Ram Charan: RRR ಚಿತ್ರವನ್ನೂ ಮೀರಿಸಲಿದ್ಯಾ ರಾಮ್ ಚರಣ್ ಸಿನಿಮಾ? ಬಜೆಟ್ ಕೇಳಿ ಶಾಕ್ ಆದ ಟಾಲಿವುಡ್​!

ಮಲ್ಟಿಸ್ಟಾರರ್ ಸಿನಿಮಾಗಳು ಸದ್ಯ ಚಾಲ್ತಿಯಲ್ಲಿವೆ. ಇದರೊಂದಿಗೆ ದೊಡ್ಡ ನಿರ್ದೇಶಕರು ಕೂಡ ಆ ನಿಟ್ಟಿನಲ್ಲಿ ಯೋಚಿಸಿ ಬಿಗ್ ಬಜೆಟ್ ಸಿನಿಮಾ ಮಾಡಲು ಮುಂದಾಗಿದ್ದಾರೆ. ಅದೇ ರೀತಿ RRR ಸಿನಿಮಾದ ದಾಖಲೆಯನ್ನು ಮುರಿಯಲು ಇಲ್ಲೊಂದು ಸಿನಿಮಾ ಸಿದ್ಧವಾಗುತ್ತಿದೆ.

RRR ಸಿನಿಮಾ ಬಿಡುಗಡೆ ಆಗಿ ಭರ್ಜರಿ ಪ್ರದರ್ಶನ ಕಂಡು ಅನೇಕ ದಾಖಲೆಗಳನ್ನು ಮುರಿದು ಹಾಕಿತ್ತು. ಅಲ್ಲದೇ ಈ ಚಿತ್ರದಲ್ಲಿ ಮಲ್ಟಿಸ್ಟಾರರ್ ಕಾಣಿಸಿಕೊಂಡಿದ್ದರು. ಇದರೊಂದಿಗೆ ನಿರ್ದೇಶಕ ಶಂಕರ್ ಅಂತಹ ಮಲ್ಟಿಸ್ಟಾರರ್ ಚಿತ್ರವನ್ನು ತೆರೆ ಮೇಲೆ ತರಲು ಸಿದ್ಧರಾಗಿದ್ದಾರಂತೆ.

ಆರ್‌ಆರ್‌ಆರ್ ಚಿತ್ರದ ಮೂಲಕ ಪ್ಯಾನ್ ಇಂಡಿಯಾ ಇಮೇಜ್ ಗಳಿಸಿದ್ದ ರಾಮ್ ಚರಣ್ ಜೊತೆ ಶಂಕರ್ ದೊಡ್ಡ ಸಿನಿಮಾವನ್ನು ಯೋಜಿಸುತ್ತಿದ್ದಾರೆ. ರಾಮ್ ಚರಣ್ ಶಂಕರ್ ಈಗಾಗಲೇ RC15 ಎಂಬ ಚಿತ್ರದ ಸೆಟ್‌ನಲ್ಲಿರುವಾಗಲೇ ಶಂಕರ್ ಮತ್ತೊಂದು ಚಿತ್ರಕ್ಕೆ ತಯಾರಿ ನಡೆಸುತ್ತಿದ್ದಾರೆ ಎಂಬುದು ಟಾಲಿವುಡ್​ನಲ್ಲಿ ಕೇಳಿಬರುತ್ತಿವೆ.

ಆರ್‌ಸಿ 15 ನಂತರ ರಾಮ್ ಚರಣ್ ಗೌತಮ್ ತಿನ್ನನೂರಿ ನಿರ್ದೇಶನದಲ್ಲಿ ಮತ್ತೊಂದು ಚಿತ್ರ ಮಾಡಲಿದ್ದಾರೆ. ಆದರೆ ಇದಕ್ಕೂ ಮೊದಲು ರಾಮ್​ ಚರಣ್ ಜೊತೆ ಬಿಗ್ ಬಜೆಟ್​ ಚಿತ್ರ ಮಾಡಲು ಶಂಕರ್​ ಪ್ಲಾನ್​ ಮಾಡಿದ್ದಾರಂತೆ.

RRR ಗಿಂತ ಹೆಚ್ಚಿನ ರೇಂಜ್‌ನಲ್ಲಿ ಮತ್ತೊಂದು ಮಲ್ಟಿಸ್ಟಾರರ್ ಚಿತ್ರವನ್ನು ಬಿಡುಗಡೆ ಮಾಡಲು ಶಂಕರ್ ತಯಾರಿ ನಡೆಸುತ್ತಿದ್ದಾರೆ ಎಂದು ವರದಿಯಾಗಿದೆ. ಶಂಕರ್ ಸಿದ್ಧಪಡಿಸುತ್ತಿರುವ ಕಥೆಯ ಪ್ರಕಾರ ಆ ಸಿನಿಮಾಗೆ ಸುಮಾರು 1000 ಕೋಟಿ ವೆಚ್ಚವಾಗಲಿದೆಯಂತೆ.

ಅಷ್ಟರ ಮಟ್ಟಿಗೆ  RC15 ಚಿತ್ರದ ಕೆಲಸ ಮುಗಿಸುತ್ತಲೇ ಈ ಯೋಜನೆಗೆ ಸ್ಕೆಚ್ ಸಿದ್ಧಪಡಿಸುತ್ತಿದ್ದಾರೆ ಶಂಕರ್. ಮೇಲಾಗಿ ಈ ಸಿನಿಮಾದಲ್ಲಿ ಚೆರ್ರಿ ಜೊತೆಗೆ ಮತ್ತೋರ್ವ ಬಾಲಿವುಡ್ ಸ್ಟಾರ್ ಹೀರೋ ನಟಿಸುವ ಸಾಧ್ಯತೆ ಇದೆ.

ಆದರೆ ಶಂಕರ್ ಈಗಾಗಲೇ ಭಾರತಿಯಾಡು 2 ಚಿತ್ರಕ್ಕೆ ಕಮಿಟ್ ಆಗಿದ್ದಾರೆ. ಅದೇ ರೀತಿ ಹಿಂದಿಯಲ್ಲಿ ರಣವೀರ್ ಸಿಂಗ್ ಜೊತೆ ಸಿನಿಮಾ ಮಾಡಬೇಕಿದೆ. ಆರ್‌ಸಿ 15 ಜೊತೆಗೆ ಈ ಎರಡು ಚಿತ್ರಗಳು ಮುಗಿದ ನಂತರ ಈ ಅದ್ಧೂರಿ ಪ್ರಾಜೆಕ್ಟ್‌ ಪ್ರಾರಂಭವಾಗಲಿದೆ.

ಸದ್ಯ ಈ ಸಿನಿಮಾದ ಕುರಿತ ಗಾಸಿಫ್ ಟಾಲಿವುಡ್​ ಅಂಗಳದಲ್ಲಿ ಹರಿದಾಡುತ್ತಿದೆ. ಅಲ್ಲದೇ ಈ ಸುದ್ದಿ ಕೇಳಿದ ರಾಮ್​ ಅಭಿಮಾನಿಗಳಂತೂ ಸಖತ್​ ಥ್ರಿಲ್ ಆಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಈ ವಿಷಯವನ್ನು ಸಖತ್ ವೈರಲ್ ಮಾಡುತ್ತಿದ್ದಾರೆ.