Prashanth Neel: ನೀಲ್ 6ನೇ ಸಿನಿಮಾ ಕೂಡಾ ತೆಲುಗಿನಲ್ಲಿಯೇ! ಹಾಗಾದ್ರೆ KGF 3 ಕಥೆ ಏನು?

ನಿರ್ದೇಶಕ ಪ್ರಶಾಂತ್ ನೀಲ್ ಟಾಲಿವುಡ್​ನಲ್ಲಿ ಸಖತ್ ಬ್ಯುಸಿಯಾಗಿದ್ದಾರೆ. ನಟ ಬಾಹುಬಲಿ ಖ್ಯಾತಿಯ ಪ್ರಭಾಸ್​ಗೆ ಆ್ಯಕ್ಷನ್ ಕಟ್ ಹೇಳುತ್ತಿದ್ದಾರೆ.

ಪ್ರಭಾಸ್ ಸಿನಿಮಾ ಸಲಾರ್ ಅನ್ನು ನಿರ್ದೇಶನ ಮಾಡುತ್ತಿರುವ ನೀಲ್ ಸದ್ಯ ಫ್ರೀಯಾಗುವ ಯಾವ ಲಕ್ಷಣ ಕೂಡಾ ಕಾಣಿಸುತ್ತಿಲ್ಲ. ಈ ಸಿನಿಮಾ ಆದ ಕೂಡಲೇ ನೀಲ್ ಅವರಿಗೆ ಕೆಲಸದ ಲಿಸ್ಟ್ ಸಿದ್ಧವಾಗಿದೆ.

ಸಲಾರ್ ಸಿನಿಮಾ ಮುಗಿದ ಕೂಡಲೇ ಜೂನಿಯರ್ ಎನ್​ಟಿಆರ್ ಅವರಿಗೆ ಪ್ರಶಾಂತ್ ನೀಲ್ ಅವರು ಆ್ಯಕ್ಷನ್ ಕಟ್ ಹೇಳಲಿದ್ದಾರೆ ಎನ್ನುವ ಸುದ್ದಿಯೊಂದು ಬಹಳಷ್ಟು ದಿನಗಳಿಂದ ಓಡಾಡುತ್ತಿದೆ.

ತ್ರಿಬಲ್ ಆರ್ ಸಿನಿಮಾ ಮೂಲಕ ಭಾರೀ ಖ್ಯಾತಿ ಗಿಟ್ಟಿಸಿಕೊಂಡಿರುವ ಜೂನಿಯರ್ ಎನ್​ಟಿಆರ್ ಅವರ ಮೆಗಾ ಪ್ರಾಜೆಕ್ಟ್​ಗೆ ನೀಲ್ ಅವರು ಆ್ಯಕ್ಷನ್ ಕಟ್ ಹೇಳೋದು ಪಕ್ಕಾ ಆಗಿದೆ. ಆದರೆ ಅದರ ನಂತರವೂ ಪ್ರಶಾಂತ್ ನೀಲ್ ಫ್ರೀ ಆಗೋ ಯಾವ ಲಕ್ಷಣವೂ ಕಂಡುಬರುತ್ತಿಲ್ಲ.

ಇದಕ್ಕೆ ಕಾರಣ ಏನಪ್ಪಾ ಅಂದ್ರೆ ಪ್ರಶಾಂತ್ ನೀಲ್ ಅವರು ಮತ್ತೊಂದು ಸಿನಿಮಾ ಡೈರೆಕ್ಟ್ ಮಾಡಲಿದ್ದಾರಂತೆ. ತೆಲುಗಿನಲ್ಲಿ ಎರಡು ಪ್ರಾಜೆಕ್ಟ್ ಮುಗಿಸಿ ನೀಲ್ ಕೆಜಿಎಫ್ ಅಖಾಡಕ್ಕೆ ಬರ್ತಾರೆ ಎಂದು ನಿರೀಕ್ಷಿಸುತ್ತಿದ್ದ ಕನ್ನಡಿಗರಿಗೆ ನಿರಾಸೆ ಆಗಿದೆ.

ಪ್ರಶಾಂತ್ ನೀಲ್ ಅವರು ಸಲಾರ್ ಮುಗಿಸಿ, ನಂತರ ಜೂನಿಯರ್ ಎನ್​ಟಿಆರ್ ಸಿನಿಮಾ ಮುಗಿಸಿ ನಂತರ ಮತ್ತೆ ಪ್ರಭಾಸ್​ಗೆ ಆ್ಯಕ್ಷನ್ ಕಟ್ ಹೇಳಿದ್ದಾರಂತೆ. ಅಲ್ಲಿಗೆ ತೆಲುಗಿನಲ್ಲಿ ಭರ್ಜರಿ 3 ಪ್ರಾಜೆಕ್ಟ್​ನಲ್ಲಿ ಕೆಜಿಎಫ್ ಡೈರೆಕ್ಟರ್ ಬ್ಯುಸಿಯಾಗಲಿದ್ದಾರೆ.

ಈ ವಿಚಾರ ಬರೀ ಗಾಸಿಪ್ ಅಲ್ಲ. ಬದಲಾಗಿ ನಿರ್ಮಾಪಕ ದಿಲ್​ರಾಜು ಅವರೇ ಈ ವಿಚಾರವನ್ನು ಬಹಿರಂಗವಾಗಿ ಹೇಳಿದ್ದಾರೆ. ಈ ಮೂಲಕ ಕೆಜಿಎಫ್ 3 ಸಿನಿಮಾ ಸದ್ಯಕ್ಕೆ ಮಾಡಲ್ಲ ಎಂದು ತಿಳಿಸಿದ್ದಾರೆ.

ಇತ್ತೀಚೆಗಷ್ಟೇ ನ್ಯೂಸ್​18 ಕನ್ನಡ ಡಿಜಿಟಲ್ ಜೊತೆ ಎಕ್ಸ್​ಕ್ಲೂಸಿವ್ ಆಗಿ ಮಾತನಾಡಿದ್ದ ಹೊಂಬಾಳೆ ನಿರ್ಮಾಪಕ ವಿಜಯ್ ಕಿರಗಂದೂರು ಅವರು 2025ರಲ್ಲಿ ಕೆಜಿಎಫ್ 3 ಸೆಟ್ಟೇರುತ್ತೆ. 2026ಕ್ಕೆ ರಿಲೀಸ್ ಆಗುತ್ತೆ ಎಂದು ಹೇಳಿದ್ದರು.

ಸಲಾರ್ ಸಿನಿಮಾದ ನಂತರ ಪ್ರಶಾಂತ್ ನೀಲ್ ಅವರು ಜೂನಿಯರ್ ಎನ್​ಟಿಆರ್ ಸಿನಿಮಾಗೆ ಆ್ಯಕ್ಷನ್ ಕಟ್ ಹೇಳಲಿದ್ದು ಆ ಎರಡು ಪ್ರಾಜೆಕ್ಟ್ ಮುಗಿಸಿ ನೀಲ್ ಬರುತ್ತಾರೆ ಎಂದು ಹೇಳಿದ್ದರು.

ಆದರೆ ಈಗ ದಿಲ್​ರಾಜು ಕೊಟ್ಟಿರೋ ಹೇಳಿಕೆ ಎಲ್ಲಾ ಲೆಕ್ಕಾಚಾರವನ್ನೂ ತಲೆಗೆಳಗಾಗಿಸಿದೆ. ಕೆಜಿಎಫ್ 3 ಬಿಡುಗಡೆ ಇನ್ನಷ್ಟು ವಿಳಂಬವಾಗುವ ಲಕ್ಷಣ ಕಂಡುಬಂದಿದೆ.

ಪ್ರಶಾಂತ್ ನೀಲ್ ಬ್ಯಾಕ್ ಟು ಬ್ಯಾಕ್ 3 ಪ್ರಾಜೆಕ್ಟ್ ತೆಲುಗಿನಲ್ಲಿಯೇ ಮಾಡುತ್ತಿರುವುದು ಕನ್ನಡ ಸಿನಿಪ್ರಿಯರಿಗೆ ಸ್ವಲ್ಪ ಬೇಸರ ತಂದಿದೆ. ಆದರೆ ವಿಜಯ್ ಕಿರಗಂದೂರು ಅವರು ಇತ್ತೀಚೆಗೆ ಕೊಟ್ಟ ಕೆಜಿಎಫ್ 3 ಹೇಳಿಕೆಗೆ ದಿಲ್​ರಾಜು ಬೇಕೆಂದೇ ಈ ಥರ ಹೇಳಿಕೆ ಕೊಟ್ಟಿದ್ದಾರಾ ಎನ್ನುವುದು ನೆಟ್ಟಿಗರ ಚರ್ಚೆ.