Tamannaah: ತಮನ್ನಾ ಬಾಯ್ ಫ್ರೆಂಡ್ ವಿಜಯ್ ವರ್ಮಾ ತನ್ನ ಸ್ವೀಟಿಗೆ ಹೊಸ ಹೆಸರಿಟ್ಟಿದ್ದಾರಂತೆ! ಏನದು?

ಇದೀಗ ತಮನ್ನಾ ಲವ್ನಲ್ಲಿ ಬಿದ್ದಿದ್ದಾರೆ ಎನ್ನುವ ಸುದ್ದಿ ಹರಿದಾಡ್ತಿದೆ. ಮಿಲ್ಕಿ ಬ್ಯೂಟಿ ತಮನ್ನಾ ಮತ್ತು ನಟ ವಿಜಯ್ ವರ್ಮಾಇಬ್ಬರೂ ಡೇಟಿಂಗ್ ಮಾಡ್ತಿದ್ದಾರೆ ಎನ್ನುವ ಸುದ್ದಿ ಹಬ್ಬಿದೆ. ಅಷ್ಟೇ ಅಲ್ಲದೇ ಈ ಲವ್ ಬರ್ಡ್ಸ್​ ಮುಂಬೈನ ರಸ್ತೆಯಲ್ಲಿ ಓಡಾಡ್ತಾ ಪಾರ್ಟಿ ಮಾಡ್ತಿದ್ದಾರೆ. ಶೀಘ್ರದಲ್ಲೇ ಮದುವೆಯಾಗಲಿದ್ದಾರೆ ಎಂದು ಅಭಿಮಾನಿಗಳು ಹೇಳುತ್ತಿದ್ದಾರೆ. ಫೋಟೋ: ಟ್ವಿಟರ್

ಗೋವಾದಲ್ಲಿ ನಡೆದ ಹೊಸ ವರ್ಷದ ಸಂಭ್ರಮಾಚರಣೆಯಲ್ಲಿ ವಿಜಯ್ ವರ್ಮಾ ಜೊತೆಗಿನ ತಮನ್ನಾ ಫೋಟೋ ಸಖತ್ ವೈರಲ್ ಆಗಿತ್ತು. ಇದೇ ವೇಳೆ ತಮನ್ನಾ ತಮ್ಮ ಸೋಶಿಯಲ್ ಮೀಡಿಯಾದಲ್ಲಿ ವಿಜಯ್ ಅವರ ಹೊಸ ಸಿನಿಮಾಗೆ ಶುಭ ಕೋರಿದ್ದಾರೆ. ವಿಜಯ್ ವರ್ಮಾ ಜೊತೆಗಿನ ಫೋಟೋ ನೋಡಿದ ಅಭಿಮಾನಿಗಳು ವಿಜಯ್ ತಮನ್ನಾ ಸಖತ್ ಜೋಡಿ ಅಂತಿದ್ದಾರೆ.

ಬಾಲಿವುಡ್ನಲ್ಲಿ ವಿಜಯ್ ವರ್ಮಾ ಅವರು ಫೇಮಸ್ ಆಗಿದ್ದಾರೆ. ಸಿನಿಮಾ, ವೆಬ್ ಸೀರಿಸ್ಗಳಲ್ಲಿ ಅವರಿಗೆ ಸಿಕ್ಕಾಪಟ್ಟೆ ಬೇಡಿಕೆ ಇದೆ. ಈ ನಡುವೆ ತಮನ್ನಾ ಭಾಟಿಯಾ ಜೊತೆ ಸುತ್ತಾಟದ ಕಾರಣದಿಂದಲೂ ವಿಜಯ್ ವರ್ಮಾ ಹೆಚ್ಚು ಸುದ್ದಿ ಆಗುತ್ತಿದ್ದಾರೆ.

ಈ ಜೋಡಿ ಶೀಘ್ರದಲ್ಲೇ ಮದುವೆ ಆಗಬಹುದು ಎಂದು ಕೂಡ ಹೇಳಲಾಗುತ್ತಿದೆ. ಆದರೆ ಆ ಬಗ್ಗೆ ಇನ್ನಷ್ಟೇ ಸ್ಪಷ್ಟನೆ ಸಿಗಬೇಕಿದೆ. ಈ ನಡುವೆ ತಮನ್ನಾ ಅವರನ್ನು ಟೊಮೆಟೊ ಎಂದು ಕರೆಯುವ ಮೂಲಕ ವಿಜಯ್ ವರ್ಮಾ ಅವರು ಸುದ್ದಿ ಆಗಿದ್ದಾರೆ.

ತಮನ್ನಾ ತಮಿಳು, ಹಿಂದಿ, ತೆಲುಗಿನಲ್ಲಿ ನಟಿಸುತ್ತಾ ಬ್ಯುಸಿಯಾಗಿದ್ದಾರೆ. ಕಳೆದ ವರ್ಷ ಲಾಕ್ಡೌನ್ ಸಮಯದಲ್ಲಿ, ತಮನ್ನಾ ಸಿನಿಮಾಗಳಿಗಿಂತ ಹೆಚ್ಚಾಗಿ ವೆಬ್ ಸೀರೀಸ್ನಲ್ಲಿ ಕಾಣಿಸಿಕೊಂಡಿದ್ದರು. ತಮನ್ನಾ ಅವರು ಸುಮಾರು 15 ವರ್ಷ ವಯಸ್ಸಿನವರಾಗಿದ್ದಾಗ ಮೊದಲ ಬಾರಿಗೆ ತೆರೆಯ ಮೇಲೆ ಕಾಣಿಸಿಕೊಂಡರು. 10ನೇ ತರಗತಿ ಓದುತ್ತಿರುವಾಗಲೇ ಸಿನಿಮಾದಲ್ಲಿ ಮೊದಲು ನಟಿಸಿದ್ದರು. (ಕೃಪೆ: Instagram)

ಮಾಡೆಲಿಂಗ್ ಮೂಲಕ ತೆಲುಗು ಚಿತ್ರರಂಗಕ್ಕೆ ತೆರೆಗೆ ಬಂದವರು. ತಮನ್ನಾ ಕೇವಲ 15 ವರ್ಷದವಳಿದ್ದಾಗ ಮಂಜು ಮನೋಜ್ ಜೊತೆ ನಟಿಸಿದ್ದರು. ಅದಕ್ಕೂ ಮುನ್ನ ತಮನ್ನಾ ಒಂದು ಕಮರ್ಷಿಯಲ್ ಆ್ಯಡ್ ಮಾಡಿದ್ದರು. (ಕೃಪೆ: Instagram)

ತಮನ್ನಾ ಮಾಡಿದ ಹ್ಯಾಪಿ ಡೇಸ್ ಸಿನಿಮಾ ಹಿಟ್ ಆಯಿತು. ತೆಲುಗಿನ ಬದರಿನಾಥ್ ಚಿತ್ರದಲ್ಲೂ ನಟಿಸಿದ್ದರು. ಕಳೆದ ವರ್ಷ ಸೈರಾ ದಂತಹ ದೊಡ್ಡ ಸಿನಿಮಾದಲ್ಲಿ ನಟಿಸಿದ್ದರು. ತಮನ್ನಾ ಭಾಟಿಯಾ ಪ್ರಸ್ತುತ ಭೋಲಾ ಶಂಕರ್, ಎಫ್ 3, ಬೋಲೆ ಚೂಡಿಯಾ ಮತ್ತು ಗುರ್ತುಂಡ ಸೀತಾಕಾಲಂ ಚಿತ್ರಗಳಲ್ಲಿ ಬ್ಯುಸಿಯಾಗಿದ್ದಾರೆ. (ಕೃಪೆ: Instagram)

ದೇಹ ಸೌಂದರ್ಯ ಕಾಪಾಡಿಕೊಳ್ಳುವ ವಿಚಾರದಲ್ಲೂ ತಮನ್ನಾ ಮುಂಚೂಣಿಯಲ್ಲಿದ್ದಾರೆ. ಹಾಗಾಗಿಯೇ ಮಿಲ್ಕಿ ಬ್ಯೂಟಿ 30ರ ನಂತರವೂ ಹೊಸ ಹೊಸ ಹೀರೋಗಳ ಜೋಡಿ ಆಗುತ್ತಿದ್ದಾರೆ. (ಕೃಪೆ: Instagram)