Shriya Saran: ಭಾರತಕ್ಕೆ ಮರಳುತ್ತಿದ್ದಾರೆ ವಿದೇಶದಲ್ಲಿ ನೆಲೆಸಿರುವ ನಟಿ ಶ್ರೀಯಾ ಶರಣ್​..!

ದಕ್ಷಿಣ ಭಾರತದ ನಟಿ ಶ್ರೀಯಾ ಶರಣ್​ (Shriya Saran) ವಿವಾಹವಾದ ನಂತರವೂ ಸಿನಿಮಾಗಳಲ್ಲಿ ಅಭಿನಯಿಸುವುದನ್ನು ಮುಂದುವರೆಸುತ್ತಿದ್ದಾರೆ.  ಟೆನ್ನಿಸ್​ ಆಟಗಾರ ಹಾಗೂ ಉದ್ಯಮಿ ಆ್ಯಂಡ್ರೆ ಕೋಶ್ಚೀವ್​ (Andrei Koscheev) ಅವರನ್ನು 2018ರಲ್ಲಿ ವಿವಾಹವಾಗುವ ಮೂಲಕ ತಮ್ಮ ಅಭಿಮಾನಿಗಳ ಹೃದಯಕ್ಕೆ ಕಿಚ್ಚು ಹಚ್ಚಿದ್ದರು.

ಇಬ್ಬರೂ ವಿವಾಹವಾದ(Shriya Saran Andrei Koscheev Marriage) ನಂತರ ಬಾರ್ಸಿಲೋನಾಗೆ ಹೋಗಿ ಸೆಟಲ್​ ಆದರು.  ಈಗ ಶ್ರೀಯಾ ತಮ್ಮ ಅಭಿಮಾನಿಗಳಿಗೆ ಸಿಹಿ ಸುದ್ದಿ ಕೊಟ್ಟಿದ್ದಾರೆ.

ಭಾನುವಾರ ಶ್ರೀಯಾ ಶರಣ್​ ತಮ್ಮ ಇನ್​ಸ್ಟಾಗ್ರಾಂ ಸ್ಟೋರೀಸ್​ನಲ್ಲಿ ಒಂದು ಪುಟ್ಟ ವಿಡಿಯೋ ಹಂಚಿಕೊಂಡಿದ್ದಾರೆ.  ಅದರಲ್ಲಿ ಶ್ರೀಯಾ ಅವರ ಗಂಡ ಮನೆಯ ಸಾಮಾನುಗಳನ್ನು ಪ್ಯಾಕ್​ ಮಾಡುತ್ತಿದ್ದಾರೆ. ಜೊತೆಗೆ ಶ್ರೀಯಾ ಭಾರತಕ್ಕೆ ಮರಳುತ್ತಿದ್ದೇವೆ ಎಂದು ಬರೆದುಕೊಂಡಿದ್ದಾರೆ. ಜೊತೆಗೆ ಕುಟುಂಬಸ್ಥರನ್ನು ಮಿಸ್ ಮಾಡಿಕೊಳ್ಳುತ್ತಿರುವುದಾಗಿಯೂ ತಿಳಿಸಿದ್ದಾರೆ.

ಸಾಮಾಜಿಕ ಜಾಕತಾಣದಲ್ಲಿ ಸಕ್ರಿಯವಾಗಿರುವ ನಟಿ ಶ್ರೀಯಾ ಶರಣ್​ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ಸಕ್ರಿಯವಾಗಿದ್ದಾರೆ. ಇನ್ನು ಪತಿಯ ಜತೆ ಮಾಡಿರುವ ಪ್ರವಾಸದ ಸಾಕಷ್ಟು ಫೋಟೋಗಳನ್ನು ಹಂಚಿಕೊಂಡಿದ್ದಾರೆ ಈ ನಟಿ.

ಶ್ರೀಯಾ ಶರಣ್​ ಅವರ ವೃತ್ತಿ ಜೀವನದ ವಿಷಯಕ್ಕೆ ಬಂದರೆ ರಾಮ್​ ಚರಣ್​ ಹಾಗೂ ಜೂನಿಯರ್​ ಎನ್​ಟಿಆರ್​ ಅವರ ಆರ್​ಆರ್​ಆರ್​ ಸಿನಿಮಾದಲ್ಲಿ ಶ್ರೀಯಾ ಶರಣ್​  ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.  ಈ ಹಿಂದೆ ದೃಶ್ಯಂ ಸಿನಿಮಾದಲ್ಲಿ ಅಜಯ್​ ದೇವಗನ್​ ಜೊತೆ ನಟಿಸಿದ್ದ ಶ್ರೀಯಾ ಈಗ ದೃಶ್ಯಂ 2 ಚಿತ್ರದ ರಿಮೇಕ್​ನಲ್ಲೂ ಶ್ರೀಯಾ ಕಾಣಿಸಿಕೊಳ್ಳಲಿದ್ದಾರೆ.