Rishab Shetty: 7 ವರ್ಷದಲ್ಲಿ ದೇಶವೇ ಮೆಚ್ಚುವ ನಿರ್ದೇಶಕ, 'ರಿಕ್ಕಿ' ನೆನಪಿಸಿಕೊಂಡ ರಿಷಬ್ ಶೆಟ್ಟಿ!

ಕರುನಾಡಿನತ್ತ ದೇಶಕ್ಕೆ ದೇಶವೇ ತಿರುಗಿ ನೋಡುವಂತೆ ಮಾಡಿದ ಸಿನಿಮಾ ಕಾಂತಾರ. ನಿರ್ದೇಶನ ಮಾಡಿ, ನಟಿಸಿರುವ ರಿಷಬ್ ಶೆಟ್ಟಿಗೆ ಹೆಸರು ತಂದು ಕೊಟ್ಟಿದೆ.

ರಿಷಬ್ ಶೆಟ್ಟಿ ಅಂದ್ರೆ ಈಗ ಎಲ್ಲೆಡೆ ಗುರುತಿಸುವ ನಿರ್ದೇಶಕರಾಗಿದ್ದಾರೆ. ಅವರೊಳಗೆ ಒಬ್ಬ ಅತ್ಯುತ್ತಮ ಕಲಾವಿದ ಇದ್ದಾರೆ ಎನ್ನುವುದನ್ನು ಸಿನಿಮಾ ಮೂಲಕ ತೋರಿಸಿಕೊಟ್ಟಿದ್ದಾರೆ.

ರಿಷಬ್ ಶೆಟ್ಟಿ ತಮ್ಮ 7 ವರ್ಷದ ಹಿಂದಿನ ಸಿನಿಮಾವನ್ನು ನೆನಪು ಮಾಡಿಕೊಂಡಿದ್ದಾರೆ. 'ರಿಕ್ಕಿ' ಅನ್ನೊ ನನ್ನ ಸಿನಿಮಾದ ಕನಸು ರೆಕ್ಕೆ ಬಿಚ್ಚಿ ಹಾರಿ ಇವತ್ತಿಗೆ ಏಳು ವರ್ಷ. ನಿರ್ದೆಶಕನಾಗಿ ನನ್ನ ಪಯಣ ಶುರುವಾಗಿದ್ದೆ 'ರಿಕ್ಕಿ'ಯಿಂದ ಎಂದಿದ್ದಾರೆ.

ಅಂದು ಶುರುವಾದ ನನ್ನ ಪಯಣದ ಪಿಸುಮಾತು ಇಷ್ಟೆ, "ಸೂರಿನ ಸುಖವಿಲ್ಲ. ನಿದ್ದೆಯ ಕನಸಿಲ್ಲ. ಬಾ ಸಾಥಿ. ನಮ್ಮ ಗುರಿಯೊಂದೇ" ಎಂದು ರಿಷಬ್ ಶೆಟ್ಟಿ ಪೋಸ್ಟ್ ಹಾಕಿಕೊಂಡಿದ್ದಾರೆ.

ರಿಕ್ಕಿ ಚಿತ್ರ ತುಂಬಾ ಸಾಹಸ ಸಿನಿಮಾ ಆಗಿತ್ತು. ತುಂಬಾ ಸಂತೋಷ ಕೊಟ್ಟ ಸಿನಿಮಾ ರಿಕ್ಕಿ. ರಿಕ್ಕಿಯಿಂದ ಇಲ್ಲಿಯವರೆಗೆ ನನ್ನ ಪಯಣ ಸಾಗಿ ಬಂದಿದೆ ಎಂದಿದ್ದಾರೆ ರಿಷಬ್ ಶೆಟ್ಟಿ.

2016ರಲ್ಲಿ ರಿಕ್ಕಿ ಸಿನಿಮಾವನ್ನು ರಿಷಬ್ ಶೆಟ್ಟಿ ನಿರ್ದೇಶನ ಮಾಡಿದ್ದರು. ರಕ್ಷಿತ್ ಶೆಟ್ಟಿ ಮತ್ತು ಹರಿಪ್ರಿಯಾ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದರು. ಭಾರತದಲ್ಲಿ ನಕ್ಸಲಿಸಂನ ವ್ಯಾಪಕತೆ ಹೇಗಿದೆ ಎಂಬುದು ಕಥೆಯಲ್ಲಿದೆ.

ರಿಕ್ಕಿ ಸಿನಿಮಾ ನೋಡಿ ಹಲವರು ಮೆಚ್ಚಿಕೊಂಡಿದ್ದರು. ರಿಷಬ್ ಶೆಟ್ಟಿ ಸಹ ಸ್ಯಾಂಡಲ್‍ವುಡ್‍ನಲ್ಲಿ ಹೆಸರು ಮಾಡಿದ್ರು. ರಕ್ಷಿತ್ ಶೆಟ್ಟಿ ಸಹ ಅದ್ಭುತವಾಗಿ ನಟಿಸಿದ್ದರು.

7 ವರ್ಷಗಳಲ್ಲಿ ರಿಷಬ್ ಶೆಟ್ಟಿ ಒಳ್ಳೆ ಒಳ್ಳೆಯ ಸಿನಿಮಾಗಳನ್ನು ಕೊಟ್ಟಿದ್ದಾರೆ. ಅದರಲ್ಲೂ ಕಾಂತಾರ ಅವರನ್ನು ಬೇರೆ ಲೆವೆಲ್‍ಗೆ ತೆಗೆದುಕೊಂಡು ಹೋಗಿ ನಿಲ್ಲಿಸಿದೆ.