Prithviraj Sukumaran: 25 ಕೋಟಿ ದಂಡ ಕಟ್ಟಿದ್ರಾ ಪೃಥ್ವಿರಾಜ್ ಸುಕುಮಾರನ್? ನಟ-ನಿರ್ಮಾಪಕ ಹೇಳಿದ್ದೇನು?

ನಟ-ನಿರ್ದೇಶಕ ಪೃಥ್ವಿರಾಜ್ ಸುಕುಮಾರನ್ ಅವರು ಜಾರಿ ನಿರ್ದೇಶನಾಲಯ (ಇಡಿ) ಕೈಗೊಂಡ ಕ್ರಮಗಳಿಗಾಗಿ 25 ಕೋಟಿ ರೂಪಾಯಿ ದಂಡ ಪಾವತಿಸಿದ್ದಾರೆ ಎಂಬ ಸುದ್ದಿಯನ್ನು ಯೂಟ್ಯೂಬ್ ಚಾನೆಲ್​ವೊಂದರಲ್ಲಿ ಪ್ರಸಾರ ಮಾಡಿತ್ತು. ಇದೀಗ ಈ ಬಗ್ಗೆ ನಟ ಸ್ಪಷ್ಟನೆ ನೀಡಿದ್ದಾರೆ.

ಆರೋಪ ನಿರಾಧಾರವಾಗಿದ್ದು, ಸುದ್ದಿ ಪ್ರಕಟಿಸಿದ ಯೂಟ್ಯೂಬ್ ಚಾನೆಲ್ ವಿರುದ್ಧ ಕಠಿಣ ಕಾನೂನು ಕ್ರಮ ಕೈಗೊಳ್ಳಲಾಗುವುದು ಎಂದು ಪೃಥ್ವಿರಾಜ್ ಹೇಳಿದ್ದಾರೆ. ಹಲವು ಚಿತ್ರಗಳಲ್ಲಿ ಪೃಥ್ವಿರಾಜ್ ಅವರ ನಿರ್ಮಾಣ ಪಾಲುದಾರರಾಗಿದ್ದ ಲಿಸ್ಟಿನ್ ಸ್ಟೀಫನ್ ಈ ಬಗ್ಗೆ ತಮ್ಮ ಪ್ರತಿಕ್ರಿಯೆಯನ್ನು ವ್ಯಕ್ತಪಡಿಸಿದ್ದಾರೆ. (ಫೋಟೋ: ಲಿಸ್ಟಿನ್ ಸ್ಟೀಫನ್/ಫೇಸ್ಬುಕ್)

ಈ ಬಗ್ಗೆ ಇನ್ಸ್ಟಾಗ್ರಾಮ್​ನಲ್ಲಿ ಪೋಸ್ಟ್ ಹಂಚಿಕೊಂಡಿರುವ ನಟ ಪೃಥ್ವಿರಾಜ್ ಸುಕುಮಾರನ್, ಮರುನಾದನ್ ಮಲಯಾಲಿ ಹೆಸರಿನ ಯೂಟ್ಯೂಬ್ ಚಾನೆಲ್​ನಲ್ಲಿ ನನ್ನ ವಿರುದ್ಧ ಸುಳ್ಳು ಹಾಗೂ ಅಪಮಾನಕರ ಸುದ್ದಿಗಳನ್ನು ಪ್ರಕಟಿಸಿರುವುದು ನನ್ನ ಗಮನಕ್ಕೆ ಬಂದಿದೆ ಎಂದ್ರು

ಜಾರಿ ನಿರ್ದೇಶನಲಾಯಕ್ಕೆ ನಾನು 25 ಕೋಟಿ ಜುಲ್ಮಾನೆ ಕಟ್ಟಿರುವುದಾಗಿ ಹಾಗೂ ಪ್ರೊಪಾಗಾಂಡಾ (ಅರ್ಧ ಸತ್ಯ ಅಥವಾ ದುರುದ್ದೇಶಪೂರಿತ) ಸಿನಿಮಾಗಳನ್ನು ಮಾಡುತ್ತಿರುವುದಾಗಿ ಹೇಳಲಾಗಿದೆ. ಈ ಆರೋಪಗಳಲ್ಲಿ ಯಾವುದೇ ಸತ್ಯಗಳಲಿಲ್ಲ.

ಈ ಆರೋಪಗಳು ದುರುದ್ದೇಶಪೂರ್ವಕವಾಗಿದ್ದು ಮಾನಹಾನಿಕಾರಕವಾಗಿವೆ. ಈ ಬಗ್ಗೆ ಸೂಕ್ತ ಕಾನೂನು ಕ್ರಮ ಕ್ರಮಕೈಗೊಳ್ಳಲಾಗುತ್ತದೆ ಎಂದು ನಟ ಪೃಥ್ವಿರಾಜ್ ಹೇಳಿದ್ದಾರೆ. ಯೂಟ್ಯೂಬ್ ಚಾನೆಲ್ ವಿರುದ್ಧ ಕಿಡಿಕಾರಿದ್ದಾರೆ.

ಪೃಥ್ವಿರಾಜ್ ಇಡಿಗೆ 25 ಕೋಟಿ ಪಾವತಿಸಿದ್ದರೆ, ಅದಕ್ಕೆ ಯಾವುದೇ ರಸೀದಿ ಅಥವಾ ಯಾವುದೇ ಪುರಾವೆ ಇಲ್ಲವೇ? GST ಪಾವತಿಸುವಾಗ ರಸೀದಿಯನ್ನು ಪಡೆಯಲಾಗುತ್ತದೆ. ಇಂತಹ ಸಾಕ್ಷಿ ನಿಮ್ಮ ಬಳಿ ಇದೆಯಾ ಎಂದು ಪ್ರಶ್ನೆ ಮಾಡಿದ್ದಾರೆ.

ಅಕ್ರಮ ಹಣ ವರ್ಗಾವಣೆಗೆ ಸಂಬಂಧಿಸಿದಂತೆ ಮಲಯಾಳಂನ ಐವರು ನಿರ್ಮಾಪಕರ ವಿರುದ್ಧ ಇಡಿ ವಿಚಾರಣೆ ನಡೆಯುತ್ತಿದೆ ಎಂದು ವರದಿಯಾಗಿದೆ. ಇದಕ್ಕೂ ಮುನ್ನ ಆದಾಯ ತೆರಿಗೆ ಇಲಾಖೆಯು ತಯಾರಕರ ಕಚೇರಿ ಮತ್ತು ಮನೆಗಳಲ್ಲಿ ತಪಾಸಣೆ ನಡೆಸಿತ್ತು. (