Vijayalakshmi Darshan: ಹೊಸ ಉದ್ಯಮ ಆರಂಭಿಸಿದ ವಿಜಯಲಕ್ಷ್ಮಿ: ರೈತರಿಗೆ ನೆರವಾಗಲಿದ್ದಾರಾ ದರ್ಶನ್​ ಮಡದಿ..!

ದರ್ಶನ್​ ಮಡದಿ ವಿಜಯಲಕ್ಷ್ಮಿ ಸ್ವಂತವಾಗಿ ಒಂದು ಹೊಸ ಉದ್ಯಮ ಆರಂಭಿಸಲಿದ್ದಾರಂತೆ.

ಈಗಾಗಲೇ ಅವರ ಹೊಸ ಉದ್ಯಮ ಆರಂಭಿಸೋಕೆ ಅಗತ್ಯವಿರುವ ಎಲ್ಲ ಸಿದ್ಧತೆ ಮಾಡಿಕೊಂಡಿದ್ದಾರಂತೆ.

ಸಾಮಾಜಿಕ ಜಾಲತಾಣದಲ್ಲಿ ತಾವು ಕೈ ಹಾಕಿರುವ ಉದ್ಯಮದ ಬಗ್ಗೆ ಪೋಸ್ಟ್​ ಮಾಡಿದ್ದಾರೆ ವಿಜಯಲಕ್ಷ್ಮಿ.

ಹೌದು, ಕಮಿಂಗ್​ ಸೂನ್​ ಎನ್ನುತ್ತಲೇ ತಾವು ಆರಂಭಿಸಲಿರುವ ಉದ್ಯಮದ ಕುರಿತು ಒಂದು ಸುಳಿವು ಕೊಟ್ಟಿದ್ದಾರೆ.

ವಿಜಯಲಕ್ಷ್ಮಿ ಹಣ್ಣು-ತರಕಾರಿ ಮಾರುವ ಉದ್ಯಮಕ್ಕೆ ಕೈ ಹಾಕಿದ್ದಾರೆ. ಸದ್ಯದಲ್ಲೇ ಇದಕ್ಕೆ ಕಿಕ್​ ಸ್ಟಾರ್ಟ್​ ಸಿಗಲಿದೆ.

ನಗರದ ಸುತ್ತಮುತ್ತಲು ಬೆಳೆಯುವ ತಾಜಾ ಹಣ್ಣು-ತರಕಾರಿಯನ್ನು ಮಾರಾಟ ಮಾಡುವ ಕೆಲಸ ಆರಂಭಿಸಲಿದ್ದಾರಂತೆ.

ಆದರೆ ವಿಜಯಲಕ್ಷ್ಮಿ ಅವರ ಉದ್ಯಮ ಸರಣಿ ಮಾರಾಟ ಮಳಿಗೆಗಳೋ ಅಥವಾ ಆನ್​ಲೈನ್​ನಲ್ಲೋ ಅನ್ನೋದು ಇನ್ನು ಸ್ಪಷ್ಟವಾಗಿಲ್ಲ. ಅದಕ್ಕೆ ಡಿಬಾಸ್​ ಅಭಿಮಾನಿಗಳು ಹಾಗೂ ನೆಟ್ಟಿಗರು ಈ ಕುರಿತು ಮಾಹಿತಿ ನೀಡುವಂತೆ ಕಮೆಂಟ್​ ಮಾಡುತ್ತಿದ್ದಾರೆ.

ಕೊರೋನಾದಿಂದಾಗಿ ಜನರು ಮನೆಗಳಿಂದ ಹೊರ ಹೋಗಲು ಹೆದರುತ್ತಿರುವಾಗ, ನಿತ್ಯದ ಬಳಕೆಗೆ ತಾಜಾ ಹಣ್ಣು-ತರಕಾರಿಯನ್ನು ಮಾರುವ ಆಲೋಚನೆ ಮಾಡಿರುವುದು ನಿಜಕ್ಕೂ ಒಳ್ಳೆಯ ಐಡಿಯಾ ಎನ್ನಬಹುದು.

ವಿಜಯಲಕ್ಷ್ಮಿ ಅವರ ಈ ಹೊಸ ಉದ್ಯಮ ಆಗಸ್ಟ್​ 15ರಿಂದ ಕಿಕ್​ ಸ್ಟಾರ್ಟ್​ ಆಗಲಿದೆ ಎನ್ನಲಾಗುತ್ತಿದೆ.

ರೈತರಿಂದ ನೇರವಾಗಿ ಹಣ್ಣು-ತರಕಾರಿ ಖರೀದಿಸುವ ಈ ಆಲೋಚನೆಯಿಂದ, ಅನ್ನದಾತನಿಗೂ ಲಾಭವಾಗಬಹುದು.