Hrithik Roshan: ಪತ್ನಿಯಿಂದ ವಿಚ್ಛೇದನ ಪಡೆದು ಒಂಟಿಯಾಗಿರುವ ಈ ಬಾಲಿವುಡ್​ ನಟಿನಿಗೆ ಒಂದು ಕಾಲದಲ್ಲಿ 30 ಸಾವಿರ ಮದುವೆ ಪ್ರಪೋಸಲ್​ ಬಂದಿತ್ತಂತೆ​..!

ಬಾಲಿವುಡ್​ ಸೂಪರ್​ ಹೀರೋ ಹೃತಿಕ್​ ರೋಷನ್​ ಅವರನ್ನು ಗ್ರೀಕ್ ದೇವತೆಗಳಿಗೆ ಹೋಲಿಸಲಾಗುತ್ತದೆ. ಅಲ್ಲದೆ ಹೃತಿಕ್​ ಯಾವ ಹಾಲಿವುಡ್​ ಹೀರೋಗೂ ಕಡಿಮೆ ಇಲ್ಲ ಎಂದೂ ಹೇಳಲಾಗುತ್ತದೆ. ಇಂತಹ ನಟನ ವೈಯಕ್ತಿಕ ಜೀವನದ ಕುರಿತಾದ ಆಸಕ್ತಿಕರ ವಿಚಾರವೊಂದು ನಿಮಗಾಗಿ.

ಕಹೋನಾ ಪ್ಯಾರ್​ ಹೈ ಸಿನಿಮಾದ ಮೂಲಕ ಬಾಲಿವುಡ್​ಗೆ ನಾಯಕನಾಗಿ ಪರಿಚಯವಾದರು ಹೃತಿಕ್ ರೋಷನ್​.

ತಂದೆ ರಾಕೇಶ್​ ರೋಷನ್​ ನಿರ್ದೇಶನದಲ್ಲಿ ಮೂಡಿ ಬಂದ ಕಹೋ ನಾ ಪ್ಯಾರ್​ ಹೈ ಸಿನಿಮಾದಿಂದಾಗಿಯೇ ಹೃತಿಕ್​ ರಾತ್ರೋರಾತ್ರಿ ಸ್ಟಾರ್​ ಪಟ್ಟಕ್ಕೇರಿದ್ದರು.

ಕಹೋ ನಾ ಪ್ಯಾರ್​ ಹೈ ಸಿನಿಮಾದ ನಂತರ ಹೃತಿಕ್​ ಅವರಿಗೆ ಬರೋಬ್ಬರಿ 30 ಸಾವಿರ ಮದುವೆ ಪ್ರಪೋಸಲ್​ ಬಂದಿತ್ತಂತೆ.

ತಮಗೆ ಬಂದಿದ್ದ ಮದುವೆ ಪ್ರಪೋಸಲ್​ ಕುರಿತಾಗಿ ಹೃತಿಕ್​ ಕಪಿಲ್​ ಶರ್ಮಾ ಅವರ ಕಾಮಿಡಿ ಶೋನಲ್ಲಿ ಈ ಹಿಂದೆ ಹೇಳಿಕೊಂಡಿದ್ದಾರೆ.

ತಮ್ಮ ಸಿನಿಮಾವೊಂದರ ಪ್ರಚಾರಕ್ಕಾಗಿ ಕಪಿಲ್ ಶರ್ಮಾರ ಕಾಮಿಡಿ ಶೋಗೆ ಬಂದಿದ್ದಾಗ ಈ ವಿಷಯ ಹೇಳಿಕೊಂಡಿದ್ದರು.

ಬಾಲ್ಯದ ಗೆಳತಿ ಸುಸೈನ್​ ಖಾನ್​ ಅವರನ್ನು ವಿವಾಹವಾಗಿ ಎರಡು ಮಕ್ಕಳಾದ ನಂತರ ಕೆಲವು ಕಾರಣಗಳಿಂದಾಗಿ ಈ ಜೋಡಿ ವಿಚ್ಛೇದನ ಪಡೆಯಿತು.

ಹೃತಿಕ್​ ರೋಷನ್​ ಅವರು ವಿಚ್ಛೇದನ ಪಡೆದ ನಂತರ ಕಂಗನಾ ಜೊತೆ ನಟನ ಹೆಸರು ತಳುಕು ಹಾಕಿಕೊಂಢಿತ್ತು. ಇವರಿಬ್ಬರ ಸಂಬಂಧದ ಬಗ್ಗೆ ಈ ಹಿಂದೆ ಸಾಕಷ್ಟು ಸಲ ಕಂಗನಾ ಸಹ ಬಹಿರಂಗವಾಗಿ ಹೇಳಿಕೆ ನೀಡಿದ್ದರು.

ಇನ್ನು ವಿಚ್ಛೇದನದ ನಂತರವೂ ಹೃತಿಕ್​ ರೋಷನ್​ ಹಾಗೂ ವಿಚ್ಛೇದಿತ ಪತ್ನಿ ಸುಸೈನ್​ ಖಾನ್ ಮಕ್ಕಳಿಗಾಗಿ ಆಗಾಗ ಭೇಟಿಯಾಗುತ್ತಿದ್ದರು. ಆದರೆ​ ಕೊರೋನಾ ಲಾಕ್​ಡೌನ್​ ವೇಳೆ ಸುಸೈನ್​ ಮಕ್ಕಳೊಂದಿಗೆ ಹೃತಿಕ್ ಜೊತೆ ಇರಲು ಬಂದಿದ್ದರು. ಈ ವಿಷಯ ಕೇಳಿದ ಕೂಡಲೇ ಹೃತಿಕ್​ ಅಭಿಮಾನಿಗಳು ಖುಷಿಯಿಂದ ಸಂಭ್ರಮಿಸಿದ್ದರು.

ಹೃತಿಕ್ ರೋಷನ್ ಸದ್ಯ ಕ್ರಿಷ್​ 4 ಹಾಗೂ ಫೈಟರ್​ ಸಿನಿಮಾದ ಕೆಲಸಗಳಲ್ಲಿ ಬ್ಯುಸಿಯಾಗಿದ್ದಾರೆ.

ಫೈಟರ್​ ಸಿನಿಮಾದಲ್ಲಿ ದೀಪಿಕಾ ಪಡುಕೋಣೆ, ಹೃತಿಕ್​ ರೋಷನ್​ಗೆ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಇತ್ತೀಚೆಗಷ್ಟೆ ಈ ಚಿತ್ರದ ಟೈಟಲ್​ ಮೋಷನ್​ ಪೋಸ್ಟರ್​ ರಿಲೀಸ್ ಆಗಿದೆ.