Rashmika Mandanna: ಮತ್ತೆ ವಿವಾದದಲ್ಲಿ ಕಿರಿಕ್ ಬೆಡಗಿ ರಶ್ಮಿಕಾ ಮಂದಣ್ಣ..!

ಸ್ಯಾಂಡಲ್​ವುಡ್ ಸಾನ್ವಿ ರಶ್ಮಿಕಾ ಮಂದಣ್ಣಗೂ ಹಾಗೂ ವಿವಾದಕ್ಕೂ ಅದೇನೋ ನಂಟಿರುವಂತಿದೆ.

'ಕಿರಿಕ್​ ಪಾರ್ಟಿ' ಚಿತ್ರ ಸೂಪರ್ ಡೂಪರ್ ಹಿಟ್ ಆಗಿದ್ದೇ ತಡ ಅತ್ತ ಟಾಲಿವುಡ್​ನಿಂದ ಕೊಡಗಿನ ಬೆಡಗಿ ರಶ್ಮಿಕಾ ಮಂದಣ್ಣಗೆ ಬುಲಾವ್ ಬಂದಿತ್ತು.

ಇನ್ನೇನು ಸಿಕ್ಕ ಅವಕಾಶವನ್ನು ಬಳಸಿಕೊಂಡ ಸ್ಯಾಂಡಲ್​ವುಡ್ ಸಾನ್ವಿ 'ಚಲೋ' ಎಂದು ಹೊರಟೇ ಬಿಟ್ಟಿದ್ದರು. ಆ ಬಳಿಕ ಬ್ಯಾಕ್​ ಟು ಬ್ಯಾಕ್ ಹಿಟ್ ಚಿತ್ರಗಳ ರಾಣಿಯಾಗಿ 'ಯಜಮಾನ'ನ ಕಾವೇರಿ ಮೆರೆದರು.

ಅತ್ತ ಟಾಲಿವುಡ್​ನಲ್ಲಿ ನೆಲೆಯೂರಲಿದ್ದಾರೆ ಎನ್ನುವಷ್ಟರಲ್ಲೇ, ರಶ್ಮಿಕಾ ಕಾಲಿವುಡ್​ಗೂ ಕಾಲಿಟ್ಟಿದ್ದರು. ಇನ್ನು 'ಡಿಯರ್ ಕಾಮ್ರೇಡ್' ಎಂಬ ಬಹುಭಾಷಾ ಚಿತ್ರದಲ್ಲಿ ಅಭಿನಯಿಸಿ ಪ್ರೇಕ್ಷಕರ ಮನಗೆದ್ದಿದ್ದರು.

ಇದೇ ಸಂದರ್ಭದಲ್ಲಿ ನೀಡಿದ ಒಂದು ಸಂದರ್ಶನದಿಂದ ಚೆಂದುಳ್ಳಿ ಚೆಲುವೆ ವಿವಾದಕ್ಕೀಡಾದರು. ತಮಿಳಿನ ಪ್ರಮುಖ ವೆಬ್​ಸೈಟ್​ವೊಂದು ನಡೆಸಿದ ಸಂದರ್ಶನದಲ್ಲಿ ಡಿಯರ್ ರಶ್ಮಿಕಾ, ತನಗೆ ಕನ್ನಡ ಸರಿಯಾಗಿ ಬರುವುದಿಲ್ಲ.

ಕನ್ನಡದಲ್ಲೂ ಡಬ್ಬಿಂಗ್ ಮಾಡುವುದು ಕೂಡ ಕಷ್ಟ ಎಂದಿದ್ದರು. ಈ ವಿಡಿಯೋ ರಾತ್ರೋರಾತ್ರಿ ವೈರಲ್ ಆಗಿತ್ತು. ಅಲ್ಲದೆ ಸಾಮಾಜಿಕ ಜಾಲತಾಣದಲ್ಲಿ ಕಿರಿಕ್ ಬೆಡಗಿ ವಿರುದ್ಧ ಆಕ್ರೋಶಗಳು ಕೇಳಿಬಂದಿದ್ದವು.

ಇದಾದ ಬಳಿಕ ಈ ಪ್ರಕರಣ ಚಲನಚಿತ್ರ ವಾಣಿಜ್ಯ ಮಂಡಳಿಯ ಮೆಟ್ಟಿಲೇರಿತ್ತು. ವಾಣಿಜ್ಯ ಮಂಡಳಿ ಅಧ್ಯಕ್ಷ ಜೈರಾಜ್ ಕರೆ ಮಾಡಿದಾಗ, ತಾನು ತಪ್ಪೇನು ಮಾಡಿಲ್ಲ. ಕ್ಷಮೆ ಕೇಳುವ ಪ್ರಮೇಯವೇ ಬರುವುದಿಲ್ಲ ಎಂದು ರಶ್ಮಿಕಾ ಖಡಾತುಂಡವಾಗಿ ತಿಳಿಸಿದ್ದರು.

ಇದರಿಂದಾಗಿ ರಶ್ಮಿಕಾ ಟಾಲಿವುಡ್-ಕಾಲಿವುಡ್​ನಲ್ಲೇ ನೆಲೆಯೂರಲಿದ್ದಾರೆ ಎಂದೇ ಹೇಳಲಾಗಿತ್ತು. ಅತ್ತ ಪ್ರಿನ್ಸ್ ಮಹೇಶ್ ಬಾಬು ಅಭಿನಯದ 'ಸರಿಲೇರು ನೀಕೆವ್ವರು' ಚಿತ್ರದಲ್ಲಿ ನಾಯಕಿಯಾಗಿರುವ ಸಾನ್ವಿ, ಅಲ್ಲು ಅರ್ಜುನ್ ಅವರ ಮುಂದಿನ ಚಿತ್ರಕ್ಕೆ ಬುಕ್ ಆಗಿದ್ದಾರೆ.

ಇನ್ನು ನಿತಿನ್ ಅಭಿನಯದ ಭೀಷ್ಮಾ ಚಿತ್ರದಲ್ಲೂ ಕಿರಿಕ್ ಬೆಡಗಿ ಅಭಿನಯಿಸುವುದು ಪಕ್ಕಾ ಆಗಿದೆ. ಇದರ ನಡುವೆ ಕಾಲಿವುಡ್​​ನಲ್ಲೂ ಮೊದಲ ಚಿತ್ರ ಬಿಡುಗಡೆಯಾಗುವ ಮೊದಲೇ ಅವಕಾಶಗಳ ಬಾಗಿಲು ತೆರೆದುಕೊಳ್ಳುತ್ತಿದೆ.

ಒಂದೆಡೆ ಬ್ಯಾಕ್ ಟು ಬ್ಯಾಕ್​ ಚಿತ್ರಗಳು ಮತ್ತೊಂದೆಡೆ ಸ್ಟಾರ್ ನಟರುಗಳ ಸಿನಿಮಾಗಳಲ್ಲೇ ನಾಯಕಿಯ ಪಾತ್ರ ಈಗ ರಶ್ಮಿಕಾರನ್ನು ತೆಲುಗಿನಲ್ಲಿ ಟಾಪ್ ನಟಿ ಪಟ್ಟಿಯಲ್ಲಿ ತಂದು ಕೂರಿಸಿದೆ. ಇದರ ನಡುವೆ ಈ ಹಿಂದೆಯೇ ಪ್ಲ್ಯಾನ್ ಮಾಡಿಕೊಂಡಂತೆ ರಶ್ಮಿಕಾ-ನಾಗಚೈತನ್ಯ ಅಭಿನಯದ ಸಿನಿಮಾ ಕೂಡ ಸೆಟ್ಟೇರಬೇಕಿತ್ತು.

ಈ ಚಿತ್ರಕ್ಕೆ ತೆಲುಗಿನ ಖ್ಯಾತ ನಿರ್ಮಾಪಕ ದಿಲ್ ರಾಜು ಬಂಡವಾಳ ಹೂಡಲು ರೆಡಿಯಾಗಿದ್ದರು. ಚಿತ್ರದ ಕಥೆ ಸಿದ್ಧವಾಗಿದ್ದು, ಇನ್ನೇನು ಶೂಟಿಂಗ್ ಪ್ರಾರಂಭವಾಗಲಿದೆ ಎನ್ನುವಾಗಲೇ ರಶ್ಮಿಕಾ ಮಂದಣ್ಣ ಖ್ಯಾತೆ ತೆಗೆದಿದ್ದಾರೆ ಎಂದು ವರದಿಯಾಗಿದೆ.

ನಾಗಚೈತನ್ಯ ಜತೆಗಿನ ಚಿತ್ರದಲ್ಲಿ ಅಭಿನಯಿಸಲು ಇದೀಗ ರಶ್ಮಿಕಾ ಭರ್ಜರಿ ಸಂಭಾವನೆಯನ್ನು ಕೇಳಿದ್ದಾರಂತೆ. ಈ ಹಿಂದೆ ಟಾಲಿವುಡ್​ಗೆ ಕಾಲಿಟ್ಟಾಗ ದಿಲ್ ರಾಜು ಸ್ಯಾಂಡಲ್​ವುಡ್​ ನಟಿ ಕಥೆಯನ್ನು ನಿರೂಪಿಸಿದ್ದರು. ಅಲ್ಲದೆ ಈ ಚಿತ್ರದ ಬಗ್ಗೆ ಡೀಲ್ ಕುದುರಿಸಿಕೊಂಡಿದ್ದರು.

ಆದರೀಗ ರಶ್ಮಿಕಾ ಮಂದಣ್ಣ ಟಾಪ್ ನಟಿಯಾಗಿ ಮಿಂಚುತ್ತಿದ್ದಾರೆ. ಹೀಗಾಗಿ ತಮ್ಮ ಸಂಭಾವನೆಯನ್ನು ಹೆಚ್ಚಿಸಿಕೊಂಡಿದ್ದಾರೆ. ಆದರೆ ಕೊಡಗಿನ ಬೆಡಗಿ ಸದ್ಯ ಕೇಳುತ್ತಿರುವ ಸಂಭಾವನೆ ನೀಡಲು ನಿರ್ಮಾಪಕ ದಿಲ್ ರಾಜು ಸುತಾರಂ ಸಿದ್ಧರಿಲ್ಲ.

ಇದೀಗ ಚಿತ್ರದಲ್ಲಿ ಅಭಿನಯಿಸಲು ಮತ್ತೊಮ್ಮೆ ಕಥೆ ಹೇಳುವಂತೆ ರಶ್ಮಿಕಾ ಮಂದಣ್ಣ ಕೇಳಿಕೊಂಡಿದ್ದಾರೆ.

ಅಲ್ಲದೆ ಈ ಹಿಂದಿನ ಒಪ್ಪಂದಂತೆ ಸಿನಿಮಾ ಮಾಡಲು ತಯಾರಿಲ್ಲ ಎಂದೇಳಿದ್ದಾರೆ ಎಂದು ವರದಿಯಾಗಿದೆ.

ಸಂಭಾವನೆ ವಿಷಯದಲ್ಲಿ ಭಾರೀ ಬೇಡಿಕೆಯಿಟ್ಟಿರುವ ರಶ್ಮಿಕಾ ಮಂದಣ್ಣರನ್ನು ಕೈಬಿಟ್ಟು ಹೊಸ ನಟಿಯನ್ನು ಪರಿಚಯಿಸಲು ನಿರ್ಮಾಪಕ ದಿಲ್ ರಾಜು ಯೋಜನೆ ಹಾಕಿಕೊಂಡಿದ್ದಾರಂತೆ.

ಒಟ್ಟಿನಲ್ಲಿ ಸ್ಯಾಂಡಲ್​ವುಡ್​ನಲ್ಲಿ ಒಂದಷ್ಟು ವಿವಾದಕ್ಕೀಡಾದ ಕೊಡಗಿನ ಬೆಡಗಿ ಇದೀಗ ಟಾಲಿವುಡ್​ನಲ್ಲೂ ವಿವಾದದ ಕೇಂದ್ರ ಬಿಂದುವಾಗಿರುವುದು ಮಾತ್ರ ವಿಪರ್ಯಾಸ.

ರಶ್ಮಿಕಾ ಮಂದಣ್ಣ

ರಶ್ಮಿಕಾ ಮಂದಣ್ಣ

ರಶ್ಮಿಕಾ ಮಂದಣ್ಣ

ರಶ್ಮಿಕಾ ಮಂದಣ್ಣ

ರಶ್ಮಿಕಾ ಮಂದಣ್ಣ

ರಶ್ಮಿಕಾ ಮಂದಣ್ಣ

ರಶ್ಮಿಕಾ ಮಂದಣ್ಣ

ರಶ್ಮಿಕಾ ಮಂದಣ್ಣ

ರಶ್ಮಿಕಾ ಮಂದಣ್ಣ

ರಶ್ಮಿಕಾ ಮಂದಣ್ಣ

ರಶ್ಮಿಕಾ ಮಂದಣ್ಣ

ರಶ್ಮಿಕಾ ಮಂದಣ್ಣ

ರಶ್ಮಿಕಾ ಮಂದಣ್ಣ

ರಶ್ಮಿಕಾ ಮಂದಣ್ಣ

ರಶ್ಮಿಕಾ ಮಂದಣ್ಣ

ರಶ್ಮಿಕಾ ಮಂದಣ್ಣ

ರಶ್ಮಿಕಾ ಮಂದಣ್ಣ

ರಶ್ಮಿಕಾ ಮಂದಣ್ಣ