Janhvi Kapoor-Rashmika Mandanna: ಜಾನ್ವಿ ಮೊದಲ ಸೌತ್ ಸಿನಿಮಾಗೆ ರಶ್ಮಿಕಾಗಿಂತ ಹೆಚ್ಚು ಸಂಭಾವನೆ!

ಬಾಲಿವುಡ್​ನಲ್ಲಿ ಈಗ ಬೇಡಿಕೆಯಲ್ಲಿ ಇರುವಂತಹ ಯುವ ನಟಿಯರಲ್ಲಿ ಜಾನ್ವಿ ಕಪೂರ್ ಕೂಡಾ ಒಬ್ಬರು. ಬ್ಯಾಕ್ ಟು ಬ್ಯಾಕ್ ಸಿನಿಮಾ ಮಾಡುತ್ತಾ ಬ್ಯುಸಿಯಾಗಿದ್ದಾರೆ ನಟಿ.

ಜಾನ್ವಿ ಕಪೂರ್ ಅವರು ಸೌತ್ ಸಿನಿಮಾ ಇಂಡಸ್ಟ್ರಿ ಎಂಟ್ರಿಗೆ ರೆಡಿಯಾಗಿರುವುದು ಎಲ್ಲರಿಗೂ ಗೊತ್ತು. ಆದರೆ ನಟಿ ರಶ್ಮಿಕಾಗಿಂತ ಭಾರೀ ಹೆಚ್ಚು ಸಂಭಾವನೆ ಡಿಮ್ಯಾಂಡ್ ಮಾಡಿ ಈಗ ಎಲ್ಲರ ಹುಬ್ಬೇರಿಸಿದ್ದಾರೆ.

2022 ರಲ್ಲಿ ನಟಿ ಮಿಲಿ ಮತ್ತು ಗುಡ್ ಲಕ್ ಜೆರ್ರಿ ಸಿನಿಮಾಗಳ ಮೂಲಕ ಮೆಚ್ಚುಗೆಯ ಚಪ್ಪಾಳೆ ಗಳಿಸಿದರು.

ಸಿನಿ ಪ್ರೇಕ್ಷಕರನ್ನು ಮತ್ತು ಅವರ ಅಭಿಮಾನಿಗಳನ್ನು ಮೆಚ್ಚಿಸಿದರು. ನಟಿ ದಕ್ಷಿಣ ಸಿನಿ ಇಂಡಸ್ಟ್ರಿಯಲಿ ತನ್ನ ಮೊದಲ ಸಿನಿಮಾ ಮಾಡಲು ಎಕ್ಸೈಟ್ ಆಗಿದ್ದಾರೆ.

ವರದಿಗಳ ಪ್ರಕಾರ, ಮಿಲಿ ನಟಿ ಜಾನ್ವಿ ದಕ್ಷಿಣದಲ್ಲಿ ಸಿನಿಮಾ ಮಾಡಲು ಮೂವಿ ಅನೌನ್ಸ್​ಗೆ ಕಾಯುತ್ತಿದ್ದಾರೆ. ಅದರ ಜೊತೆಗೇ ಡಿಬಟ್​ ಸಿನಿಮಾಗಾಗಿ ತಮ್ಮ ಸಂಭಾವನೆ ಹೆಚ್ಚಿಸಿದ್ದಾರೆ.

ಪುಷ್ಪ: ದಿ ರೈಸ್ ಮತ್ತು ಸೀತಾ ರಾಮಂ ಚಿತ್ರಗಳಲ್ಲಿ ಅದ್ಭುತ ಅಭಿನಯ ನೀಡಿದ ರಶ್ಮಿಕಾ ಮಂದಣ್ಣ ಮತ್ತು ಮೃಣಾಲ್ ಠಾಕೂರ್ ಅವರಿಗಿಂತ ಜಾನ್ವಿ ಹೆಚ್ಚಿನ ಮೊತ್ತಕ್ಕೆ ಬೇಡಿಕೆಯಿಟ್ಟಿದ್ದಾರೆ ಎಂದು ವರದಿಯಾಗಿದೆ.

ನ್ಯೂಸ್ 18 ರ ವರದಿಯ ಪ್ರಕಾರ, ದಕ್ಷಿಣ ಚಲನಚಿತ್ರೋದ್ಯಮದಲ್ಲಿ ಎರಡು ಪ್ರಾಜೆಕ್ಟ್​ಗಳಿಗೆ ಜಾನ್ವಿಯನ್ನು ಸಂಪರ್ಕಿಸಲಾಗಿದೆ ಎನ್ನಲಾಗಿದೆ. ಗುಡ್ ಲಕ್ ಜೆರ್ರಿ ನಟಿ ಭಾರಿ ಮೊತ್ತವನ್ನು ಶುಲ್ಕವಾಗಿ ಬೇಡಿಕೆ ಮಾಡಿದ್ದಾರೆ ಎಂಬ ಸುದ್ದಿ ಕೇಳಿ ಬಂದಿದೆ. ವರದಿಗಳ ಪ್ರಕಾರ ಜಾನ್ವಿ ಬೇಡಿಕೆ ಇಟ್ಟ ಮೊತ್ತ ರಶ್ಮಿಕಾ ಮಂದಣ್ಣ ಮತ್ತು ಮೃಣಾಲ್ ಠಾಕೂರ್ ಅವರ ಪ್ರತಿ ಸಿನಿಮಾ ಪೇಮೆಂಟ್​ಗಿಂತಲೂ ಹೆಚ್ಚು.

ಜಾನ್ವಿ ಸೌತ್ ಎಂಟ್ರಿ ಬಗ್ಗೆ ಬೋನಿ ಕಪೂರ್ ಅವರೇ ಸ್ಪಷ್ಟನೆ ಕೊಟ್ಟಿದ್ದು ಒಳ್ಳೆಯ ಸ್ಕ್ರಿಪ್ಟ್ ಸಿಕ್ಕಿದರೆ ಸೌತ್ ಸಿನಿಮಾ ಮಾಡೋದಾಗಿ ಹೇಳಿದ್ದಾರೆ.

ಇನ್ನು ನಟಿ ರಶ್ಮಿಕಾ ಮಂದಣ್ಣ ವಾರಿಸು ಸಿನಿಮಾ ಬಿಡುಗಡೆಯ ಖುಷಿಯಲ್ಲಿದ್ದಾರೆ. ಅವರ ಮಿಷನ್ ಮಜ್ನು ಸಿನಿಮಾ ರಿಲೀಸ್ ಆಗಲಿದ್ದು ಅದರೊಂದಿಗೆ ಪುಷ್ಪಾ 2 ಶೂಟಿಂಗ್ ನಡೆಯಲಿದೆ.

ನಟಿ ಜಾನ್ವಿ ಅವರು ಬಾಲಿವುಡ್​ನಲ್ಲಿ ಸಾಲು ಸಾಲು ಸಿನಿಮಾಗಳನ್ನು ಮಾಡುತ್ತಾ ಬ್ಯುಸಿಯಾಗಿದ್ದಾರೆ. ಇಂಡಸ್ಟ್ರಿಯಲ್ಲಿ ಆ್ಯಕ್ಟಿವ್ ಆಗಿ ಸಿನಿಮಾ ಮಾಡೋ ನಟಿಯರಲ್ಲಿ ಜಾನ್ವಿಯೂ ಒಬ್ಬರು.