ಜನಪ್ರಿಯ ‘ಪ್ಲೇಬಾಯ್‘​ ಮಾಡೆಲ್​ ಕೊಲೆ; ಮನೆಯ ಬೆಡ್​ ರೂಂನಲ್ಲಿ ಹೆಣವಾಗಿದ್ದಳು ಈ ಸುಂದರಿ!

ಹಾಲಿವುಡ್​​ನ ಜನಪ್ರಿಯ ಪ್ಲೇಬಾಯ್ ಮ್ಯಾಗಜಿನ್ ಮಾಡೆಲ್ ಕ್ರಿಸ್ಟೀನಾ ಕಾರ್ಲಿನ್ ಕ್ರಾಫ್ಟ್ ಸಾವನಪ್ಪಿದ್ದಾರೆ.

ಸ್ಟೈಲೀಶ್​ ಲುಕ್,  ಮಾದಕ ಮೈಮಾಟದಿಂದ ಹಾಲಿವುಡ್​ನಲ್ಲಿ ಮನೆ ಮಾತಾಗಿದ್ದ ಕ್ರಿಸ್ಟೀನಾ ಕಾರ್ಲಿನ್ ಕ್ರಾಫ್ಟ್ ಅಮೆರಿಕಾದ ಪೆನೆಸ್ಲೀವಿಯಾದ ಮನೆಯಲ್ಲಿ ಶವವಾಗಿ ಪತ್ತೆಯಾಗಿದ್ದಾರೆ.

ಕ್ರಿಸ್ಟೀನಾ ಕಾರ್ಲಿನ್ ಕ್ರಾಫ್ಟ್ ಯಾರು ಗೊತ್ತಾ?

36 ವರ್ಷದ ಕ್ರಿಸ್ಟೀನಾ ಕಾರ್ಲಿನ್ ಕ್ರಾಫ್ಟ್ ಮಾಜಿ ಎಕ್ಸ್ ಪ್ಲೇಬಾಯ್ ಮ್ಯಾಗಜಿನ್​ನಲ್ಲಿ ಮಾಡೆಲ್ ಆಗಿ ಗುರುತಿಸಿಕೊಂಡಿದ್ದರು. ಇವರ ಸ್ಟೈಲೀಶ್​ ಲುಕ್ ಹಾಗೂ ಫ್ಯಾಷನ್ ಮೇಲಿದ್ದ ಕಾಳಜಿಯು ಅನೇಕರನ್ನು ನಿದ್ದೆಗೆಡಿಸುವಂತೆ ಮಾಡಿತ್ತು.

ಪ್ಲೇಬಾಯ್ ಮುಖಪುಟದಲ್ಲಿ ಬಿತ್ತರವಾಗುತ್ತಿದ್ದ ಇವರ ಫೋಟೋಗಳು ಆಕರ್ಷಕ ಕೇಂದ್ರಬಿಂದುವಾಗಿತ್ತು.

ಪೆನಿಸ್ಲೇವಿಯಾದ ಮನೆಯಲ್ಲಿನ ಬೆಡ್ ರೂಮಿನಲ್ಲಿ ಕ್ರಿಸ್ಟೀನಾ ಶವವಾಗಿ ಪತ್ತೆಯಾಗಿದ್ದಾರೆ. ಈ ಬಗ್ಗೆ ತನಿಖೆ ನಡೆಸಿದ ಪೋಲಿಸರು ಆಕೆಯನ್ನು ಕತ್ತು ಹಿಸುಕಿ ಕೊಲೆ ಮಾಡಲಾಗಿದೆ ಎಂದು ಹೇಳಿದ್ದರು.

ಒಂದು ವಾರಗಳ ಹಿಂದೆ ಪೊಲೀಸರು ಆಕೆಯ ಮನೆಯ ಭೇಟಿ ನೀಡಿದಾಗ ಬೆಡ್ ರೂಮಿನಲ್ಲಿ ಕ್ರಿಸ್ಟೀನಾ ಕಾರ್ಲಿನ್ ಕ್ರಾಫ್ಟ್ ಶವ ಸಿಕ್ಕಿದೆ.

ಆಕೆಯ ಸಾವಿಗೂ ಕೆಲ ದಿನಗಳ ಮುನ್ನ ಪೊಲೀಸರಿಗೆ ಕರೆ ಮಾಡಿದ್ದಳು. ‘ಯಾರೋ ನನ್ನ ಮನೆಯಲ್ಲಿದ್ದ ವಸ್ತುಗಳನ್ನು ಕಳ್ಳತನ ಮಾಡುತ್ತಿದ್ದಾರೆ ಎಂದು ಕ್ರಿಸ್ಟೀನಾ ಕಾರ್ಲಿನ್ ಕ್ರಾಫ್ಟ್ ಪೊಲೀಸರಿಗೆ ದೂರು ನೀಡಿದ್ದರು

ಇದಾದ ಕೆಲವೇ ದಿನಗಳ ನಂತರ ಕ್ರಿಸ್ಟೀನಾ ಕೊಲೆಯಾಗಿದ್ದಾರೆ. ಅಗಸ್ಟ್ 22 ರಂದು ಕ್ರಿಸ್ಟೀನಾ ಸಾವನ್ನಪ್ಪಿದ್ದಾರೆ ಎಂದು ತಿಳಿದುಬಂದಿದೆ.

ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು ಕ್ರಿಸ್ಟೀನಾ ಸಾವಿಗೆ ಕಾರಣವಾದ ಆರೋಪಿಯನ್ನು  ಬಂಧಿಸಿದ್ದಾರೆ.

30 ವರ್ಷದ ಜೊನಾಥನ್ ವೆಸ್ಲಿ ಹ್ಯಾರಿಸ್ ಹೆಸರಿನ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ. ಕ್ರಿಸ್ಟೀನಾ ವಾಸವಿದ್ದ ಮನೆಯಲ್ಲಿನ ಸಿಸಿ ಟಿವಿಯನ್ನು ಚೆಕ್ ಮಾಡಿದಾಗ ಜೊನಾಥನ್ ವೆಸ್ಲಿ ಹ್ಯಾರಿಸ್ ಆಕೆಯ ಮನೆಗೆ ಭೇಟಿ ನೀಡಿದ್ದ ಚಿತ್ರಗಳು  ಸಿಕ್ಕಿವೆ.

ಈ ಸುಳಿವನ್ನು ಹಿಡಿದುಕೊಂಡು ಪೊಲೀಸರು ಆರೋಪಿ ಜೊನಾಥನ್ ವೆಸ್ಲಿ ಹ್ಯಾರಿಸ್​ನನ್ನು ಬಂಧಿಸಿದ್ದಾರೆ.