ಸರ್ಜಾ ಕುಟುಂಬದಿಂದ ಸಿಕ್ತು ಗುಡ್​ ನ್ಯೂಸ್​..!

ಸ್ಯಾಂಡಲ್​ವುಡ್ ಯುವ ಸಾಮ್ರಾಟ್ ಚಿರು ಅಗಲಿಕೆಯಲ್ಲಿದ್ದ ಕುಟುಂಬಕ್ಕೆ ಕೆಲ ದಿನಗಳ ಹಿಂದೆ ಆಘಾತ ಕಾದಿತ್ತು. ಅದೇನೆಂದರೆ ಧ್ರುವ ಸರ್ಜಾ, ಪತ್ನಿ ಪ್ರೇರಣಾ ಹಾಗೂ ನಟಿ ಐಶ್ವರ್ಯಾ ಸರ್ಜಾಗೆ ಕೊರೋನಾ ಸೋಂಕು ತಗುಲಿರುವ ವಿಷಯ ಬಹಿರಂಗವಾಗಿತ್ತು.

ಜುಲೈ15ರಂದು ಟ್ವೀಟ್​ ಮಾಡಿದ್ದ ಧ್ರುವ ಸರ್ಜಾ , ತಮಗೆ ಕೊರೋನಾ ವೈರಸ್​ ಇರುವುದನ್ನು ಖಚಿತಪಡಿಸಿದ್ದರು. ಕೊರೋನಾ ಲಕ್ಷಣಗಳು ಇದ್ದಿದ್ದರಿಂದ ನಾವು ಪರೀಕ್ಷೆಗೆ ಒಳಪಟ್ಟಿದ್ದೆವು. ಈ ವೇಳೆ ಕೊರೋನಾ ಪಾಸಿಟಿವ್​ ಬಂದಿದೆ. ಹೀಗಾಗಿ ಆಸ್ಪತ್ರೆಗೆ ದಾಖಲಾಗಿದ್ದೇವೆ. ನಾವು ಬೇಗ ಗುಣಮುಖರಾಗುತ್ತೇವೆ ಎನ್ನುವ ನಂಬಿಕೆ ಇದೆ. ನಮ್ಮ ಜೊತೆ ಸಂಪರ್ಕಕ್ಕೆ ಬಂದವರು ಕೊರೋನಾ ಟೆಸ್ಟ್​ ಮಾಡಿಸಿ ಮನೆಯಲ್ಲೇ ಇರಿ," ಎಂದು ಧ್ರುವ ಕೋರಿದ್ದರು.

ಆದರೆ ಅದೃಷ್ಟವಶಾತ್ ಅಣ್ಣನ ದಯೆಯಿಂದ ನಾವಿಬ್ಬರೂ ಕೊರೋನಾ ಮುಕ್ತರಾಗಿದ್ದೇವೆ ಎಂದು ಇತ್ತೀಚೆಗೆ ಆ್ಯಕ್ಷನ್ ಪ್ರಿನ್ಸ್ ತಿಳಿಸಿದ್ದರು. ಆದರೆ ಅತ್ತ ಅರ್ಜುನ್ ಸರ್ಜಾ ಪುತ್ರಿ ಮಾತ್ರ ಕ್ವಾರಂಟೈನ್​ನಲ್ಲಿ ಮುಂದುವರೆದಿದ್ದರು.

ಹೀಗಾಗಿ ಎಲ್ಲೋ ಕುಟುಂಬದ ಭಯ ಹಾಗೆಯೇ ಉಳಿದಿತ್ತು. ಏಕೆಂದರೆ ಸರ್ಜಾ ಕುಟುಂಬದ ಕುಡಿಗಳಿಗೆ ಕೊರೋನಾ ಸೋಂಕು ತಗುಲಲು ಮುಖ್ಯ ಕಾರಣ ಚಿರಂಜೀವಿ ಅಂತ್ಯಕ್ರಿಯೆ ವೇಳೆ ಸೇರಿದ ಜನಜಂಗುಲಿ ಎನ್ನಲಾಗಿತ್ತು.

ಹೀಗಾಗಿ ನನ್ನ ಸಂಪರ್ಕಕ್ಕೆ ಬಂದವರು ಟೆಸ್ಟ್​​ ಮಾಡಿಸಿಕೊಳ್ಳಿ ಮತ್ತು ಮನೆಯಲ್ಲೇ ಇರಿ ಎಂದು ಐಶ್ವರ್ಯಾ ಸರ್ಜಾ ಎಲ್ಲರನ್ನು ಕೋರಿದ್ದರು. ಇದೀಗ ಅರ್ಜುನ್ ಸರ್ಜಾ ಪುತ್ರಿ ಕೂಡ ಕೊರೋನಾ ಮುಕ್ತರಾಗಿರುವುದಾಗಿ ತಿಳಿಸಿದ್ದಾರೆ.

ದೇವರ ಅನುಗ್ರಹದಿಂದ ನಾನು ಈಗ COVID-19 ಪರೀಕ್ಷೆಯಲ್ಲಿ ನೆಗೆಟಿವ್ ರಿಸಲ್ಟ್ ಬಂದಿದ್ದು, ನಿಮ್ಮಲ್ಲರ ಪ್ರಾರ್ಥನೆಗೆ ತುಂಬಾ ಧನ್ಯವಾದಗಳು ಎಂದು ತಿಳಿಸಿದ್ದಾರೆ ಐಶ್ವರ್ಯಾ ಸರ್ಜಾ.

ಅಷ್ಟೇ ಅಲ್ಲದೆ ಎಲ್ಲರೂ ಕೂಡ ಈ ಮಹಾಮಾರಿ ಬಗ್ಗೆ ಎಚ್ಚರದಿಂದ ಇರಬೇಕೆಂದು ಕೋರಿರುವ ಐಶ್ವರ್ಯಾ ಸರ್ಜಾ, ಎಲ್ಲರೂ ಆರೋಗ್ಯದ ಕಡೆ ಹೆಚ್ಚಿನ ಗಮನ ಹರಿಸಿ ಎಂದಿದ್ದಾರೆ. ಅಲ್ಲಿಗೆ ಕೆಲ ದಿನಗಳಿಂದ ಆವರಿಸಿದ ಸರ್ಜಾ ಕುಟುಂಬದ ಆತಂಕಕ್ಕೆ ಕೊನೆಗೂ ಮುಕ್ತಿ ಸಿಕ್ಕಂತಾಗಿದೆ.

ಐಶ್ವರ್ಯಾ ಸರ್ಜಾ

ಐಶ್ವರ್ಯಾ ಸರ್ಜಾ

ಐಶ್ವರ್ಯಾ ಸರ್ಜಾ

ಐಶ್ವರ್ಯಾ ಸರ್ಜಾ

ಐಶ್ವರ್ಯಾ ಸರ್ಜಾ

ಐಶ್ವರ್ಯಾ ಸರ್ಜಾ

ನಟಿ ಐಶ್ವರ್ಯಾ ಸರ್ಜಾ

ನಟಿ ಐಶ್ವರ್ಯಾ ಸರ್ಜಾ

ನಟಿ ಐಶ್ವರ್ಯಾ ಸರ್ಜಾ

ನಟಿ ಐಶ್ವರ್ಯಾ ಸರ್ಜಾ

ನಟಿ ಐಶ್ವರ್ಯಾ ಸರ್ಜಾ

ನಟಿ ಐಶ್ವರ್ಯಾ ಸರ್ಜಾ

ನಟಿ ಐಶ್ವರ್ಯಾ ಸರ್ಜಾ

ಐಶ್ವರ್ಯಾ ಸರ್ಜಾ

ಐಶ್ವರ್ಯಾ ಸರ್ಜಾ

ಐಶ್ವರ್ಯಾ ಸರ್ಜಾ