K V Anand Passes Away: ಕಾಲಿವುಡ್​ನ ಖ್ಯಾತ ನಿರ್ದೇಶಕ ಕೆ ವಿ ಆನಂದ್​ ಇನ್ನಿಲ್ಲ..!

ತಮಿಳಿನ ಖ್ಯಾತ ನಿರ್ದೇಶಕ ಹಾಗೂ ಸಿನಿಮಾಟೋಗ್ರಾಫರ್​ ಕೆ. ವಿ. ಆನಂದ್​ ಇಂದು ಮುಂಜಾನೆ ಚೆನ್ನೈನಲ್ಲಿ ಕೊನೆಯುಸಿರೆಳೆದಿದ್ದಾರೆ.

54 ವರ್ಷದ ನಿರ್ದೇಶಕ ಹೃದಯಾಘಾತದಿಂದಾಗಿ ಸಾವನ್ನಪ್ಪಿದ್ದಾರೆ.

ಮಧ್ಯ ರಾತ್ರಿ ಆನಂದ್​ ಅವರಿಗೆ ಎದೆ ನೋವು ಕಾಣಿಸಿಕೊಂಡಿದ್ದು, ಅವರೇ ಆಸ್ಪತ್ರೆಗೆ ಕಾರು ಚಲಾಯಿಸಿಕೊಂಡು ಹೋಗಿದ್ದರಂತೆ.

ಬೆಳಗಿನ ಜಾವ ಮೂರು ಗಂಟೆಗೆ ಆನಂದ್​ ಅವರು ಹೃದಯಾಘಾತದಿಂದ ಚೆನ್ನೈನಲ್ಲಿ ಖಾಸಗಿ ಆಸ್ಪತ್ರೆಯಲ್ಲೇ ಕೊನೆಯುರಿರೆಳೆದಿದ್ದಾರೆ ಎಂದು ಹೇಳಲಾಗುತ್ತಿದೆ.

ಖ್ಯಾತ ನಿರ್ದೇಶಕ ಅಗಲಿಕೆಗೆ ಅಭಿಮಾನಿಗಳು ಹಾಗೂ ಸಿನಿರಗಂದ ಗಣ್ಯರು ಕಂಬನಿ ಮಿಡಿಯುತ್ತಿದ್ದಾರೆ.

ತಮಿಳಿನಲ್ಲಿ ಸ್ಟಾರ್​ ನಟರೊಂದಿಗೆ ಕೆಲಸ ಮಾಡಿರುವ ಆನಂದ್​ ಅವರು ಕೆಲ ಸಮಯ ಫೋಟೋ ಜರ್ನಲಿಸ್ಟ್​ ಆಗಿದ್ದರು.

ನಂತರ ಅಂದರೆ 1990ರ ಆರಂಭದಲ್ಲಿ ಸಿನಿಮಾಟೋಗ್ರಾಫರ್​ ಆಗಿ ಕೆಲಸ ಮಾಡಲಾರಂಭಿಸಿದರು.

ಬಾಲಿವುಡ್​ ಹಾಗೂ ದಕ್ಷಿಣ ಭಾರತೀಯ ಸಿನಿರಂಗದಲ್ಲಿ 15ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಕೆಲಸ ಮಾಡಿದ್ದಾರೆ ಕೆ.ವಿ. ಆನಂದ್​.

ನಟ ಜೀವಾ ಅವರ ರಂಗಂ, ಸೂರ್ಯ ನಟನೆಯ ವೀಡೊಕ್ಕಡೆ, ಬ್ರದರ್ಸ್​ ಹಾಗೂ ಇತ್ತೀಚೆಗೆ ಬಂದೋಬಸ್ತ್​ ಎಂಬ ಸಿನಿಮಾಗಳಿಗೆ ನಿರ್ದೇಶನ ಮಾಡಿದ್ದಾರೆ ಕೆ. ವಿ. ಆನಂದ್​.

ಈ ಹಿಂದೆ ಸಹಾಯಕ ನಿರ್ದೇಶಕನಾಗಿಯೂ ಕೆ.ವಿ. ಆನಂದ್​ ಅವರ ಕೆಲಸ ಮಾಡಿದ್ದಾರೆ.

ಪ್ರೇಮದೇಶಂ, ಒಕೇಒಕ್ಕಡು ಹಾಗೂ ರಜಿನಿಕಾಂತ್​ ಅಭಿನಯದ ಶಿವಾಜಿ ಚಿತ್ರಕ್ಕೆ ಸಿನಿಮಾಟೋಗ್ರಾಫರ್​ ಆಗಿ ಕೆಲಸ ಮಾಡಿದ್ದರು ಆನಂದ್​.

ಧನುಷ್​ ಜತೆ ಅನೇಕುಡು ಸಿನಿಮಾದಲ್ಲಿ ಕೆಲಸ ಮಾಡಿದ್ದಾರೆ ಈ ನಿರ್ದೇಶಕ.

2005ರಲ್ಲಿ ಉತ್ತಮ ಸಿನಿಮಾಟೋಗ್ರಾಫರ್​ ವಿಭಾಗದಲ್ಲಿ ರಾಷ್ಟ್ರ ಪ್ರಶಸ್ತಿ ಪಡೆದುಕೊಂಡಿದ್ದರು.

ನಿರ್ದೇಶಕರ ಅಕಾಲಿಕ ಅಗಲಿಕೆಯಿಂದಾಗಿ ನೋವಿನಲ್ಲಿ ಮುಗಳುಗಿದೆ ಸಿನಿರಂಗ.