Mansoor Ali Khan: ಸ್ಯಾಂಡಲ್​ವುಡ್​ನಲ್ಲೂ ವಿಲನ್​ ಆಗಿ ಮಿಂಚಿದ್ದ ನಟ ಮನ್ಸೂರ್​ ಅಲಿ ಖಾನ್​ ಆಸ್ಪತ್ರೆಗೆ ದಾಖಲು

ನಟ, ನಿರ್ಮಾಪಕನಾಗಿ ಕಾಲಿವುಡ್​ನಲ್ಲಿ ತಮ್ಮದೇ ಆದ ಸ್ಥಾನ ಮಾಡಿಕೊಂಡಿರುವ ನಟ ಮನ್ಸೂರ್​ ಅಲಿ ಖಾನ್​. ಹೆಚ್ಚಾಗಿ ಖಳ ನಾಯಕನ ಪಾತ್ರದಲ್ಲಿ ಮಿಂಚಿರುವ ನಟ ಇವರು.

ತಮಿಳು ಸಿನಿಮಾಗಳ ಜತೆಗೆ ಕನ್ನಡ, ತೆಲುಗು, ಮಲಯಾಳಂನಲ್ಲೂ ಮನ್ಸೂರ್​ ಅಲಿ ಖಾನ್​ ನಟಿಸಿದ್ದಾರೆ.

ಕನ್ನಡದಲ್ಲಿ ಬಾಸ್​, ಮಸ್ತಿ, ದಿಗ್ಗಜರು, ಯುವಶ್ಕ್ತಿ, ಲೇಡಿ ಕಮಿಷನರ್​ ಸಿನಿಮಾಗಳಲ್ಲಿ ವಿಲನ್​ ಆಗಿ ರಂಜಿಸಿದ್ದಾರೆ.

ಅನಾರೋಗ್ಯದಿಂದ ಮನ್ಸೂರ್​ ಅಲಿ ಖಾನ್​ ಚೆನ್ನೈನಲ್ಲಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ.

ನಟನ ಆರೋಗ್ಯ ಸ್ಥಿತಿ ಚಿಂತಾಜನಕವಾಗಿದ್ದು, ಅವರನ್ನು ತೀವ್ರ ನಿಗಾ ಘಟಕದಲ್ಲಿ ಇಡಲಾಗಿದೆಯಂತೆ.

ಕಿಡ್ನಿಯಲ್ಲಿ ಕಲ್ಲಿನ ಸಮಸ್ಯೆಯಿಂದ ಈ ನಟ ಬಳಲುತ್ತಿದ್ದು, ಅದರ ಚಿಕಿತ್ಸೆಗಾಗಿ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂಧು ಹೇಳಲಾಗುತ್ತಿದೆ.

ಕಾಲಿವುಡ್​ನ ಹಾಸ್ಯ ನಟ ವಿವೇಕ್​ ಅವರು ಹೃದಯಾಘಾತದಿಂದ ಸಾವನ್ನಪ್ಪಿದಾಗ ಮನ್ಸೂರ್​ ಅಲಿ ಖಾನ್​ ಕೊರೋನಾ ಲಸಿಕೆ ಕುರಿತಾಗಿ ತಪ್ಪು ಸಂದೇಶ ನೀಡುವ ಮೂಲಕ ವಿವಾದಕ್ಕೀಡಾಗಿದ್ದರು.

ಹೌದು, ವಿವೇಕ್​ ಅವರು ಸಾವನ್ನಪ್ಪಿದ್ದು ಕೊರೋನಾ ಲಸಿಕೆ ಪಡೆದ ನಂತರ. ಸಾವಿಗೆ ಲಸಿಕೆ ಪಡೆದದ್ದೇ ಕಾರಣ ಎಂದೆಲ್ಲ ಆರೋಪಿಸಿದ್ದರು ಮನ್ಸೂರ್​ ಅಲಿ ಖಾನ್​.

ಮನ್ಸೂರ್​ ಅಲಿ ಖಾನ್​ ಅವರು ಲಸಿಕೆ ಕುರಿತಾಗಿ ನೀಡಿದ್ದ ತಪ್ಪು ಮಾಹಿತಿಯಿಂದಾಗಿ ಅವರಿಗೆ 2 ಸಾವಿರ ದಂಡ ವಿಧಿಸಲಾಗಿತ್ತು.

ಸದ್ಯ ನಟನ ಆರೋಗ್ಯದಲ್ಲಿ ಸುಧಾರಣೆ ಕಾಣಲೆಂದು ಅಭಿಮಾನಿಗಳು ಪ್ರಾರ್ಥನೆ ಸಲ್ಲಿಸುತ್ತಿದ್ದಾರೆ.

ತೆಲುಗಿನಲ್ಲಿ ಚಿರಂಜೀವಿ ಅವರೊಂದಿಗೆ ಮುಠಾ ಮೇಸ್ತ್ರಿ ಸಿನಿಮಾದಲ್ಲಿ ವಿಲನ್​ ಆಗಿ ನಟಿಸಿದ್ದಾರೆ ಮನ್ಸೂರ್​ ಅಲಿ ಖಾನ್​.