Actor Dhanush: ಮಾಲಿವುಡ್ ನಟಿ ಜೊತೆ ಧನುಷ್ ಮದುವೆ! ತಮಿಳು ನಟ ಹೇಳಿದ್ದಿಷ್ಟು

ಸೌತ್ ನಟ ಧನುಷ್ ಅವರು 18 ವರ್ಷದ ದಾಂಪತ್ಯ ಜೀವನ ಕೊನೆಗೊಳಿಸಿ ಪತ್ನಿ ಐಶ್ವರ್ಯಾ ರಜನೀಕಾಂತ್ ಅವರಿಗೆ ವಿಚ್ಛೇದನೆ ಕೊಟ್ಟಿದ್ದಾರೆ. ಐಶ್ವರ್ಯಾ ತಲೈವಾ ರಜನೀಕಾಂತ್ ಅವರ ಪುತ್ರಿ. ಈ ದಂಪತಿಗೆ ಇಬ್ಬರು ಮಕ್ಕಳೂ ಇದ್ದಾರೆ.

ಧನುಷ್ ವಿಚ್ಛೇದನೆ ಸುದ್ದಿ ವೈರಲ್ ಆಗಿತ್ತು. ಆದರೆ ನಟ ಈ ಬೆಳವಣಿಗೆ ಬಗ್ಗೆ ಪ್ರತಿಕ್ರಿಯಿಸಿರಲಿಲ್ಲ. ಎಲ್ಲವನ್ನೂ ಕೂಲ್ ಆಗಿ ತೆಗೆದುಕೊಂಡರು. ಇದೀಗ ನಟ ಮತ್ತೊಂದು ಮದುವೆಯ ಸಿದ್ಧತೆಯಲ್ಲಿದ್ದಾರೆ ಎನ್ನುವ ಸುದ್ದಿ ಹೊರಬಿದ್ದಿದೆ.

ತಮಿಳು ನಟ ಬಹುಭಾಷಾ ನಟಿಯ ಕೈ ಹಿಡಿಯುತ್ತಾರಾ? ಮಾಲಿವುಡ್ ಚೆಲುವೆ ಜೊತೆ ಧನುಷ್ ಮದುವೆ ನಡೆಯಲಿದೆ ಎನ್ನುವ ಸುದ್ದಿ ಸದ್ಯ ತಮಿಳು ಚಿತ್ರರಂಗದ ವಲಯದಲ್ಲಿ ಕೇಳಿ ಬರುತ್ತಿದೆ. ಈ ಮದುವೆ ಸುದ್ದಿ ವೈರಲ್ ಆಗಿದೆ.

ಕಾಲಿವುಡ್ ನಟ ಬೈಲ್ವಾನ್ ರಂಗನಾಥನ್ ಅವರು ಧನುಷ್ ಅವರ ಮದುವೆ ಬಗ್ಗೆ ಮಾತನಾಡಿ ಸುದ್ದಿಯಾಗಿದ್ದಾರೆ. ಸೌತ್ ಸ್ಟಾರ್ ನಟ ಶೀಘ್ರ ಎರಡನೇ ಮದುವೆಯಾಗುತ್ತಾರೆ ಎಂದಿದ್ದಾರೆ ರಂಗನಾಥನ್.

ಯೂಟ್ಯೂಬ್ ಚಾನೆಲ್ ಒಂದಕ್ಕೆ ಸಂದರ್ಶನ ನೀಡುವಾಗ ನಟ ಈ ಸುದ್ದಿ ರಿವೀಲ್ ಮಾಡಿದ್ದಾರೆ. ಮಲಯಾಳಂ ನಟಿ ಮೀನಾ ಅವರೇ ವಧು ಎಂದಿದ್ದಾರೆ ರಂಗನಾಥನ್. ಅವರನ್ನೇ ಧನುಷ್ ಮದುವೆಯಾಗುತ್ತಾರಂತೆ.

ನಟಿ ಮೀನಾ ಪತಿ ಕೆಲವು ತಿಂಗಳ ಹಿಂದೆ ಮೃತಪಟ್ಟಿದ್ದಾರೆ. ಮೀನಾ ಮಗಳೊಂದಿಗೆ ಒಂಟಿಯಾಗಿ ಜೀವನ ನಡೆಸುತ್ತಿದ್ದಾರೆ. ಮುಂಬವರು ಜುಲೈನಲ್ಲಿ ಧನುಷ್ ಹಾಗೂ ಮೀನಾ ಮದುವೆಯಾಗಲಿದ್ದಾರೆ ಎಂದು ಹೇಳಲಾಗಿದೆ.

ಇಬ್ಬರು ಕೂಡಾ ಒಂಟಿಯಾಗಿದ್ದು ಅವರು ಒಟ್ಟಾಗುವ ಸಾಧ್ಯತೆ ಇದೆ ಎಂದಿದ್ದಾರೆ ರಂಗನಾಥನ್. ಜುಲೈನಲ್ಲಿ ಈ ಎರಡು ಸೆಲೆಬ್ರಿಟಿಗಳು ಮದುವೆಯಾಗುತ್ತಾರೆ ಎಂದು ಅವರು ಹೇಳಿದ್ದಾರೆ.