ನಟಿ ನಿತ್ಯಾ ಮೆನನ್​ಗೆ ಮಲಯಾಳಂನ ಈ ಖ್ಯಾತ ನಟ ಮದುವೆ ಆಗುವಂತೆ ಒತ್ತಾಯಿಸಿದ್ದರಂತೆ!

ನಟಿ ನಿತ್ಯಾ ಮೆನನ್ ವಯಸ್ಸು 32. ಇಷ್ಟಾದರೂ ಅವರು ಮದುವೆ ಬಗ್ಗೆ ಎಲ್ಲಿಯೂ ಮಾತನಾಡಿಲ್ಲ. ಅನೇಕ ಸಂದರ್ಶನದಲ್ಲಿ ನನಗೆ ಮದುವೆ ಎಂದರೆ ಇಷ್ಟವಿಲ್ಲ ಎಂದು ಹೇಳಿದ್ದರು.

ಇನ್ನು, ಕೆಲ ಸಂದರ್ಶನಗಳಲ್ಲಿ ಮದುವೆ ಬಗ್ಗೆ ಕೇಳಿದರೆ ಆ ವಿಚಾರವನ್ನು ಸ್ಕಿಪ್ ಮಾಡಿದ ಉದಾಹರಣೆ ಸಾಕಷ್ಟಿದೆ.

ಈಗ ಅವರು ಅಚ್ಚರಿಯ ವಿಚಾರ ಒಂದನ್ನು ಬಿಚ್ಚಿಟ್ಟಿದ್ದಾರೆ. ಅದೇನೆಂದರೆ, ನಿತ್ಯಾ ಮೆನನ್ ಗೆ ಮದುವೆ ಆಗುವಂತೆ ದುಲ್ಖರ್ ಸಲ್ಮಾನ್ ಒತ್ತಾಯಿಸಿದ್ದರಂತೆ!

ಅಷ್ಟೇ ಅಲ್ಲ, ಸತತವಾಗಿ ಅವರ ಮನವೊಲಿಸಲು ಪ್ರಯತ್ನ ಮಾಡಿದ್ದರಂತೆ.

ದುಲ್ಖರ್ ಹಾಗೂ ನಿತ್ಯಾ ಮೆನನ್ ಒಟ್ಟಾಗಿ ಮೂರು ಸಿನಿಮಾಗಳಲ್ಲಿ ಬಣ್ಣ ಹಚ್ಚಿದ್ದಾರೆ. ಹೀಗಾಗಿ, ದುಲ್ಖರ್ ನನಗೆ ಗೆಳೆಯನಿಗಿಂತ ಹೆಚ್ಚು ಎನ್ನುವ ಮಾತನ್ನು ನಿತ್ಯಾ ಅನೇಕ ಕಡೆಗಳಲ್ಲಿ ಹೇಳಿದ್ದರು.

ಹೀಗಾಗಿ, ನಿತ್ಯಾ ಸಾಕಷ್ಟು ವಿಚಾರಗಳನ್ನು ದುಲ್ಖರ್ ಜೊತೆ ಹಂಚಿಕೊಳ್ಳುತ್ತಾರಂತೆ. ಈ ಬಗ್ಗೆ ಅವರು ಅನೇಕ ಕಡೆಗಳಲ್ಲಿ ಹೇಳಿಕೊಂಡಿದ್ದಾರೆ ಕೂಡ.

ಅಂತೆಯೇ ಮದುವೆ ವಿಚಾರದ ಬಗ್ಗೆಯೂ ನಿತ್ಯಾ, ದುಲ್ಖರ್ ಜೊತೆ ಚರ್ಚೆ ನಡೆಸುತ್ತಾರಂತೆ.

ನನಗೆ ಮದುವೆ ಎಂದರೆ ಯಾಕೋ ನಂಬಿಕೆಯೇ ಇಲ್ಲ. ಆದರೆ, ನನಗೆ ಮದುವೆಯ ಆಗುವಂತೆ ಮನವೊಲಿಸಿದ್ದು ದುಲ್ಖರ್. ನಾವಿಬ್ಬರೂ ಮದುವೆ ಬಗ್ಗೆ ಸಾಕಷ್ಟು ಚರ್ಚೆ ಮಾಡುತ್ತಿರುತ್ತೇವೆ ಎಂದು ಅವರು ಹೇಳಿದ್ದಾರೆ.

ನನಗೆ ಈಗ ಮದುವೆ ಆಗಬೇಕು ಎಂದು ಈಗ ಅನ್ನಿಸುತ್ತಿದೆ. ಅದಕ್ಕೆ ದುಲ್ಖರ್ ನೇರ ಕಾರಣ. ಅವರು ನನ್ನಲ್ಲಿ ಮದುವೆ ಬಗ್ಗೆ ಒಂದಷ್ಟು ಒಳ್ಳೆಯ ಆಲೋಚನೆಗಳನ್ನು ತುಂಬಿದ್ದರು ಎಂದು ಹೇಳಿದ್ದಾರೆ.

ನಿತ್ಯಾ ಮೆನನ್​

ನಿತ್ಯಾ ಮೆನನ್​

ನಿತ್ಯಾ ಮೆನನ್​

ನಿತ್ಯಾ ಮೆನನ್​

ನಿತ್ಯಾ ಮೆನನ್​

ನಿತ್ಯಾ ಮೆನನ್​

ನಿತ್ಯಾ ಮೆನನ್​

ದುಲ್ಖರ್​ ಸಲ್ಮಾನ್​