Drishyam: ಇಂಗ್ಲಿಷ್​, ಕೊರಿಯನ್, ಚೈನೀಸ್​ನಲ್ಲಿ ಬರ್ತಿದೆ ದೃಶ್ಯಂ ಸಿನಿಮಾ!

ಮಲಯಾಳಂನ ಸೂಪರ್ ಹಿಟ್ ಸಿನಿಮಾ ದೃಶ್ಯಂ 1 ಹಾಗೂ ದೃಶ್ಯಂ 2 ಹಿಂದಿ ಹಾಗೂ ಕನ್ನಡದಲ್ಲಿಯೂ ಭರ್ಜರಿಯಾಗಿ ಸಕ್ಸಸ್ ಆಗಿದೆ. ಸಿನಿಮಾ ರಿಲೀಸ್ ಆದ ಇತರ ಭಾಷೆಯಲ್ಲೂ ಪ್ರೇಕ್ಷಕರ ಮೆಚ್ಚುಗೆ ಗಳಿಸಿದೆ.

ಇದೀಗ ಪನೋರಮಾ ಸ್ಟುಡಿಯೋಸ್ ಇಂಟರ್​ನ್ಯಾಷನಲ್ ಲಿಮಿಟೆಡ್ ಮಲಯಾಳಂನ ದೃಶ್ಯಂ 1 ಹಾಗೂ ದೃಶ್ಯಂ 2 ಸಿನಿಮಾವನ್ನು ಭಾರತದ ಹೊರಗಿನ ಭಾಷೆಗಳಿಗೆ ರಿಮೇಕ್ ಮಾಡುವ ಹಕ್ಕುಗಳನ್ನು ಪಡೆದುಕೊಂಡಿದೆ.

ಜಾರ್ಜ್​ಕುಟ್ಟಿ ಎನ್ನುವ ಪಾತ್ರದ ಮೂಲಕ ಕಾಣಿಸಿಕೊಂಡ ಮೋಹನ್​ಲಾಲ್ ಅವರ ದೃಶ್ಯಂ ಸಿನಿಮಾ ಹಾಲಿವುಡ್ ಸೇರಿದಂತೆ ಇತರ ಭಾಷೆಗಳಲ್ಲಿ ಕೂಡಾ ರಿಮೇಕ್ ಆಗಲಿದೆ. ಸಿನಿಮಾ ಜಾರ್ಜ್​ಕುಟ್ಟಿ ಹಾಗೂ ಅವರ ಸುಂದರ ಕುಟುಂಬದ ಕುರಿತಾಗಿದೆ.

ದುರಾದೃಷ್ಟಕರ ಘಟನೆಯ ನಂತರ ಜಾರ್ಜ್​ಕುಟ್ಟಿ ಫ್ಯಾಮಿಲಿಯ ಖುಷಿ ನಾಶವಾಗುತ್ತದೆ. ಅನಿರೀಕ್ಷಿತವಾಗಿ ಕುಟುಂಬದಿಂದ ಒಬ್ಬ ಯುವಕನ ಕೊಲೆಯಾಗುತ್ತದೆ. ನಂತರದಿಂದ ಸಿನಿಮಾ ಹೊಸ ಟ್ವಿಸ್ಟ್ ಪಡೆಯುತ್ತದೆ.

ಸಿನಿಮಾ ಇಂಗ್ಲಿಷ್​ ಸೇರಿ ಹಲವು ವಿದೇಶಿ ಭಾಷೆಗಳಲ್ಲಿ ರಿಲೀಸ್ ಆಗಲಿದ್ದು ಫಿಲಿಪಿನೋ, ಸಿನ್ಹಾಲಾ, ಇಂಡೋನೇಷ್ಯನ್ ಭಾಷೆಯಲ್ಲಿ ದೃಶ್ಯಂ ರಿಮೇಕ್ ಆಗುವುದಿಲ್ಲ.

ದೃಶ್ಯಂ 2 ರ ಚೈನೀಸ್ ಭಾಷೆಯ ರಿಮೇಕ್ ಹಕ್ಕುಗಳನ್ನು ಸಹ ಪಡೆದುಕೊಂಡಿದ್ದೇವೆ. ನಾವು ಈಗ ಕೊರಿಯನ್, ಜಪಾನ್ ಮತ್ತು ಹಾಲಿವುಡ್‌ನಲ್ಲಿ ಚಿತ್ರವನ್ನು ನಿರ್ಮಿಸಲು ಮಾತುಕತೆ ನಡೆಸುತ್ತಿದ್ದೇವೆ ಎಂದು ಅವರು ಹೇಳಿದರು.

ದೃಶ್ಯಂನ ಎರಡು ಬಾಲಿವುಡ್ ರಿಮೇಕ್‌ಗಳು ಇಲ್ಲಿಯವರೆಗೆ ಬಿಡುಗಡೆಯಾಗಿದ್ದು, ಇವೆರಡೂ ಯಶಸ್ವಿಯಾಗಿವೆ. ಕಳೆದ ವರ್ಷ ಹಿಂದಿಯಲ್ಲಿ ಬಿಡುಗಡೆಯಾದ ‘ದೃಶ್ಯಂ 2’ ಭಾರತೀಯ ಬಾಕ್ಸ್ ಆಫೀಸ್‌ನಲ್ಲಿ ಸುಮಾರು 250 ಕೋಟಿ ರೂ. ಗಳಿಸಿತ್ತು.