Bollywood Celebrities: ಬಾಲಿವುಡ್​ಗೆ ಬೆಂಬಿಡದೇ ಕಾಡ್ತಿದೆ ಕೊರೋನಾ: ಇಂದು ಮತ್ತೆ ಮೂವರು ಸ್ಟಾರ್​​ಗಳಿಗೆ ಅಂಟಿದ ಸೋಂಕು!

ಕೋವಿಡ್ 19 ಹೊಸ ರೂಪಾಂತರ ಓಮೈಕ್ರಾನ್ (Variant Omicron ) ದೇಶದಲ್ಲಿ ಕ್ಷಿಪ್ರವಾಗಿ ಹರಡುತ್ತಿದ್ದು( Spreading) ಇದೀಗ ಬಾಲಿವುಡ್ (Bollywood ) ಅಂಗಳದಲ್ಲೂ ತನ್ನ ವಕ್ರದೃಷ್ಟಿ ಬೀರುತ್ತಿದೆ. ಹೆಚ್ಚಿನ ನಟ, ನಟಿಯರು,(Most Actors, Actresses) ನಿರ್ಮಾಪಕರು ಇದೀಗ ಸೋಂಕಿಗೆ ಒಳಪಡುತ್ತಿದ್ದಾರೆ.

ಪದ್ಮಶ್ರೀ ಪುರಸ್ಕೃತ ಕಿರುತೆರೆ ಹಾಗೂ ಹಿರಿತೆರೆ ನಿರ್ಮಾಪಕಿ, ಏಕ್ತಾ ಕಪೂರ್​​ಗೆ (Ekta kapoor) ಸೋಂಕು ತಗುಲಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಅವರು ಅದನ್ನು ಖಚಿತಪಡಿಸಿದ್ದಾರೆ. ಇನ್ಸ್ಟಾಗ್ರಾಂನಲ್ಲಿ ಈ ಕುರಿತು ಬರೆದುಕೊಂಡಿರುವ ಅವರು, ‘‘ಎಲ್ಲಾ ಮುನ್ನೆಚ್ಚರಿಕೆ ತೆಗೆದುಕೊಂಡಾಗ್ಯೂ ಕೊವಿಡ್ ಬಂದಿದೆ. ನನ್ನ ಸಂಪರ್ಕಕ್ಕೆ ಬಂದವರು ಟೆಸ್ಟ್ ಮಾಡಿಸಿ, ಎಚ್ಚರಿಕೆಯಿಂದಿರಿ’’ ಎಂದಿದ್ದಾರೆ

ಇಂದು ಮುಂಜಾನೆ ಖ್ಯಾತ ನಟ ಜಾನ್ ಅಬ್ರಹಾಂ (John Abraham) ಹಾಗೂ ಅವರ ಪತ್ನಿ ಪ್ರಿಯಾ ರುಂಚಾಲ್​ಗೆ (Priya Runchal) ಕೊರೊನಾ ಪಾಸಿಟಿವ್ ಆಗಿತ್ತು. ಈ ಕುರಿತು ಇನ್ಸ್ಟಾಗ್ರಾಂ ಸ್ಟೋರಿಯಲ್ಲಿ ಮಾಹಿತಿ ಹಂಚಿಕೊಂಡಿದ್ದ ನಟ, ಕಳೆದ ಮೂರು ದಿನದ ಹಿಂದೆ ಕೊವಿಡ್ ಇದ್ದ ವ್ಯಕ್ತಿಯೋರ್ವರು ಭೇಟಿಯಾಗಿದ್ದರು. ನಂತರದಲ್ಲಿ ಅವರಿಗೆ ಸೋಂಕು ಇದ್ದಿದ್ದು ತಿಳಿಯಿತು.

ನೋರಾ ಫತೇಹಿ ಅವರಿಗೂ ಕೊರೋನಾ ಸೋಂಕು ಅಂಟಿದೆ. ಸದ್ಯ ಮನೆಯಲ್ಲೇ ಕ್ವಾರಂಟೈನ್​ ಆಗಿದ್ದು, ವಿಶ್ರಾಂತಿ ಪಡೆಯುತ್ತಿದ್ದಾರೆ. ಸೋಶಿಯಲ್​ ಮೀಡಿಯಾದಲ್ಲಿ ಈ ವಿಚಾರವನ್ನು ನೋರಾ ಫತೇಹಿ ಹಂಚಿಕೊಂಡಿದ್ದಾರೆ. ಡಿಸೆಂಬರ್​ 28ರಂದು ತಮ್ಮ ಕೋವಿಡ್ ವರದಿ ಪಾಸಿಟಿವ್​ ಬಂದಿದ್ದು ಐಸೋಲೇಟ್​ ಆಗಿದ್ದೇನೆ ಎಂದು ತಿಳಿಸಿದ್ದಾರೆ.

ಇತ್ತೀಚೆಗೆ ಅರ್ಜುನ್ ಕಪೂರ್, ಸಹೋದರಿ ಅನುಶಾಲಾ ಕಪೂರ್, ರಿಯಾ ಕಪೂರ್ ಹಾಗೂ ಅವರ ಪತಿ ಚಿತ್ರ ನಿರ್ಮಾಪಕರಾದ ಕರಣ್ ಬೂಲಾನಿಗೂ ಕೋವಿಡ್-19 ದೃಢಪಟ್ಟಿರುವುದಾಗಿ ವರದಿಯಾಗಿದೆ. ಪ್ರಸ್ತುತ ನಟ ನಟಿಯರು ಕ್ವಾರಂಟೈನ್‌ಗೆ ಒಳಗಾಗಿದ್ದರು.

ಇನ್ನೂ ಕಳೆದ ಕೆಲ ದಿನಗಳ ಹಿಂದೆ ಬಾಲಿವುಡ್​​ ನಟಿ ಕರೀನಾ ಕಪೂರ್​ಗೂ ಕೊರೋನಾ ಅಂಟಿತ್ತು. ಕ್ವಾರಂಟೈನ್​ ಆಗಿ ಚಿಕಿತ್ಸೆ ಪಡೆದು ಗುಣಮುಖರಾಗಿದ್ದಾರೆ. ಈ ಬಗ್ಗೆ ಕರೀನಾ ತಮ್ಮ ಅಭಿಪ್ರಾಯವನ್ನೂ ಹಂಚಿಕೊಂಡಿದ್ದರು.