Tamannaah Bhatia: ಒಂದು ಡ್ಯಾನ್ಸ್​ಗೆ 5 ಕೋಟಿ! ಸಂಭಾವನೆಯಿಂದ ಸುದ್ದಿಯಾದ ತಮನ್ನಾ

ಕಳೆದ ಕೆಲವು ದಿನಗಳಿಂದ ಮಿಲ್ಕಿ ಬ್ಯೂಟಿ ತಮನ್ನಾ ಅವರ ಸಂಭಾವನೆ ವಿಚಾರ ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಚರ್ಚೆಯಾಗುತ್ತಿದೆ. ಬಾಲಯ್ಯ ಅವರ NBK108 ಸಿನಿಮಾದಲ್ಲಿ ಕೆಲಸ ಮಾಡಲು ತಮನ್ನಾ ಕೋಟಿಗಟ್ಟಲೆ ಹಣ ಕೇಳುತ್ತಿದ್ದಾರೆ ಎನ್ನಲಾಗಿತ್ತು.

ಅನಿಲ್ ರವಿಪುಡಿ ನಿರ್ದೇಶನದ ಈ ಸಿನಿಮಾ ಬಾಲಯ್ಯ ಕೆರಿಯರ್​ನಲ್ಲಿ ಪ್ರಮುಖ ಸಿನಿಮಾ ಆಗಿರಲಿದ್ದು ಇದರಲ್ಲಿ ತಮನ್ನಾ ಅವರ ಸ್ಪೆಷಲ್ ಸಾಂಗ್ ಒಂದು ಇರಲಿದೆ. ಇದಕ್ಕಾಗಿ ನಟಿ 5 ಕೋಟಿ ಸಂಭಾವನೆ ಕೇಳುತ್ತಿದ್ದಾರೆ ಎನ್ನುವ ಚರ್ಚೆ ಜೋರಾಗಿತ್ತು.

ಈ ಸುದ್ದಿ ವೈರಲ್ ಆಗುತ್ತಿದ್ದಂತೆ ನಟಿ ತಮನ್ನಾ ಭಾಟಿಯಾ ಕಮೆಂಟ್ ಮಾಡಿದ್ದಾರೆ. ಈ ಸುದ್ದಿ ಬಗ್ಗೆ ಪ್ರತಿಕ್ರಿಯಿಸಿದ್ದಾರೆ. ನನಗೆ ಅನಿಲ್ ರವಿಪುಡಿ ಸರ್ ಜೊತೆ ಕೆಲಸ ಮಾಡುವುದು ಇಷ್ಟ. ನಂದಮೂರಿ ಬಾಲಕೃಷ್ಣ ಸರ್ ಹಾಗೂ ಅನಿಲ್ ರವಿಪುಡಿ ಬಗ್ಗೆ ನನಗೆ ತುಂಬಾ ಗೌರವ ಇದೆ. ಹಾಗಾಗಿ ನನ್ನ ಕುರಿತು ಹಾಗೂ ಅವರ ಸಿನಿಮಾದ ಒಂದು ಹಾಡಿನ ಕುರಿತು ಈ ರೀತಿ ಆಧಾರ ರಹಿತ ಸುದ್ದಿ ಓದುವುದು ತುಂಬಾ ನೋವಾಗುತ್ತದೆ. ಆರೋಪಗಳನ್ನು ಮಾಡುವ ಮುನ್ನ ಸತ್ಯ ತಿಳಿದುಕೊಳ್ಳಿ ಎಂದು ಟ್ವೀಟ್ ಮಾಡಿದ್ದಾರೆ ನಟಿ.

ಅನಿಲ್ ರವಿಪುಡಿ ಅವರು ತಮ್ಮ ಮುಂಬವರು ಸಿನಿಮಾದಲ್ಲಿ ಸ್ಪೆಷಲ್ ಸಾಂಗ್ ಮಾಡಲು ತಮನ್ನಾ ಭಾಟಿಯಾ ಅವರನ್ನು ಸಂಪರ್ಕಿಸಿದ್ದಾರೆ ಎನ್ನಲಾಗಿದೆ. ನಟಿ ಸಾಂಗ್ ಮಾಡಲು ಒಪ್ಪಿಕೊಂಡಿದ್ದರೂ 5 ಕೋಟಿ ರೂ. ಸಂಭಾವನೆ ಕೇಳಿದ್ದಾರೆ. ಹಾಗಾಗಿ ನಿರ್ದೇಶಕರಿಗೆ ಬೇಸರವಾಗಿದೆ ಎನ್ನುವ ಸುದ್ದಿ ಹರಿದಾಡಿತ್ತು.

ತಮನ್ನಾ ಜೊತೆ ಒಳ್ಳೆಯ ಬಾಂಡಿಂಗ್ ಇರುವುದರಿಂದ ನಟಿ ಕೇಳಿದಷ್ಟು ನೀಡಲು ನಿರ್ಮಾಪಕರನ್ನು ನಿರ್ದೇಶಕ ಅನಿಲ್ ರವಿಪುಡಿ ಕನ್ವಿನ್ಸ್ ಮಾಡಿದ್ದಾರೆ ಎನ್ನಲಾಗಿತ್ತು. ಈ ಹಿಂದೆ ತಮನ್ನಾ ಅನಿಲ್ ರವಿಪುಡಿ ಅವರ ಎಫ್2 ಹಾಗೂ ಎಫ್​3ನಲ್ಲಿ ನಟಿಸಿದ್ದಾರೆ. ಮಹೇಶ್ ಬಾಬು ಅವರ ಸರಿಲೇರು ನೀಕೆವರು ಸಿನಿಮಾದಲ್ಲಿ ಕೂಡಾ ತಮನ್ನಾ ಸ್ಪೆಷಲ್ ಸಾಂಗ್ ಮಾಡಿದರು.

ನಟಿ ಸದ್ಯ ತಮ್ಮ ಮುಂಬರು ಸಿನಿಮಾ ಭೋಲಾ ಶಂಕರ್​ನಲ್ಲಿ ಬ್ಯುಸಿಯಾಗಿದ್ದಾರೆ. ಸ್ವಿಜರ್​ಲ್ಯಾಂಡ್​ನಲ್ಲಿ ಶೂಟಿಂಗ್​ನಲ್ಲಿ ಬ್ಯುಸಿ ಇದ್ದಾರೆ ತಮನ್ನಾ. ಚಿರಂಜೀವಿ ಜೊತೆ ರೊಮ್ಯಾಂಟಿಕ್ ಸಾಂಗ್ ಶೂಟಿಂಗ್ ಮಾಡುತ್ತಿದ್ದಾರೆ ನಟಿ.

ಮೆಹೆರ್ ರಮೇಶ್ ನಿರ್ದೇಶನದ ಭೋಲಾ ಶಂಕರ್​ನಲ್ಲಿ ಕೀರ್ತಿ ಸುರೇಶ್ ಚಿರಂಜೀವಿ ತಂಗಿ ಪಾತ್ರದಲ್ಲಿ ನಟಿಸಲಿದ್ದಾರೆ. ಆಗಸ್ಟ್​11ರಂದು ಸಿನಿಮಾ ಬಿಡುಗಡೆ ಡೇಟ್ ಫಿಕ್ಸ್ ಮಾಡಲಾಗಿದೆ.

ನಟಿ ಮಲಯಾಳಂ ಸಿನಿಮಾಗೆ ಎಂಟ್ರಿ ಕೊಡಲು ರೆಡಿಯಾಗಿದ್ದಾರೆ. ಅರ್ಜುನ್ ಗೋಪಿ ಅವರ ಬಾಂದ್ರಾ ಸಿನಿಮಾದಲ್ಲಿ ದಿಲೀಪ್ ಜೊತೆ ನಟಿಸಲಿದ್ದಾರೆ. ತಮಿಳು ಸಿನಿಮಾ ಜೈಲರ್​ನಲ್ಲಿಯೂ ನಟಿಸಿದ್ದಾರೆ.