Deepika Padukone: ಆಸ್ಕರ್​ ಅವಾರ್ಡ್ ಪ್ರಸೆಂಟರ್ ಆಗಿ ಡಿಂಪಲ್ ಕ್ವೀನ್! ಭಾರತೀಯ ಚಿತ್ರರಂಗಕ್ಕೆ ಹೊಸ ಹಿರಿಮೆ

ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ ಅವರು ಆಸ್ಕರ್ 2023 ಇವೆಂಟ್​ನಲ್ಲಿ ಪ್ರಶಸ್ತಿ ಪ್ರದಾನ ಮಾಡಲಿದ್ದಾರೆ ಎಂಬ ಗುಡ್​ನ್ಯೂಸ್ ಹೊರಬಿದ್ದಿದೆ. ಇದು ಭಾರತೀಯ ಚಿತ್ರರಂಗಕ್ಕೆ ಹೊಸ ಹಿರಿಮೆ. ಈ ಸುದ್ದಿಯನ್ನು ನಟಿಯೇ ಶೇರ್ ಮಾಡಿದ್ದಾರೆ.

ದೀಪಿಕಾ ಪಡುಕೋಣೆ ಅವರು ಈ ಸುದ್ದಿಯನ್ನು ಇನ್​ಸ್ಟಾಗ್ರಾಮ್​ನಲ್ಲಿ ಶೇರ್ ಮಾಡಿದ್ದು ಆಸ್ಕರ್ 2023ರ ಪ್ರೆಸೆಂಟರ್ಸ್ ಲಿಸ್ಟ್ ಅದರಲ್ಲಿದೆ. ಈ ಲಿಸ್ಟ್​ನಲ್ಲಿ ಡ್ವೇನ್ ಜಾನ್ಸನ್, ಮೈಕಲ್ ಬಿ ಜಾರ್ಡನ್, ರಿಜ್ ಅಹ್ಮದ್, ಎಮಿಲಿ ಬ್ಲಂಟ್, ಗ್ಲೆನ್ ಕ್ಲಾಸ್, ಜೆನಿಫರ್ ಕನೆಲ್ಲಿ, ಸ್ಯಾಮುವೆಲ್ ಎಲ್ ಜಾಕ್ಸನ್, ಮೆಲಿಸ್ಸಾ ಮೆಕಾರ್ತಿ, ಝಾಯ್ ಸಲ್ದಾನ, ಡಾನಿ ಯೆನ್, ಜೊನಾತನ್ ಮೇಜರ್ಸ್, ಟ್ರಾಯ್ ಕೋಚರ್, ಅರಿಯಾನಾ ಡಿಬೋಸ್, ಕ್ವೆಸ್ಟ್ ಲವ್, ಜುನೆಲ್ ಮೊನಿ ಅವರ ಹೆಸರುಗಳಿವೆ.

ಈ ಸಿಹಿಸುದ್ದಿ ಹಂಚಿಕೊಂಡ ನಟಿ #oscars#oscars95 ಎಂದು ಕ್ಯಾಪ್ಶನ್ ಬರೆದಿದ್ದಾರೆ. ಈ ಪೋಸ್ಟ್​ಗೆ ದೀಪಿಕಾ ಅವರ ಪತಿ ನಟ ರಣವೀರ್ ಸಿಂಗ್ ಕಮೆಂಟ್ ಮಾಡಿದ್ದಾರೆ.

ನಟ ಏಂಜಲ್ ಫೇಸ್ ಹಾಗೂ ಚಪ್ಪಾಳೆ ತಟ್ಟುವ ಕೈಗಳ ಎಮೋಜಿಯನ್ನು ಕಮೆಂಟ್ ಮಾಡಿದ್ದಾರೆ. ನೇಹಾ ಧುಪಿಯಾ ಅವರು ಕಮೆಂಟ್ ಮಾಡಿ ನಿಮ್ಮನ್ನು ವೇದಿಕೆಯಲ್ಲಿ ನೋಡಲು ಆಸೆಯಾಗುತ್ತಿದೆ ದೀಪೂ ಎಂದಿದ್ದಾರೆ.

ದೀಪಿಕಾ ಅವರ ಸಹೋದರಿ ಅನಿಷಾ ಪಡುಕೋಣೆ ಕಮೆಂಟ್ ಮಾಡಿ ಬೂಮ್ ಎಂದು ಬರೆದಿದ್ದಾರೆ. ಅಂತೂ ಈ ಸುದ್ದಿ ಕೇಳಿ ದೀಪಿಕಾ ಅವರ ಫ್ಯಾನ್ಸ್ ಖುಷಿಪಟ್ಟಿದ್ದಾರೆ.

ಅಭಿಮಾನಿಗಳು ಖುಷಿಯಿಂದ ನಟಿಗೆ ಶುಭಾಶಯಗಳನ್ನು ತಿಳಿಸಿದ್ದಾರೆ. ಯಾರೂ ಇದನ್ನು ದೀಪಿಕಾ ಪಡುಕೋಣೆ ಅವರಂತೆ ಮಾಡಲಾರರು ಎಂದಿದ್ದಾರೆ ಅಭಿಮಾನಿಗಳು.

ರಾಣಿಗೆ ದಾರಿ ಬಿಡಿ. ಅವರು ಎಡ, ಬಲ ಮತ್ತು ಮಧ್ಯದಲ್ಲಿ, ಎಲ್ಲೆಡೆ ಗೆಲ್ಲುತ್ತಿದ್ದಾರೆ. ಅವರಿಗೆ ತಡೆ ಇಲ್ಲ, ನಿಧಾನವೂ ಇಲ್ಲ ಎಂದು ಕಮೆಂಟ್ ಮಾಡಿ ಹೊಗಳಿದ್ದಾರೆ.

95ನೇ ಅಕಾಡೆಮಿ ಪ್ರಶಸ್ತಿ ಕಾರ್ಯಕ್ರಮ ಲಾಸ್ ಏಂಜಲೀಸ್​ನ ಡಾಲಿ ಥಿಯೇಟರ್​ನಲ್ಲಿ ಮಾರ್ಚ್ 12ರಂದು ನಡೆಯಲಿದೆ. ಭಾರತದ ಮೂರು ಸಿನಿಮಾ ಆಸ್ಕರ್​ನಲ್ಲಿ ಸ್ಪರ್ಧಿಸುತ್ತಿರುವುದರಿಂದ ಈ ಬಾರಿಯ ಕಾರ್ಯಕ್ರಮ ಭಾರತದ ಪಾಲಿಗೆ ವಿಶೇಷವಾಗಿದೆ.

ಗೋಲ್ಡನ್ ಗ್ಲೋಬ್ಸ್ ಅವಾರ್ಡ್ ಮುಡಿಗೇರಿಸಿಕೊಂಡಿರುವ ತ್ರಿಬಲ್ ಆರ್ ಸಿನಿಮಾದ ನಾಟು ನಾಟು ಹಾಡು ಆಸ್ಕರ್​ನಲ್ಲಿ ಬೆಸ್ಟ್ ಒರಿಜಿನಲ್ ಸಾಂಗ್ ವಿಭಾಗದಲ್ಲಿ ಶಾರ್ಟ್​ ಲಿಸ್ಟ್ ಆಗಿದೆ.