Dhoomam: ಫಹಾದ್-ಅಪರ್ಣಾ ಜೊತೆ ಪವನ್ ಕುಮಾರ್ ಸಿನಿಮಾ ಧೂಮಂ ಶುರು!

ಡೈರೆಕ್ಟರ್ ಪವನ್ ಕುಮಾರ್ ಅವರು ಮಾಲಿವುಡ್ ಸ್ಟಾರ್​​ಗಳಾದ ಫಹಾದ್ ಹಾಗೂ ಅಪರ್ಣಾ ಬಾಲಮುರಳಿ ಅವರ ಜೊತೆ ಕೆಲಸ ಮಾಡಲಿದ್ದು ಧೂಮಂ ಸಿನಿಮಾದ ಮುಹೂರ್ತ ನೆರವೇರಿದೆ.

ಫಹಾದ್ ಧೂಮಮ್‌ಗಾಗಿ ಹೊಂಬಾಳೆ ಫಿಲಂಸ್‌ನೊಂದಿಗೆ ಕೈ ಜೋಡಿಸಲು ಸಿದ್ಧರಾಗಿದ್ದಾರೆ. ಶ್ರದ್ಧಾ ಶ್ರೀನಾಥ್ ನೇತೃತ್ವದ ಯು ಟರ್ನ್ ಮತ್ತು ಸತೀಶ್ ನೀನಾಸಂ ಅವರ ಲೂಸಿಯಾ ಚಿತ್ರಗಳ ನಿರ್ದೇಶನಕ್ಕೆ ಹೆಸರುವಾಸಿಯಾದ ಪವನ್ ಕುಮಾರ್ ಈ ಚಿತ್ರವನ್ನು ನಿರ್ದೇಶಿಸಲಿದ್ದಾರೆ.

ಅಕ್ಟೋಬರ್ 9 ರಂದು ಸೆಟ್ಟೇರಲಿದೆ. ಅಕ್ಟೋಬರ್ 9, 2022 ರಿಂದ ಧೂಮಂ ಶುರುವಾಗಲಿದೆ. ಎಂಡ್ ಗೇಮ್ 2023 ಬೇಸಿಗೆಯಲ್ಲಿ ಪ್ರಾರಂಭವಾಗುತ್ತದೆ ಎಂದು ಹೊಂಬಾಳೆ ಫಿಲ್ಮ್ಸ್ ಟ್ವೀಟ್ ಮಾಡಿತ್ತು.

ಅದರಂತೆಯೇ ಈಗ ಸಿನಿಮಾ ಸೆಟ್ಟೇರಿದ್ದು ಅಪರ್ಣಾ ಅವರು ಫೋಟೋಗಳನ್ನು ಇನ್​ಸ್ಟಾಗ್ರಾಮ್​ನಲ್ಲಿ ಶೇರ್ ಮಾಡಿದ್ದಾರೆ.

ಚಿತ್ರದ ಶೂಟಿಂಗ್ ಅಕ್ಟೋಬರ್ 9 ರಂದು ಪ್ರಾರಂಭವಾಗಲಿದ್ದು, ಮಲಯಾಳಂ, ಕನ್ನಡ, ತಮಿಳು ಮತ್ತು ತೆಲುಗು 4 ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ.

ಮಲಯಾಳಂ ಫಿಲ್ಮ್ ಇಂಡಸ್ಟ್ರಿಯಲ್ಲಿ ಹೊಂಬಾಳೆ ಫಿಲ್ಮ್ಸ್ ನಿರ್ಮಾಣ ಸಂಸ್ಥೆ ಧೂಮಂ ಎರಡನೇ ಸಿನಿಮಾ ಮಾಡುತ್ತಿದೆ. ಧೂಮಂ ಚಿತ್ರದ ಪ್ರಮಾಣ ಮತ್ತು ವ್ಯಾಪ್ತಿ ದೊಡ್ಡದಾಗಲಿದೆ. ಈ ಚಿತ್ರವು ಟಾಪ್ ನಟರು ಮತ್ತು ತಂತ್ರಜ್ಞರನ್ನು ಒಳಗೊಂಡಿರುತ್ತದೆ, ಅದರ ವಿವರಗಳು ಶೀಘ್ರದಲ್ಲೇ ಬಹಿರಂಗಗೊಳ್ಳಲಿವೆ.

ಫಸ್ಟ್ ಲುಕ್ ಬಿಡುಗಡೆಗೊಳಿಸಿ ಮಾತನಾಡಿದ ನಿರ್ಮಾಪಕ ವಿಜಯ್ ಕಿರಗಂದೂರು, 'ಧೂಮಂ ಹೊಸ ಪರಿಕಲ್ಪನೆಯನ್ನು ಆಧರಿಸಿದೆ. ನಾವು ಹೊಸ ಪಾತ್ರದಲ್ಲಿ ಫಹಾದ್ ಅವರನ್ನು ನೋಡಲಿದ್ದೇವೆ ಮತ್ತು ವೀಕ್ಷಿಸಲಿದ್ದೇವೆ ಎಂದು ತಿಳಿಸಲಾಗಿದೆ.