Actor Dhanush: ಐಷಾರಾಮಿ ಮನೆಯನ್ನು ಪೋಷಕರಿಗೆ ಗಿಫ್ಟ್​ ನೀಡಿದ ನಟ ಧನುಷ್​; ಫೋಟೋಸ್​ ವೈರಲ್​

ನಟ ಧನುಷ್ ಇತ್ತೀಚಿಗೆ ಬಿಡುಗಡೆಯಾದ 'ವಾತಿ' ಸಿನಿಮಾ ಪ್ರಚಾರದಲ್ಲಿ ಬ್ಯುಸಿ ಆಗಿದ್ದಾರೆ. ಫೆಬ್ರವರಿ 17 ರಂದು ವಾತಿ ಸಿನಿಮಾ ತೆರೆಕಂಡಿದ್ದು, ಭರ್ಜರಿ ಪ್ರದರ್ಶನ ಕಾಣ್ತಿದೆ. ಬಾಕ್ಸ್ ಆಫೀಸ್ನಲ್ಲಿ 20 ಕೋಟಿ ಗಳಿಸುವಲ್ಲಿ ಯಶಸ್ವಿಯಾಗಿದೆ. ವಾತಿ ಸಿನಿಮಾ ಭರ್ಜರಿ ಪ್ರದರ್ಶನ ಕಾಣ್ತಿದ್ದಂತೆ ನಟ ಧನುಷ್ ಹೊಸ ಮನೆಯ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ಧನುಷ್ ತನ್ನ ಪೋಷಕರಿಗೆ ಚೆನ್ನೈನಲ್ಲಿ ಹೊಸ ಮನೆಯನ್ನು ಉಡುಗೊರೆಯಾಗಿ ನೀಡಿದ್ದಾರೆ ಎನ್ನುವ ಸುದ್ದಿ ಹರಿದಾಡುತ್ತಿದೆ. ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡ್ತಿರುವ ಫೋಟೋದಲ್ಲಿ ನಟ ಧನುಷ್ ಹಾಗೂ ಅವರ ತಂದೆ-ತಾಯಿಯನ್ನು ಕಾಣಬಹುದಾಗಿದೆ. ಕುಟುಂಬ ಸಮೇತ ನಟ ಧನುಷ್ ಇತ್ತೀಚೆಗೆ ಚೆನ್ನೈನ ಪೋಯಸ್ ಗಾರ್ಡನ್​ನಲ್ಲಿ ನಿರ್ಮಿಸಲಾಗಿರುವ ತಮ್ಮ ಹೊಸ ಮನೆಗೆ ಸ್ಥಳಾಂತರಗೊಂಡಿದ್ದಾರೆ.

ನಿರ್ದೇಶಕ ಸುಬ್ರಮಣ್ಯಂ ಶಿವ ಅವರು ಧನುಷ್ ಪೋಷಕರಾದ ಕಸ್ತೂರಿ ರಾಜ ಮತ್ತು ವಿಜಯಲಕ್ಷ್ಮಿ ಅವರೊಂದಿಗೆ ಐಷಾರಾಮಿ ಮನೆಯ ಕೆಲವು ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಫೋಟೋದಲ್ಲಿ ಕುರ್ತಾ ಧರಿಸಿದ ಧನುಷ್ ಮಿಂಚುತ್ತಿದ್ದಾರೆ.

ಫೋಟೋಗಳನ್ನು ಶೇರ್ ಮಾಡಿದ ಸುಬ್ರಮಣ್ಯಂ ಶಿವ, 'ನನ್ನ ಕಿರಿಯ ಸಹೋದರ ಧನುಷ್ ಅವರ ಹೊಸ ಮನೆ ನನಗೆ ದೇವಸ್ಥಾನದಂತಹ ಭಾವನೆ ಮೂಡಿಸಿದೆ ಎಂದು ಬರೆದುಕೊಂಡಿದ್ದಾರೆ. ಧನುಷ್ ತಮ್ಮ ತನ್ನ ಹೆತ್ತವರಿಗೆ ಸ್ವರ್ಗೀಯ ಐಷಾರಾಮಿ ಮನೆಯನ್ನು ಗಿಫ್ಟ್ ಆಗಿ ನೀಡಿದ್ದಾನೆ ಎಂದು ಬರೆದುಕೊಂಡಿದ್ದಾರೆ.

ಧನುಷ್ ಮತ್ತಷ್ಟು ಸಾಧನೆ ಮಾಡಲಿ, ಹೆಚ್ಚಿನ ಯಶಸ್ಸುಗಳಿಸಲಿ ಹಾಗೂ ತಂದೆ-ತಾಯಿಯನ್ನು ದೇವರಂತೆ ಗೌರವಿಸುವ ಧನುಷ್ ಯುವಪೀಳಿಗೆಗೆ ಸ್ಫೂರ್ತಿಯಾಗಲಿ ಎಂದು ನಿರ್ದೇಶಕ ಸುಬ್ರಮಣ್ಯಂ ಶಿವ ಬರೆದುಕೊಂಡಿದ್ದಾರೆ.

ಹೊಸ ಮನೆಗೆ ಶಿಫ್ಟ್ ಆಗುವ ಮುನ್ನ ಕೂಡ ಧನುಷ್ ಐಷಾರಾಮಿ ಬಂಗಲೆಯಲ್ಲಿ ವಾಸಿಸುತ್ತಿದ್ದರು. ಬಹುತೇಕ ಕಾಲಿವುಡ್ ಸ್ಟಾರ್​ಗಳು ಇರುವ ನಗರಗಳಲ್ಲಿ ಒಂದಾದ ಅಲ್ವಾರ್ಪೇಟ್ನಲ್ಲಿ ಐಷಾರಾಮಿ ಮನೆಯಲ್ಲಿ ಹೊಂದಿದ್ದರು. ಇಷ್ಟು ದಿನ ಧನುಷ್ ಅಲ್ಲೇ ವಾಸವಾಗಿದ್ರು.

ಹಿಂದೇ ಐಶ್ವರ್ಯಾ ರಜನಿಕಾಂತ್ ಹಾಗೂ ಧನುಷ್ ಈ ಮನೆಯನ್ನು ಖರೀಸಿದ್ದರು. ಅನೇಕ ವರ್ಷಗಳ ಕಾಲ ಧನುಷ್ ಹಾಗೂ ಐಶ್ವರ್ಯಾ ಇಬ್ಬರೂ ತಮ್ಮ ಮಕ್ಕಳಾದ ಲಿಂಗರಾಜ ಮತ್ತು ಯಾತ್ರರಾಜರೊಂದಿಗೆ ಈ ಭವ್ಯವಾದ ಮನೆಯಲ್ಲಿ ವಾಸಿಸುತ್ತಿದ್ದರು. ಧನುಷ್ ಹಿಂದೆ ಪೂಜೆ ಫೋಟೋಗಳನ್ನು ಹಂಚಿಕೊಂಡಿದ್ರು.

ಧನುಷ್ ತಮ್ಮ ಮುಂದಿನ ಚಿತ್ರಕ್ಕಾಗಿ ಅರುಣ್ ಮಾಥೇಶ್ವರನ್ ಅವರೊಂದಿಗೆ 'ಕ್ಯಾಪ್ಟನ್ ಮಿಲ್ಲರ್' ಚಿತ್ರಕ್ಕಾಗಿ ಶೂಟಿಂಗ್​​ನಲ್ಲಿ ಬ್ಯುಸಿ ಆಗಿದ್ದಾರೆ. ಚಿತ್ರದಲ್ಲಿ ಧನುಷ್, ಪ್ರಿಯಾಂಕಾ ಅರುಲ್ ಮೋಹನ್ ಮತ್ತು ಶಿವರಾಜ್ ಕುಮಾರ್ ನಟಿಸಿದ್ದಾರೆ. ಟಾಲಿವುಡ್​ನ ಖ್ಯಾತ ನಿರ್ದೇಶಕ ಶೇಖರ್ ಕಮ್ಮುಲ ಅವರ ಮುಂದಿನ ಚಿತ್ರಕ್ಕೂ ಧನುಷ್ ಸಹಿ ಹಾಕಿದ್ದಾರೆ. ಅವರು ತಮ್ಮ ಹೆಸರಿಡದ ಚಿತ್ರ 'ಡಿ 50' ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.