Divya Shridhar: ಡೆಲಿವರಿಗೆ ಹತ್ತೇ ದಿನ ಬಾಕಿ, ಇನ್ನೂ ಸೀರಿಯಲ್ ಶೂಟಿಂಗ್ ಮಾಡ್ತಿದ್ದೇನೆ- ಕಿರುತೆರೆ ನಟಿ ದಿವ್ಯಾ ಶ್ರೀಧರ್ ಕಣ್ಣೀರು

ನಟಿ ದಿವ್ಯಾ ಶ್ರೀಧರ್ ಅವರು ತಮ್ಮ ಇತ್ತೀಚಿನ ಸಂದರ್ಶನದಲ್ಲಿ ನಾನು 9 ತಿಂಗಳ ಗರ್ಭಿಣಿಯಾಗಿದ್ದೇನೆ. ಡೆಲಿವರಿ ದಿನ ಕೂಡ ಹತ್ತಿರ ಬಂದಿದೆ. ಆದರೆ ನನ್ನ ಸಹಾಯಕ್ಕೆ ಯಾರೂ ಇಲ್ಲ. ಆರ್ಥಿಕ ಸ್ಥಿತಿ ಸರಿಯಿಲ್ಲ ಹೀಗಾಗಿ ಇನ್ನೂ ಸೀರಿಯಲ್ ಶೂಟಿಂಗ್​ನಲ್ಲಿ ಭಾಗಿಯಾಗಿರೋದಾಗಿ ಹೇಳಿದ್ದಾರೆ.

ತಮಿಳಿನ ಸನ್ ಟಿವಿಯಲ್ಲಿ ಪ್ರಸಾರವಾಗುತ್ತಿರುವ ಸೆವಂತಿ ಸೀರಿಯಲ್​ನಲ್ಲಿ ನಟಿ ದಿವ್ಯಾ ಶ್ರೀಧರ್ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ದಿವ್ಯಾ ಈಗಾಗಲೇ ಮದುವೆಯಾಗಿದ್ದು, ಓರ್ವ ಮಗಳಿದ್ದಾರೆ. ಆದರೆ ಮೊದಲ ಪತಿಗೆ ದಿವ್ಯಾ ವಿಚ್ಛೇದನ ನೀಡಿದ್ದಾರೆ.

ಬಳಿಕ ನಟಿ ದಿವ್ಯಾ ಕೆಲ ತಿಂಗಳ ಹಿಂದೆ ತನ್ನೊಂದಿಗೆ ಧಾರಾವಾಹಿಯಲ್ಲಿ ನಟಿಸಿದ್ದ ನಟ ಅರ್ನವ್ ಅವರನ್ನು ವಿವಾಹವಾಗಿದ್ದರು. ತಾನು ಗರ್ಭಿಣಿ ಎಂಬು ಸುದ್ದಿಯನ್ನು ಕೂಡ ಹಂಚಿಕೊಂಡಿದ್ದರು. ಆದ್ರೆ ನಟ ಅರ್ನವ್ ಕಿರುಕುಳ ನೀಡುತ್ತಿದ್ದಾನೆ ಎಂದು ಇತ್ತೀಚಿಗಷ್ಟೇ ನಟಿ ಆರೋಪ ಮಾಡಿದ್ರು.

ದಿವ್ಯಾ ಅವರು ಚೆಲ್ಲಮ್ಮ ಧಾರಾವಾಹಿಯಲ್ಲಿ ಜೊತೆಯಾಗಿ ನಟಿಸುತ್ತಿರುವ ಅಂಶಿತಾಗೆ ಪತಿ ಅರ್ನವ್ ಕ್ಲೋಸ್ ಆಗಿರುವ ವಿಡಿಯೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿ ಸುದ್ದಿಯಾಗಿದ್ರು. ಗರ್ಭಿಣಿಯಾಗಿದ್ದ ವೇಳೆ ಕಿರುಕುಳ ನೀಡಿದ್ದ ಆರೋಪ ಹಿನ್ನೆಲೆ. ಅರ್ನವ್ ವಿರುದ್ಧ ಪ್ರಕರಣ ದಾಖಲಾಗಿತ್ತು.

ನಟಿ ದಿವ್ಯಾ ಮಾಧ್ಯಮದವರನ್ನು ಮುಂದೆ ನಟ ಅರ್ನವ್ ವಿರುದ್ಧ ಅನೇಕ ಆರೋಪಗಳನ್ನು ಮಾಡಿದರು. ಅಂದಿನಿಂದ ಇಬ್ಬರೂ ಬೇರ್ಪಟ್ಟು ಪ್ರತ್ಯೇಕವಾಗಿ ವಾಸಿಸುತ್ತಿದ್ದಾರೆ.

ಇತ್ತೀಚೆಗಷ್ಟೇ ಮಾಧ್ಯಮವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಮಾತಾಡಿದ ದಿವ್ಯಾ, ಇವನಿಂದ ಅನೇಕರು ಮೋಸ ಹೋಗಿದ್ದಾರೆ ಎಂದ್ರು. ನಿಮಗೆ ಈ ಮಗು ಬೇಡ ಎಂದು ಅನೇಕರು ಸಲಹೆ ನೀಡಿದ್ರು. ಆದ್ರೆ ಯಾವುದೇ ಜೀವಿಯನ್ನು ಕೊಲ್ಲುವ ಹಕ್ಕು ಯಾರಿಗೂ ಇಲ್ಲ. ದೇವರು ಕೊಟ್ಟ ಈ ಮಗುವಿಗೆ ಜನ್ಮ ನೀಡಬೇಕೆಂದುಕೊಂಡೆ. ನಾನು 4 ತಿಂಗಳ ಗರ್ಭಿಣಿಯಾಗಿದ್ದ ವೇಳೆ ಬ್ರೇಕ್ ತೆಗೆದುಕೊಳ್ಳಲು ನಿರ್ಧರಿಸಿದ್ದೆ. ಆದರೆ ನನ್ನ ಜೀವನದಲ್ಲಿ ಕಹಿ ಘಟನೆಗಳು ನಡೆದು ಹೋಗಿದೆ.

ಆರ್ಥಿಕ ಸ್ಥಿತಿ ಹದಗೆಟ್ಟ ಬಳಿಕ ದುಡಿಯಬೇಕಾದ ಪರಿಸ್ಥಿತಿ ಬಂತು. ಈಗ 9 ತಿಂಗಳು ಪೂರ್ಣಗೊಂಡಿದೆ. 10-15 ದಿನಗಳಲ್ಲಿ ಮಗು ಜನಿಸಲಿದೆ. ನನಗೆ ಈಗಾಗಲೇ ಒಬ್ಬ ಮಗಳಿದ್ದಾಳೆ.

ನನಗೆ ಹುಟ್ಟುವ ಮಗು ಗಂಡು ಮಗುವಾಗಿದ್ರೆ. ನಾನು ಅವನನ್ನು ಒಳ್ಳೆಯ ಮನುಷ್ಯನನ್ನಾಗಿ ಬೆಳೆಸುತ್ತೇನೆ. ಹೆಣ್ಣನ್ನು ಹೇಗೆ ಗೌರವಿಸಬೇಕು ಎಂದು ಹೇಳಿಕೊಡುತ್ತೇನೆ’ ಎಂದು ದಿವ್ಯಾ ಸಂದರ್ಶನದಲ್ಲಿ ಅಳಲು ತೋಡಿಕೊಂಡರು.