PHOTOS: ದೀಪ್​-ವೀರ್​ ರಿಸೆಪ್ಷನ್; ಮುಂಬೈನಲ್ಲಿ ಮಿಂಚಿದ 'ರಾಮ್​-ಲೀಲಾ' ಜೋಡಿ

ಇಟಲಿಯಲ್ಲಿ ಮದುವೆ ಮುಗಿಸಿಕೊಂಡು ಬಂದ ದೀಪಿಕಾ- ರಣವೀರ್​ ಸಿಂಗ್​  ಬೆಂಗಳೂರಿನ ಲೀಲಾ ಪ್ಯಾಲೇಸ್​ನಲ್ಲಿ ರಿಸೆಪ್ಷನ್​ ಏರ್ಪಡಿಸಿದ್ದರು. ಅದರ ಫೋಟೋಗಳು ಸಾಕಷ್ಟು ವೈರಲ್ ಆಗಿತ್ತು. ಇದೀಗ ಇಂದು ಮುಂಬೈನಲ್ಲಿ ರಿಸೆಪ್ಷನ್​ ಏರ್ಪಡಿಸಿದ್ದರು.

ಫೋಟೋಗಳೂ ಸಾಮಾಜಿಕ ಜಾಲತಾಣಗಳಲ್ಲಿ ಟ್ರೆಂಡ್​ ಆಗಿತ್ತು. ಇದೀಗ, ಮುಂಬೈಗೆ ಹೋಗಿರುವ ಈ ಜೋಡಿಗೆ ಮೊನ್ನೆಯಷ್ಟೇ ರಣವೀರ್​ ಸಿಂಗ್​ ತಂಗಿ ಪಾರ್ಟಿ ಏರ್ಪಡಿಸಿದ್ದರು. ಅದರಲ್ಲಿ ದೀಪ್​-ವೀರ್​ ಕುಣಿದ ಫೋಟೋ, ವಿಡಿಯೋಗಳು ಎಲ್ಲೆಡೆ ಹರಿದಾಡುತ್ತಿತ್ತು.

ಇಂದು ಮುಂಬೈನ ಆಪ್ತ ಸ್ನೇಹಿತರು, ಮಾಧ್ಯಮದ ಮಿತ್ರರು ಮತ್ತು ಕುಟುಂಬದವರಿಗಾಗಿ ಫೈವ್​ ಸ್ಟಾರ್​ ಹೋಟೆಲ್​ನಲ್ಲಿ ದೀಪಿಕಾ- ರಣವೀರ್  ರಿಸೆಪ್ಷನ್​  ಏರ್ಪಡಿಸಿದ್ದರು. ಆ ಸಮಾರಂಭದ ಫೋಟೋಗಳನ್ನು ಈ ಜೋಡಿ ಹಂಚಿಕೊಂಡಿದೆ.

ಅಂದಹಾಗೆ, ಡಿಸೆಂಬರ್​ 2ರಂದು ಚಿತ್ರರಂಗದ ಗಣ್ಯರು ಮತ್ತು ಆಪ್ತರಿಗಾಗಿ ಮುಂಬೈನಲ್ಲಿ ದೀಪಿಕಾ- ರಣವೀರ್​ ರಿಸೆಪ್ಷನ್​ ಏರ್ಪಡಿಸಿದ್ದಾರೆ. ಅದಕ್ಕೆ ಬಾಲಿವುಡ್​ ಸೇರಿದಂತೆ ಬೇರೆ ಚಿತ್ರರಂಗದ ಆಪ್ತ ಕಲಾವಿದರು, ನಿರ್ದೇಶಕರಿಗೂ ಆಹ್ವಾನ ನೀಡಲಾಗಿದೆ.

ಇಂದು ಮುಂಬೈನಲ್ಲಿ ನಡೆದ ರಿಸೆಪ್ಷನ್​ನಲ್ಲಿ ದೀಪಿಕಾ ಕೆನೆ ಬಣ್ಣದ ಮೇಲೆ ಗೋಲ್ಡನ್​ ಬಣ್ಣದ  ಡಿಸೈನ್ ಇರುವ ಲೆಹೆಂಗಾ ಧರಿಸಿದ್ದರು. ರಣವೀರ್​ ಅದೇ ಕಾಂಬಿನೇಷನ್​ನ ಶೇರ್ವಾನಿ ಧರಿಸಿದ್ದರು.

ಪಂಜಾಬಿ ಸ್ಟೈಲ್​ನಲ್ಲಿ ಡಿಸೈನ್​ ಮಾಡಲಾಗಿರುವ ಈ ಡ್ರೆಸ್​ನಲ್ಲಿ ಇಬ್ಬರೂ ಮುದ್ದಾಗಿ ಕಾಣುತ್ತಿದ್ದಾರೆ. ಇಂದು ನಡೆದ ಸಮಾರಂಭ ಫೋಟೋಶೂಟ್​ನ ಕೆಲವು ಫೋಟೋಗಳನ್ನು ದೀಪಿಕಾ ಟ್ವಿಟ್ಟರ್​ನಲ್ಲಿ ಹಂಚಿಕೊಂಡಿದ್ದಾರೆ.