Shah Rukh Khan: ಶಾರುಖ್ ಖಾನ್ ತಿಂಗಳ ಸಂಪಾದನೆ ಎಷ್ಟು ಗೊತ್ತಾ? ಅಭಿಮಾನಿಗೆ ಕಿಂಗ್ ಖಾನ್ ಕೊಟ್ರು ಆನ್ಸರ್

ಟ್ವಿಟರ್​ನಲ್ಲಿ 13 ವರ್ಷಗಳನ್ನು ಪೂರೈಸಿದ ಬಾಲಿವುಡ್ ನಟ ಶಾರುಖ್ ಖಾನ್ ಅವರು ಇತ್ತೀಚೆಗೆ #AskSRK ಸೆಷನ್ ನಡೆಸಿದ್ದರು. ಅವರು ತಮ್ಮ ಅಭಿಮಾನಿಗಳ ಹಲವಾರು ಪ್ರಶ್ನೆಗಳಿಗೆ ಉತ್ತರಿಸಿದ್ದಾರೆ.

ಅಭಿಮಾನಿಯೊಬ್ಬರು ಶಾರುಖ್ ಅವರನ್ನು ನೀವು ತಿಂಗಳಿಗೆ ಎಷ್ಟು ಸಂಪಾದಿಸುತ್ತೀರಿ ಎಂದು ಕೇಳಿದ್ದಾರೆ. ಇದಕ್ಕೆ ಉತ್ತರಿಸಿದ ಶಾರುಖ್ ನಾನು ಪ್ರತಿದಿನ ಸಾಕಷ್ಟು ಪ್ರೀತಿ ಗಳಿಸುತ್ತೇನೆ ಎಂದಿದ್ದಾರೆ.

ಶಾರುಖ್ ಅವರ ಅಭಿಮಾನಿಗಳು ಅವರ ಉತ್ತರವನ್ನು ಇಷ್ಟಪಟ್ಟಿದ್ದಾರೆ. ನಿಮ್ಮ ಉತ್ತರ ಸೂಪರ್ ಆಗಿದೆ ಸರ್ ಎಂದು ಒಬ್ಬರು ಹೇಳಿದರೆ ಇನ್ನೊಬ್ಬರು ಇದಪ್ಪಾ ಆನ್ಸರ್ ಅಂದ್ರೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ನೀವು ಹಾಗೂ ನಿಮ್ಮ ಕುಟುಂಬ ಕಾಶ್ಮೀರದ ಮೂಲದವರು. ಅಲ್ಲಿಂದ ಬಂದಿರುವಾಗ ಶಾರುಖ್ ಎಂಬ ಹೆಸರಿಗೆ 'ಖಾನ್' ಅನ್ನು ಏಕೆ ಸೇರಿಸುತ್ತೀರಿ ಎಂದು ವ್ಯಕ್ತಿಯೊಬ್ಬರು ಕೇಳಿದ್ದರು. ಇದಕ್ಕೆ ಉತ್ತರಿಸಿ ಇಡೀ ಪ್ರಪಂಚವೇ ನನ್ನ ಕುಟುಂಬ. ಕುಟುಂಬ ನಿಮಗೆ ಹೆಸರು ನೀಡುವುದಿಲ್ಲ. ನೀವು ಮಾಡುವ ಕೆಲಸ ನಿಮಗೆ ಹೆಸರು ನೀಡುತ್ತದೆ. ಇಂತಹ ಸಣ್ಣ ವಿಷಯಗಳಲ್ಲಿ ಸಿಕ್ಕಿಕೊಂಡು ಸಮಯ ಹಾಳು ಮಾಡಬೇಡಿ ಎಂದಿದ್ದಾರೆ.

ಅಪಘಾತದ ನಂತರ ರಿಷಬ್ ಪಂತ್ ಶೀಘ್ರವಾಗಿ ಚೇತರಿಸಿಕೊಳ್ಳಲಿ ನೀವು ಪ್ರಾರ್ಥಿಸಿ ಎಂದು ಅಭಿಮಾನಿಯೊಬ್ಬರು ಶಾರುಖ್ ಖಾನ್ ಅವರನ್ನು ಕೇಳಿದರು. ಇನ್ಶಾ ಅಲ್ಲಾ ಅವರು ಶೀಘ್ರದಲ್ಲೇ ಗುಣಮುಖರಾಗುತ್ತಾರೆ. ಅವರು ಫೈಟರ್ ತುಂಬಾ ಸ್ಟ್ರಾಂಗ್ ಪರ್ಸನ್ ಎಂದಿದ್ದಾರೆ.

ವ್ಯಕ್ತಿಯೊಬ್ಬರು ಶಾರುಖ್‌ ಅವರನ್ನು ಕೆಣಕಿದರು. ಈಗಾಗಲೇ ಪಠಾಣ್ ದುರಂತ. ನಿವೃತ್ತಿ ಪಡೆದು ಹೋಗಿ ಎಂದಿದ್ದಾರೆ. ಇದಕ್ಕೆ ಉತ್ತರಿಸಿದ ಶಾರುಖ್ ಹೇ ಹುಡುಗಾ, ದೊಡ್ಡೋರತ್ರ ಈ ರೀತಿ ಮಾತಾಡನಾರದು ಎಂದಿದ್ದಾರೆ.

ಮತ್ತೊಬ್ಬರು ಪ್ರಶ್ನೆ ಮಾಡಿ ಸರ್ ಜನರು ಪಠಾಣ್ ಸಿನಿಮಾ ನೋಡುವ ಉದ್ದೇಶವೇನು ಎಂದು ಕೇಳಿದ್ದಾರೆ. ಅದಕ್ಕೆ ಉತ್ತರಿಸಿದ ಕಿಂಗ್ ಖಾನ್, ಓ ದೇವರೇ ಈ ಜನರು ನಿಜವಾಗಿಯೂ ಡೀಪ್ ಆಗಿ ಹೋಗುತ್ತಿದ್ದಾರೆ. ಜೀವನದ ಉದ್ದೇಶವೇನು? ಯಾವುದರ ಉದ್ದೇಶವೇನು? ಕ್ಷಮಿಸಿ ನಾನು ಅಂತಹ ಆಳವಾದ ಪ್ರಶ್ನೆಗೆ ಉತ್ತರಿಸುವಷ್ಟು ದೊಡ್ಡ ಚಿಂತಕನಲ್ಲ ಎಂದಿದ್ದಾರೆ.

ಶಾರುಖ್ ಖಾನ್ ಅವರು ದೀಪಿಕಾ ಪಡುಕೋಣೆ ಮತ್ತು ಜಾನ್ ಅಬ್ರಹಾಂ ಅವರೊಂದಿಗೆ ಸಿದ್ಧಾರ್ಥ್ ಆನಂದ್ ಅವರ ಪಠಾನ್ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಜನವರಿ 25 ರಂದು ಬಿಡುಗಡೆಯಾಗಲಿರುವ ಚಿತ್ರದಲ್ಲಿ ಅವರು ಗೂಢಚಾರರಾಗಿ ನಟಿಸಿದ್ದಾರೆ. ಚಿತ್ರದ ಟ್ರೈಲರ್ ಜನವರಿ 10 ರಂದು ಬಿಡುಗಡೆಯಾಗಲಿದೆ.