Ranjani Raghavan: ಮಿಸ್ ಯು ಭುವಿ ಟೀಚರ್, ಅಭಿಮಾನಿಗಳಿಂದ ಪ್ರೀತಿಯ ಸಂದೇಶ!

ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗ್ತಿದ್ದ ಕನ್ನಡತಿ ಸೀರಿಯಲ್ ಮುಕ್ತಾಯವಾಗಿದೆ. ಅದಕ್ಕೆ ಅಭಿಮಾನಿಗಳು ಬೇಸರ ಮಾಡಿಕೊಂಡಿದ್ದಾರೆ. ಅಭಿಮಾನಿಗಳು ಭುವಿಯನ್ನು ಮಿಸ್ ಮಾಡಿಕೊಳ್ತಿದ್ದಾರೆ. ಅದಕ್ಕೆ ಪ್ರೀತಿಯ ಸಂದೇಶ ಕಳಿಸಿದ್ದಾರೆ.

ಧಾರಾವಾಹಿ 800 ಸಂಚಿಕೆ ಮುಗಿಸಿದೆ. ಎಲ್ಲರೂ ತಪ್ಪದೇ ಸೀರಿಯಲ್ ನೋಡ್ತಾ ಇದ್ರು. ಟೀಚರ್ ತರಗತಿ ಮುಗಿಸೋ ಸಮಯ ಬಂತು, ನಿಮ್ಮ ಪಾಠ ತುಂಬಾ ಮಿಸ್ ಮಾಡ್ಕೋತೀವಿ ಟೀಚರ್ ಎಂದು ಅಭಿಮಾನಿಯೊಬ್ಬರು ಹೇಳಿದ್ದಾರೆ.

ಎಲ್ಲಾ ವಿರಾಮಗಳು ಪೂರ್ಣ ಅಲ್ಲ. ಅಲ್ಪ ವಿರಾಮವೂ ಇರುತ್ತೆ. ನೀವು ಎಲ್ಲರ ಮನಸ್ಸಿನಲ್ಲಿ ಭುವಿ ಎಂದು ಉಳಿದುಕೊಂಡಿದ್ದೀರಿ. ಮುಂದಿನ ಪ್ರಾಜೆಕ್ಟ್ ಮಾಡುವಾಗ ಒಳ್ಳೆಯದನ್ನು ಆಯ್ಕೆ ಮಾಡಿ ಎಂದು ರಂಜನಿ ಅವರಿಗೆ ಸಲಹೆ ನೀಡಿದ್ದಾರೆ.

ಮಿತ ಭಾಷೆ, ಹಿತ ನುಡಿಯುವವಳು ಇವಳು. ಕೋಗಿಲೆಯ ಕಂಠದವಳು, ಎಲ್ಲರ ನೆಚ್ಚಿನ ಶಿಕ್ಷಕಿ, ಸ್ವಾಭಿಮಾನಿ, ಸಂಬಂಧಗಳಿಗೆ ಬೆಲೆ ಕೊಡುವವಳು ಎಂದು ಕವನ ಬರೆದು ರಂಜನಿಗೆ ಕಳಿಸಿದ್ದಾರೆ.

ಕೊನೆ ದಿನ ಭುವಿ ಫೋಟೋ ತೆಗೆದುಕೊಂಡಿದ್ದಾರೆ. ಧಾರಾವಾಹಿಯನ್ನು ಮೆಚ್ಚಿಕೊಂಡಿದ್ದಾರೆ. ನಿಮ್ಮ ಮುಂದಿನ ಜೀವನಕ್ಕೆ ಒಳ್ಳೆಯದಾಗಲಿ ಎಂದು ಹೇಳಿದ್ದಾರೆ.

ನಮಗೆ ಮನರಂಜನೆ ನೀಡಿದ್ದಕ್ಕೆ ಧನ್ಯವಾದಗಳು, ಮಿಸ್ ಯು ಭುವಿ ಟೀಚರ್ ಎಂದು ಅಭಿಮಾನಿಗಳು ಕಾಮೆಂಟ್ ಹಾಕಿದ್ದಾರ. ಎಲ್ಲರ ಅಭಿಮಾನ ನೋಡಿ ರಂಜನಿ ಖುಷಿಯಾಗಿದ್ದಾರೆ. ಎಲ್ಲರ ಪೋಸ್ಟ್ ಗಳನ್ನು ಸ್ಟೇಟಸ್ ಹಾಕಿಕೊಂಡಿದ್ದಾರೆ.

ಕನ್ನಡ ಪಾಠ ಅಂದ್ರೆ ನನಗೆ ಧಾರಾವಾಹಿ ಶೂಟಿಂಗ್ ಗಿಂತ ಒಂದು ಕೈ ಹೆಚ್ಚೇ ಪ್ರೀತಿ. 750ಕ್ಕೂ ಹೆಚ್ಚ ಪದಗಳನ್ನು ಕಲಿತು, ಕಲಿಸುವ ಅವಕಾಶ ಸಿಕ್ಕಿದ್ದು ನನ್ನ ಭಾಗ್ಯ ಎಂದು ರಂಜನಿ ರಾಘವನ್ ಹೇಳಿದ್ದಾರೆ.

ಅವಕಾಶ ಕೊಟ್ಟ ಎಲ್ಲರಿಗೂ ಧನ್ಯವಾದ ಹೇಳಿದ್ದಾರೆ. ಅಲ್ಲದೇ ಕೊನೆ ದಿನ ಕಿರಣ್ ರಾಜ್ ಜೊತೆ ಫೋಟೋ ತೆಗೆದುಕೊಂಡಿದ್ದಾರೆ.