Deepika Padukone: ದೀಪಿಕಾ ಬಳಸೋ ಒಂದು ಬ್ಯೂಟಿ ಪ್ರಾಡಕ್ಟ್​ಗೆ 2,700! ಪ್ರತಿದಿನ ಇಂಥಹ ನಾಲ್ಕೈದು ಐಟಂ ಬಳಸ್ತಾರೆ ನಟಿ

ನಟಿ ದೀಪಿಕಾ ಪಡುಕೋಣೆ ಇತ್ತೀಚೆಗಷ್ಟೇ ಸ್ಕಿನ್ ಕೇರ್ ಬ್ರ್ಯಾಂಡ್ 82 ಡಿಗ್ರಿ ಇ ಲಾಂಚ್ ಮಾಡಿದ್ದಾರೆ. ಇನ್​ಸ್ಟಾಗ್ರಾಮ್ ವಿಡಿಯೋ, ಫೋಟೋಗಳ ಮೂಲಕ ಅವುಗಳನ್ನು ಪ್ರಮೋಟ್ ಮಾಡುತ್ತಿದ್ದಾರೆ.

ನಟಿ ಪಠಾಣ್ ಕೋಸ್ಟಾರ್ ಜೊತೆ ಡ್ರೀಮ್ ಕೊಲಾಬರೇಷನ್ ಮಾಡಿ ಅಚ್ಚರಿ ಮೂಡಿಸಿದ್ದರು. ಸ್ಕಿನ್ ಕೇರ್ ರೊಟೀನ್​ನ ಬೇಸಿಕ್ ಅಂಶಗಳನ್ನು ತಿಳಿಸಿಕೊಟ್ಟಿದ್ದರು.

ಅಷ್ಟಕ್ಕೂ ಅವರು ಲಾಂಚ್ ಮಾಡಿರೋ ಪ್ರಾಡಕ್ಟ್​ಗಳು ಏನೇನು? ಅವುಗಳ ಪ್ರಯೋಜನವೇನು? ಅದರ ಬೆಲೆ ಎಷ್ಟು? ಆ ಎಲ್ಲ ಡೀಟೆಲ್ಸ್ ಇಲ್ಲಿದೆ.

ಲೋಟಸ್ ಸ್ಪ್ಲಾಷ್: ಲೋಟಸ್ ಮತ್ತು ಬಯೋಫ್ಲೇವನಾಯ್ಡ್‌ಗಳೊಂದಿಗೆ ಕಂಡೀಷನಿಂಗ್ ಕ್ಲೆನ್ಸರ್ ಮಾಡಲು ಲೋಟಸ್ ಸ್ಪ್ಲಾಷ್ ಬಳಸಲಾಗುತ್ತದೆ. ಇದರ ಬೆಲೆ ಬರೋಬ್ಬರಿ 1200 ರೂಪಾಯಿ. ಇದರಲ್ಲಿ 100 ಎಂಎಲ್ ದೊರೆಯುತ್ತದೆ.

ಲೋಟಸ್ ಸ್ಪ್ಲಾಶ್ ಫೋಮಿಂಗ್ ಕ್ಲೆನ್ಸರ್ ಆಗಿದೆ. ಕೊಳಕು, ಎಣ್ಣೆ, ಧೂಳು ಮತ್ತು ಮೇಕ್ಅಪ್‌ನಂತಹ ಕಲ್ಮಶಗಳನ್ನು ತೆಗೆದುಹಾಕಲು ಇದು ಸಹಾಯ ಮಾಡುತ್ತದೆ. ಸೂಕ್ಷ್ಮ ಚರ್ಮ ಸೇರಿದಂತೆ ಎಲ್ಲಾ ರೀತಿಯ ಚರ್ಮಗಳಿಗೂ ಇದು ಸೂಕ್ತವಾಗಿದೆ.

ಗೋಟು ಕೋಲಾ ಡ್ಯೂ: ಗೋಟು ಕೋಲಾ ದೀಪಿಕಾ ಅವರ ಬ್ಯೂಟಿ ಬ್ರ್ಯಾಂಡ್​ನ ಲೇಟೆಸ್ಟ್ ಕಲೆಕ್ಷನ್. ಇದರ 100 ಎಂಎಲ್ ಬಾಟಲಿ ಬೆಲೆ ಬರೋಬ್ಬರಿ 2,400 ರೂಪಾಯಿ.

ಇದು ನಿಮಗೆ ಕ್ಲಿಯರ್ ಸ್ಕಿನ್ ನೀಡುತ್ತದೆ ಎಂದು ಪ್ರಾಯೋಗಿಕವಾಗಿ ಸಾಬೀತಾಗಿದೆ. ಇದನ್ನು ನಟಿ ಶಾರುಖ್ ಜೊತೆಗಿನ ಜಾಹೀರಾತಿನಲ್ಲಿ ತೋರಿಸಿದ್ದರು.

ಅಶ್ವಗಂಧ ಬೌನ್ಸ್: 50 ಎಂಎಲ್ ಅಶ್ವಗಂಧ ಬೌನ್ಸ್​ಗೆ 2700 ರೂಪಾಯಿ ಬೆಲೆ ಇದೆ. ಇದು ವಯಸ್ಸಾಗುವಿಕೆಯನ್ನು ನಿಧಾನಗೊಳಿಸುತ್ತದೆ.

ಅಶ್ವಗಂಧ ಉತ್ಕರ್ಷಣ ನಿರೋಧಕಗಳಲ್ಲಿ ಸಮೃದ್ಧವಾಗಿದೆ. ಇದು ಕಪ್ಪು ಕಲೆಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ಪ್ಯಾಚ್ಚೌಲಿ ಗ್ಲೋ: ಪ್ಯಾಚ್ಚೌಲಿ ಗ್ಲೋ 30 ಎಂಎಲ್ ಬಾಟಲಿಗೆ ಬರೋಬ್ಬರಿ 1800 ರೂಪಾಯಿ ಬೆಲೆ ಇದೆ. ಇದನ್ನು ಒಮ್ಮೆ ಬಳಸುವಾಗ ಕೆಲವೇ ಹನಿಗಳಷ್ಟೇ ಬಳಸುತ್ತಾರೆ.

UV ವಿಕಿರಣ ಅಥವಾ ಮಾಲಿನ್ಯ, ಹೊಗೆ ಮತ್ತು ಧೂಳಿನಂತಹ ಬಾಹ್ಯ ಪರಿಸರದ ಹಾನಿಕಾರಕ ಅಂಶಗಳಿಂದಾಗುವ ಹಾನಿಯಿಂದ ಚರ್ಮದ ಕೋಶಗಳನ್ನು ರಕ್ಷಿಸುತ್ತದೆ. 

ನಟಿ ದೀಪಿಕಾ ಅವರ ಈ ಸ್ಕಿನ್ ಪ್ರಾಡಕ್ಟ್ಸ್ ಬಗ್ಗೆ ನೆಟ್ಟಿಗರು ವಿವಿಧ ರೀತಿಯಲ್ಲಿ ಕಮೆಂಟ್ ಮಾಡುತ್ತಿದ್ದಾರೆ. ಇದು ಜನ ಸಾಮಾನ್ಯರ ಕೈಗೆ ಸಿಗುವುದಲ್ಲ, ಮತ್ತ್ಯಾಕೆ ಇಷ್ಟೊಂದು ಜಾಹೀರಾತು ಕೊಡ್ತೀರಾ ಎಂದಿದ್ದಾರೆ ಜನ.

ನಿಮ್ಮ ಒಂದು ಪ್ರಾಡಕ್ಟ್ ಬೆಲೆಯಲ್ಲಿ ತಿಂಗಳ ಖರ್ಚು ನಿಭಾಯಿಸುವವರಿದ್ದಾರೆ. ನಿಮ್ಮ ಪ್ರಾಡಕ್ಟ್ ನೀವೇ ಹಚ್ಕೊಳ್ಬೇಕಷ್ಟೆ ಮೇಡಂ ಎಂದಿದ್ದಾರೆ ನೆಟ್ಟಿಗರು.