Deepika Das: ಫೋಟೋ ಕ್ಲಿಕ್ ಮಾಡಿದ್ಯಾರು ಎಂದು ಕಣ್ ಹೊಡೆದ ನೆಟ್ಟಿಗರು! ನೀಲಿ ಚಿಟ್ಟೆಯಾದ ದೀಪಿಕಾ

ಕನ್ನಡ ಕಿರುತೆರೆ ನಟಿ ದೀಪಿಕಾ ದಾಸ್ ಅವರು ಸದ್ಯ ವೆಕೇಷನ್ ಮೋಡ್​ನಲ್ಲಿದ್ದಾರೆ. ಬಿಗ್​ಬಾಸ್ ಬ್ಯೂಟಿ ಬ್ಲೂ ಬಟರ್​ಫ್ಲೈ ಆಗಿ ಮಿಂಚಿದ್ದಾರೆ. ನಟಿಯ ಫೋಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿವೆ.

ನಟಿ ಸುಂದರವಾದ ಸಿಂಗಲ್ ಶೋಲ್ಡರ್ ಬ್ಲೂ ಬಾಡಿಕಾನ್ ಡ್ರೆಸ್ ಧರಿಸಿ ಪೋಸ್ ಕೊಟ್ಟಿದ್ದಾರೆ. ಇದಕ್ಕೆ ವೈಟ್ ಫ್ರೇಮ್​ನ ಕನ್ನಡಕ ಧರಿಸಿದ್ದರು. ಹಳದಿ ಬಣ್ಣದ ಬ್ಯಾಗ್ ಅವರ ಲುಕ್ ಹೆಚ್ಚಿಸಿದೆ.

ಇನ್ನೊಂದರಲ್ಲಿ ದೀಪಿಕಾ ಬೀಚ್ ಸೈಡ್ ಫೋಟೋ ಶೇರ್ ಮಾಡಿದ್ದಾರೆ. ಇದರಲ್ಲಿಯೂ ನಟಿಯ ಸ್ಟೈಲ್ ತುಂಬಾ ಚೆನ್ನಾಗಿ ರಿವೀಲ್ ಆಗಿದ್ದು, ಸನ್​ಸೆಟ್​ ಕೂಡಾ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.

ಒಂದಕ್ಕಿಂತ ಒಂದು ಚಂದದ ಫೋಟೋವನ್ನು ದೀಪಿಕಾ ಶೇರ್ ಮಾಡಿದ್ದು ಇದನ್ನು ನೋಡಿದ ನೆಟ್ಟಿಗರು ಅಬ್ಬಾ ನೀವು ಬಾಲಿವುಡ್ ನಟಿಯರ ರೇಂಜ್​ನಲ್ಲಿದ್ದೀರಿ ಎಂದು ಮುಕ್ತವಾಗಿ ಹೊಗಳಿದ್ದಾರೆ.

ಇನ್ನೂ ಕೆಲವರು ಈ ಫೋಟೋಗಳನ್ನು ಕ್ಲಿಕ್ ಮಾಡಿದವರು ಯಾರು ಎಂದು ಕೇಳಿ ಕಣ್ ಹೊಡೆದಿದ್ದಾರೆ. ಹಲವು ಅಭಿಮಾನಿಗಳು ಇದೇ ಪ್ರಶ್ನೆಯನ್ನು ಕೇಳಿದ್ದು ಬಹಳಷ್ಟು ಜನ ಶೈನ್ ಶೆಟ್ಟಿ ಜೊತೆಗಿದ್ದಾರೇನೋ ಎಂಬ ಸಂದೇಹವನ್ನು ಪರೋಕ್ಷವಾಗಿ ವ್ಯಕ್ತಪಡಿಸಿದ್ದಾರೆ.

ದೀಪಿಕಾ ಅವರ ಫೋಟೋಗಳು ವೈರಲ್ ಆಗಿವೆ. ನಟಿಯ ಫೋಟೋಗಳಿಗೆ 14 ಸಾವಿರಕ್ಕೂ ಹೆಚ್ಚು ಲೈಕ್ಸ್ ಬಂದಿದೆ. ಬಹಳಷ್ಟು ಜನರು ಕಮೆಂಟ್ ಮಾಡಿ ನಟಿಯ ಫೋಟೋಗಳಿಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ತಮ್ಮ ಫೋಟೋ ಮಾತ್ರವಲ್ಲದೆ ನಟಿ ಲೊಕೇಷನ್ ಫೋಟೋ ಕೂಡಾ ಶೇರ್ ಮಾಡಿದ್ದಾರೆ. ನೀಲಿ ಆಕಾಶ, ಕಣ್ಣ ಹಾಯಿಸಿದಷ್ಟೂ ನೀಲಿ ಸಾಗರ, ಸಣ್ಣ ಸಣ್ಣ ದ್ವೀಪಗಳನ್ನೂ ಫೋಟೋ ಮೂಲಕ ಅಭಿಮಾನಿಗಳಿಗೆ ತೋರಿಸಿದ್ದಾರೆ.

ದೀಪಿಕಾ ದಾಸ್ ತಮ್ಮ ಬ್ಲೂ ಡ್ರೆಸ್​ಗೆ ವೈಟ್ ಪರ್ಲ್ ಸರವನ್ನು ಧರಿಸಿದ್ದರು. ಅವರು ಸೆಲ್ಫಿ ತೆಗೆದು ಅದನ್ನೂ ಪೋಸ್ಟ್ ಮಾಡಿದ್ದಾರೆ. ಅಂತೂ ವೆಕೇಷನ್ ಹೋದ ನಂತರ ದೀಪಿಕಾ ಅವರ ಫೋಟೋಗಳಿಗೆ ಭರ್ಜರಿ ಪ್ರತಿಕ್ರಿಯೆ ಸಿಕ್ಕಿದೆ.

ದೀಪಿಕಾ ದಾಸ್ ಅವರು ದೊಡ್ಡ ಆಮೆ ಪ್ರತಿಮೆ ಮುಂದೆ ಪೋಸ್ ಕೊಟ್ಟಿದ್ದಾರೆ. ತುಂಬಾ ದೊಡ್ಡ ಗಾತ್ರದಲ್ಲಿರುವ ಆಮೆಯ ಎದುರು ನಿಂತ ದೀಪಿಕಾ ದಾಸ್ ಸ್ಟೈಲಿಷ್ ಆಗಿ ಪೋಸ್ ಕೊಟ್ಟಿದ್ದಾರೆ.

ಎಲ್ಲಾ ಫೋಟೋಗಳು ಕ್ಯೂಟ್ ಆಗಿವೆ. ನೀವೀಗ ಎಲ್ಲಿದ್ದೀರಿ ಎಂದು ನೆಟ್ಟಿಗರು ಕೇಳಿದ್ದಾರೆ. ಈ ಫೋಟೋಗಳನ್ನು ಶೇರ್ ಮಾಡುವಾಗ ಫೋಟೋ ಡಂಪ್ ಎಂದಿದ್ದಾರೆ ನಟಿ.

ಕನ್ನಡ ಕಿರುತೆರೆ ನಟಿ ದೀಪಿಕಾ ದಾಸ್ ಅವರು ಬಿಗ್​ಬಾಸ್ ಸೀನಸ್9ರಲ್ಲಿ ಫೈನಲ್​ವರೆಗೂ ತಲುಪಿದ್ದರು. ಅವರು ಗೆಲ್ಲುವ ನಿರೀಕ್ಷೆ ಇಟ್ಟುಕೊಂಡಿದ್ದರು. ಆದರೆ ನಟಿ ಶೋ ಗೆಲ್ಲಲು ಸಾಧ್ಯವಾಗಿಲ್ಲ.