ರಂಗನಾಯಕ ಚಿತ್ರದ ಸೆಟ್​ನಲ್ಲಿ ನವರಸನಾಯಕ ಜಗ್ಗೇಶ್​-ಗುರುಪ್ರಸಾದ್​

ಗುರುಪ್ರಸಾದ್​ ನಿರ್ದೇಶನದಲ್ಲಿ ಜಗ್ಗೇಶ್​ ಅಭಿನಯಿಸುತ್ತಿರುವ ಸಿನಿಮಾ ರಂಗನಾಯಕ.

ಬಲಗಾಲಿಟ್ಟು ಜಗ್ಗೇಶ್ ಹಾಗೂ ಗುರುಪ್ರಸಾದ್​ ಅವರು ಚಿತ್ರೀಕರಣದ ಸೆಟ್​ಗೆ ಕಾಲಿಟ್ಟಿದ್ದಾರೆ.

ಜಗ್ಗೇಶ್ ಅವರು ಗುರುಪ್ರಸಾದ್​ ಅವರ ಜತೆ 14 ವರ್ಷಗಳ ನಂತರ ಸಿನಿಮಾ ಮಾಡುತ್ತಿದ್ದಾರೆ.

ಮಠ ಹಾಗೂ ಎದ್ದೇಳು ಮಂಜುನಾಥ ಸಿನಿಮಾ ನಂತರ ಈ ಜೋಡಿ ರಂಗನಾಯಕ ಚಿತ್ರಕ್ಕಾಗಿ ಒಂದಾಗಿದ್ದಾರೆ.

ಸಿನಿಮಾ ಚಿತ್ರೀಕರಣ ಆರಂಭವಾದ ವಿಷಯವನ್ನು ಜಗ್ಗೇಶ್ ಎಂದಿನಂತೆ ತಮ್ಮದೇ ಆದ ರೀತಿಯಲ್ಲಿ ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.

ಡಿಸೆಂಬರ್​ 28ರಂದು ರಂಗನಾಯಕ ಸಿನಿಮಾದ ಮುಹೂರ್ತ ನೆರವೇರಿತ್ತು.

ಫಸ್ಟ್​ಲುಕ್ ಪೋಸ್ಟರ್ ಹಾಗೂ ಟೀಸರ್​ ಈಗಾಗಲೇ ರಿಲೀಸ್ ಆಗಿದೆ.

ಸಿನಿಮಾದ ಪೋಸ್ಟರ್ ಹಾಗೂ ಟೀಸರ್​ಗೆ ಒಳ್ಳೆಯ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು.

ಈ ಹಿಂದೆ ನೀಡಿರುವ ಹಿಟ್​ ಸಿನಿಮಾಗಳಿಂದಾಗಿ ಜಗ್ಗೇಶ್​ ಹಾಗೂ ಗುರುಪ್ರಸಾದ್​ ಅವರ ಮೇಲಿನ ನಿರೀಕ್ಷೆ ಈ ಸಿನಿಮಾದಿಂಆಗಿ ಮತ್ತಷ್ಟು ಹೆಚ್ಚಿದೆ.

ಈ ಸಿನಿಮಾದಲ್ಲಿ ನಾಯಕಿಯಾಗಿ ರಚಿತಾ ಮಹಾಲಕ್ಷ್ಮಿ ನಟಿಸುತ್ತಿದ್ದಾರೆ.

ತಮಿಳಿನ ಕಿರುತೆರೆಯಲ್ಲಿ ಗುರುತಿಸಿಕೊಂಡಿದ್ದಾರೆ ರಚಿತಾ ಮಹಾಲಕ್ಷ್ಮಿ.