DeepVeer Tirupati Visit : ತಿರುಪತಿ ತಿಮ್ಮಪ್ಪನ ಸನ್ನಿಧಾನದಲ್ಲಿ ದೀಪಿಕಾ-ರಣವೀರ್..!​

ಬಿ-ಟೌನ್​ನ ಹಾಟ್​ ಕಪಲ್​ ದೀಪಿಕಾ ಪಡುಕೋಣೆ ಹಾಗೂ ರಣವೀರ್​ ಸಿಂಗ್​ ಇಂದು ತಮ್ಮ ಮೊದಲ ವರ್ಷದ ವಿವಾಹ ವಾರ್ಷಿಕೋತ್ಸವದ ಸಂಭ್ರಮದಲ್ಲಿದ್ದಾರೆ.

ಅದರ ಅಂಗವಾಗಿಯೇ ದೀಪ್​ವೀರ್​ ಇಂದು ಬೆಳಿಗ್ಗೆಯೇ ತಿರುಪತಿಗೆ ಭೇಟಿ ನೀಡಿದ್ದು, ತಿಮ್ಮಪ್ಪನ ಸನ್ನಿಧಾನ ಸೇರಿಕೊಂಡಿದ್ದಾರೆ.

ತಿಮ್ಮಪ್ಪನ ಸನ್ನಿಧಾನದಲ್ಲಿ ದೀಪಿಕಾ ಹಾಗೂ ರಣವೀರ್​ ಸಿಂಗ್​ ಸಾಂಪ್ರದಾಯಿಕ ಉಡುಗೆಯಲ್ಲಿ ಕಾಣಿಸಿಕೊಂಡಿದ್ದಾರೆ.

ದೀಪಿಕಾ ಕೆಂಪು ಬಣ್ಣದ ಸೀರೆಯಲ್ಲಿ ಹಾಗೂ ರಣವೀರ್​ ಚಿನ್ನದ ಬಣ್ಣದ ಸೇರ್ವಾನಿಯಲ್ಲಿ ಕಾಣಿಸಿಕೊಂಡಿದ್ದಾರೆ.

ತಿಮ್ಮಪ್ಪನ ಸನ್ನಿಧಾನದಲ್ಲಿ ದೀಪ್​ವೀರ್​ ಎಂಟ್ರಿ ಕೊಡುತ್ತಿದ್ದಂತೆಯೇ ಅವರ ಚಿತ್ರಗಳು ಇನ್​ಸ್ಟಾಗ್ರಾಂನಲ್ಲಿ ವೈರಲ್​ ಆಗುತ್ತಿವೆ.

ದೀಪಿಕಾರ ಫ್ಯಾನ್ಸ್​ ಪೇಜ್​ ಹಾಗೂ ಇನ್​ಸ್ಟ್ಯಾಂಟ್​ ಬಾಲಿವುಡ್​ ಇನ್​ಸ್ಟಾಗ್ರಾಂ ಪುಟಗಳಲ್ಲಿ ಅವರ ಚಿತ್ರಗಳು ಹರಿದಾಡುತ್ತಿವೆ.

ಇಂದು ತಿರುಪತಿಗೆ ಭೇಟಿ ನೀಡಿರುವ ದೀಪ್​ವೀರ್​ ನಾಳೆ ಅಮೃತಸರದ ಗೋಲ್ಡನ್​ ಟೆಂಪಲ್​ಗೆ ಹೋಗಲಿದ್ದಾರೆ.

ದೀಪ್​ವೀರ್​ ತಮ್ಮ ಎರಡೂ ಕುಟುಂಬದವರೊಂದಿಗೆ ತಿಮ್ಮಪ್ಪನ ದರ್ಶನ ಪಡೆದಿದ್ದಾರೆ.

ತಿರುಪತಿಯ ತಿರುಮಲದಲ್ಲಿ ದೀಪ್​ವೀರ್​