Dhanush Aishwarya: ಇದು ಮಾಮೂಲಿ ಗಂಡ-ಹೆಂಡತಿ ಜಗಳ ಅಷ್ಟೇ ಎಂದ ಧನುಷ್ ತಂದೆ. ಮತ್ತೆ ಒಂದಾಗುತ್ತಾ ಜೋಡಿ?

ಎರಡು ದಿನಗಳ ಹಿಂದೆ, ಕಾಲಿವುಡ್ ಹೀರೋ ಧನುಷ್ ಮತ್ತು ಅವರ ಪತ್ನಿ, ರಜನಿಕಾಂತ್ ಅವರ ಹಿರಿಯ ಮಗಳು ಐಶ್ವರ್ಯಾ ತಮ್ಮ ವಿಚ್ಛೇದನವನ್ನು ಘೋಷಿಸಿದರು. ಧನುಷ್, ಐಶ್ವರ್ಯಾ ತಮ್ಮ 18 ವರ್ಷಗಳ ದಾಂಪತ್ಯ ಜೀವನಕ್ಕೆ ಅಂತ್ಯ ಹಾಡಲು ನಿರ್ಧರಿಸಿದ್ದು ಸಿನಿಪ್ರೇಮಿಗಳು ಹಾಗೂ ಜನಸಾಮಾನ್ಯರಿಗೆ ಶಾಕ್ ನೀಡಿದೆ. ಎರಡು ದಿನಗಳ ಹಿಂದೆ ಜಂಟಿ ಹೇಳಿಕೆಯ ಮೂಲಕ ತಾವು ದೂರ ಆಗುತ್ತಿರುವುದಾಗಿ ಹೇಳಿದ್ದಾರೆ.

ಆದರೆ ಇಂದು ಧನುಷ್ ಅವರ ತಂದೆ, ತಮಿಳು ಚಲನಚಿತ್ರ ನಿರ್ಮಾಪಕ ಕಸ್ತೂರಿ ರಾಜಾ ಅವರು ತಮ್ಮ ಮಗನ ವಿಚ್ಛೇದನದ ಬಗ್ಗೆ ಕೆಲವು ಆಸಕ್ತಿದಾಯಕ ಹೇಳಿಕೆಯನ್ನು ಕೊಟ್ಟಿದ್ದಾರೆ. ಧನುಷ್ ಮತ್ತು ಐಶ್ವರ್ಯಾ ಅಗಲಿಕೆ ಕೇವಲ ಕೌಟುಂಬಿಕ ಕಲಹ ಅಷ್ಟೇ ಎಂದಿದ್ದಾರೆ.

2004 ರಲ್ಲಿ ವಿವಾಹವಾಗಿದ್ದ ಧನುಷ್ ಮತ್ತು ಐಶ್ವರ್ಯಾ 2 ದಿನಗಳ ಹಿಂದೆಯಷ್ಟೇ ತಮ್ಮ ಡಿವೋರ್ಸ್ ಬಗ್ಗೆ ಜಂಟಿ ಹೇಳಿಕೆ ಪ್ರಕಟಿಸಿದ್ದಾರೆ. ದಂಪತಿಯ ವಿಚ್ಛೇದನದ ನಿರ್ಧಾರದ ಬಗ್ಗೆ ಧನುಷ್ ತಂದೆ , ತಮಿಳು ನಿರ್ದೇಶಕ ಕಸ್ತೂರಿ ರಾಜಾ ಪ್ರತಿಕ್ರಿಯಿಸಿದ್ದಾರೆ.

ತಮಿಳು ನಿಯತಕಾಲಿಕವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಅವರು ಈ ವಿಷಯದ ಬಗ್ಗೆ ಅಚ್ಚರಿಯ ಹೇಳಿಕೆ ನೀಡಿದ್ದಾರೆ. ಭಿನ್ನಾಭಿಪ್ರಾಯಗಳಿಂದಾಗಿ ಧನುಷ್ ಮತ್ತು ಐಶ್ವರ್ಯಾ ಮಧ್ಯೆ ಬಿರುಕು ಮೂಡಿದೆ.

ಇದು ಸಾಮಾನ್ಯವಾಗಿ ದಂಪತಿಗಳ ನಡುವೆ ನಡೆಯುವ ಕೌಟುಂಬಿಕ ಕಲಹ ಮಾತ್ರ ಎಂದರು. ಇದು ವಿಚ್ಛೇದನವಲ್ಲ ಎಂದು ಕಸ್ತೂರಿ ರಾಜಾ ಹೇಳಿದ್ದಾರೆ. ಧನುಷ್ ಮತ್ತು ಐಶ್ವರ್ಯಾ ಸದ್ಯ ಚೆನ್ನೈನಲ್ಲಿಲ್ಲ... ಇಬ್ಬರೂ ಹೈದರಾಬಾದ್ನಲ್ಲಿದ್ದಾರೆ.

ಇಬ್ಬರ ಬಳಿಯೂ ದೂರವಾಣಿಯಲ್ಲಿ ಮಾತನಾಡಿ ಕೆಲವು ಸಲಹೆಗಳನ್ನು ನೀಡಿದ್ದೇನೆ ಎಂದು ಕಸ್ತೂರಿ ರಾಜ ಹೇಳಿದರು. ಧನುಷ್ ತಂದೆ ನೀಡಿರುವ ಹೇಳಿಕೆಯಿಂದ ಇರಿಬ್ಬರು ಮತ್ತೆ ಒಂದಾಗುತ್ತಾರಾ? ಮನೆಯ ಹಿರಿಯರು ಅವರೊಂದಿಗೆ ಮಾತನಾಡಿ ಜೋಡಿಯನ್ನು ಒಂದಾಗಿಸುತ್ತಾರಾ ಎಂಬ ಕುತೂಹಲ ಮೂಡಿದೆ.