಮ್ಮ ರಿಯಾಲಿಟಿ ಶೋ ವಿಚಾರವಾಗಿ ಬ್ಯುಸಿಯಾಗಿದ್ದಾರೆ. ನಟಿ ಇತ್ತೀಚೆಗೆ ತಮ್ಮ ಫೋಟೋ ಎಡಿಟಿಂಗ್ ವಿಚಾರವಾಗಿ ಟ್ರೋಲ್ ಆಗಿದ್ದರು.