Rathnan Prapancha: ಕೈಯಲ್ಲಿ ಮಲ್ಲಿಗೆ ಹೂವು, ಪೆಪ್ಪರ್​ಮಿಂಟ್​ ಹಿಡಿದು ರತ್ನನ್​ಪ್ರಪಂಚಕ್ಕೆ ಕಾಲಿಟ್ಟ ಧನಂಜಯ್​..!

ವರಮಹಾಲಕ್ಷ್ಮಿ ಹಬ್ಬದಂದು ಡಾಲಿ ಧನಂಜಯ್​ ಕೈಯಲ್ಲಿ ಮಲ್ಲಿಗೆ ಹೂ ಹಾಗೂ ಪೆಪ್ಪರ್​ಮಿಂಟ್​ ಹಿಡಿದು ಹೊರಟಿದ್ದಾರೆ.

ಹೌದು, ಇದು ಡಾಲಿ ಧನಂಜಯ್​ ಅಭಿನಯಿಸುತ್ತಿರುವ ಹೊಸ ಸಿನಿಮಾ ರತ್ನನ್​ಪ್ರಪಂಚದ ಪೋಸ್ಟರ್​.

ಅಭಿಮಾನಿಗಳಿಗಾಗಿ ಹಬ್ಬದಂದು ಈ ಸಿನಿಮಾದ ಪೋಸ್ಟರ್​ ಜೊತೆಗೆ, ಚಿತ್ರದ ಕುರಿತಾದ ಮಾಹಿತಿ ಸಹ ನೀಡಿದ್ದಾರೆ.

ರತ್ನನ್​ಪ್ರಪಂಚ ಸಿನಿಮಾವನ್ನು ರೋಹಿತ್​ ಪಡಕಿ ನಿರ್ದೇಶನಮಾಡುತ್ತಿದ್ದಾರೆ.

ಅಜನೀಶ್​ ಲೋಕ್​ನಾಥ್​ ಸಂಗೀತ ನೀಡಲಿರುವ ಈ ಸಿನಿಮಾವನ್ನು ಕಾರ್ತಿಕ್ ಗೌಡ ಹಾಗೂ ಯೋಗಿ ಜಿ ರಾಜ್​ ನಿರ್ಮಿಸಲಿದ್ದಾರೆ.

ರತ್ನಾಕರನ ಪಾತ್ರದಲ್ಲಿ ಧನಂಜಯ್​ ಕಾಣಿಸಿಕೊಳ್ಳಲಿದ್ದಾರೆ.

ಕೆ.ಆರ್​.ಜಿ. ಸ್ಟುಡಿಯೋಸ್​ನ ಮೊದಲ ಸಿನಿಮಾ ಇದಾಗಿದೆ.

ಈ ಸಿನಿಮಾದಲ್ಲಿ ರಚಿತಾ ರಾಮ್​ ನಾಯಕಿಯಾಗಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಆದರೆ ಈ ಬಗ್ಗೆ ಚಿತ್ರತಂಡ ಯಾವುದೇ ಅಧಿಕೃತ ಮಾಹಿತಿ ನೀಡಿಲ್ಲ.

ಕೈಯಲ್ಲಿ ಹೂ ಹಾಗೂ ಪೆಪ್ಪರ್ ಮಿಂಟ್​ ಹಿಡಿದು, ಏನನ್ನೋ ಯೋಚಿಸುತ್ತಾ ನಗುತ್ತಾ ಜನಜಂಗುಳಿ ಇರುವ ರಸ್ತೆಯಲ್ಲಿ ನಾಯಕ ಹೋಗುತ್ತಿರುವುದನ್ನು ನೋಡಿದರೆ, ಇದು ಕೌಟುಂಬಿಕ ಕಥಾಹಂದರ ಇರುವ ಚಿತ್ರ ಎಂದು ಹೇಳಬಹುದಾಗಿದೆ.

ಇದರ ಹೊರತಾಗಿ ಧನಂಜಯ್​, ಶಿವರಾಜ್​ಕುಮಾರ್​ ಜೊತೆ ಹೊಸ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.