Deepika Padukone-Pathaan: ಮುಖ ಮುಚ್ಚಿಕೊಂಡು ಪಠಾಣ್ ಸಿನಿಮಾಗೆ ಬಂದ ದೀಪಿಕಾ

ನಟಿ ದೀಪಿಕಾ ಪಡುಕೋಣೆ ಇತ್ತೀಚೆಗೆ ಕದ್ದುಮುಚ್ಚಿ ಪಠಾಣ್ ಸಿನಿಮಾ ನೋಡಿದ ಘಟನೆ ನಡೆದಿದೆ. ಸಿಂಗಲ್ ಸ್ಕ್ರೀನ್ ಥಿಯೇಟರ್​ಗೆ ಭೇಟಿ ಕೊಟ್ಟ ಪಠಾಣ್ ನಟಿ ಕಂಪ್ಲೀಟ್ ಆಗಿ ಗುರುತು ಸಿಗದೇ ಇರುವ ರೀತಿ ಚಿತ್ರಮಂದಿರಕ್ಕೆ ಬಂದಿದ್ದರು.

ಈ ಘಟನೆಯ ವಿಡಿಯೋಗಳನ್ನು ಆನ್​ಲೈನ್​ನಲ್ಲಿ ವೈರಲ್ ಆಗಿದ್ದು ನಟಿ ಬ್ಲಾಕ್ ಕಲರ್ ಹೂಡಿಯನ್ನು ಧರಿಸಿದ್ದರು. ಬ್ಲಾಕ್ ಕ್ಯಾಪ್ ಹಾಗೂ ಬ್ಲಾಕ್ ಮಾಸ್ಕ್ ಕೂಡಾ ಧರಿಸಿದ್ದರು. ಅವರೊಂದಿಗೆ ಸೆಕ್ಯುರಿಟಿ ಗಾರ್ಡ್​ಗಳೂ ಇದ್ದರು.

ನಟಿ ಕಂಪ್ಲೀಟ್ ಬ್ಲಾಕ್ ಔಟ್​ಫಿಟ್​ನಲ್ಲಿ ಕಾಣಿಸಿಕೊಂಡಿದ್ದು ತಟ್ಟನೆ ನೋಡಿದರೆ ಗುರುತು ಸಿಗದಂತೆಯೇ ರೆಡಿಯಾಗಿ ಬಂದಿದ್ದರು. ನಟಿಯ ವಿಡಿಯೋ ಈಗ ವೈರಲ್ ಆಗಿದೆ.

ಸಿನಿಮಾ ರಿಲೀಸ್ ಆದಾಗಿನಿಂದ ಹೌಸ್​ಫುಲ್ ಪ್ರದರ್ಶನ ಕಾಣುತ್ತಿದೆ. ನಟಿ ಎಲ್ಲಿಯೂ ಮಾತನಾಡುವಾಗ ತಮ್ಮ ಮಾಸ್ಕ್ ಮಾತ್ರ ಕೆಳಗಿಳಿಸಿಲ್ಲ. ಎಲ್ಲಾ ಕಡೆಯಲ್ಲೂ ಮಾಸ್ಕ್ ಹಾಕಿಕೊಂಡಿದ್ದರು.

ಪಠಾಣ್ ಸಿನಿಮಾ ದೀಪಿಕಾ ಅವರ ದೊಡ್ಡ ಹಿಟ್ ಸಿನಿಮಾ. ನಟಿ ಕೊನೆಯ ಬಾರಿಗೆ ರಣವೀರ್ ಸಿಂಗ್ ಅಭಿನಯದ 83 ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದರು. ಅದಕ್ಕೂ ಮುನ್ನ ಚಪಾಕ್​ನಲ್ಲಿ 2020ರಲ್ಲಿ ಕಾಣಿಸಿಕೊಂಡಿದ್ದರು. ಅದು ಬಾಕ್ಸ್​ ಆಫೀಸ್​ ಹಿಟ್ ಆಗಲಿಲ್ಲ.

ಬಾಕ್ಸ್ ಆಫೀಸ್ ದಾಖಲೆಗಳನ್ನು ಮುರಿಯುತ್ತಿರುವ ಪಠಾಣ್ ಸಿನಿಮಾ ಮೊದಲ ದಿನವೇ 57 ಕೋಟಿ ಕಲೆಕ್ಷನ್ ಮಾಡಿದೆ. ಸಿನಿಮಾ 5 ದಿನದಲ್ಲಿ 500 ಕೋಟಿಯ ಗಡಿ ತಲುಪಿದ್ದು ದಾಖಲೆಯಾಗಿದೆ.

ನಟಿ ದೀಪಿಕಾ ಅವರು ಓಂ ಶಾಂತಿ ಓಂ, ಚೆನ್ನೈ ಎಕ್ಸ್​ಪ್ರೆಸ್ ನಂತರ ಶಾರುಖ್​ ಖಾನ್​ಗೆ ಜೋಡಿಯಾಗಿದ್ದು ಎಂದಿನಂತೆ ಇವರ ಜೋಡಿ ಕಮಾಲ್ ಮಾಡಿದೆ.

ಶಾರುಖ್ ಖಾನ್ ಅವರು 5 ವರ್ಷಗಳ ನಂತ್ರ ಚಿತ್ರರಂಗಕ್ಕೆ ಕಮ್ ಬ್ಯಾಕ್ ಮಾಡಿದ್ದು ಈ ಸಿನಿಮಾ ಯಾವುದೇ ಪ್ರಚಾರ, ಪ್ರಮೋಷನ್ ಇಲ್ಲದೆಯೇ ಇಷ್ಟು ಸದ್ದು ಮಾಡುತ್ತಿದೆ.