ತ್ರಿಪಾತ್ರದಲ್ಲಿ ಬರುತ್ತಿದ್ದಾನೆ ದಾಸ?; ಫ್ಯಾನ್ಸ್​ಗಳಿಂದ ಹೊರಬಿತ್ತು ‘ರಾಬರ್ಟ್‘​ ನಿಜ ರೂಪ

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ನಟನೆಯ ರಾಬರ್ಟ್ ಸಿನಿಮಾದ ಬಹುತೇಕ ಚಿತ್ರೀಕರಣ ಮುಕ್ತಾಯವಾಗಿದ್ದು, ಹಾಡುಗಳ ಚಿತ್ರೀಕರಣದಲ್ಲಿ ಚಿತ್ರತಂಡ ಬ್ಯುಸಿಯಾಗಿದೆ. ಹೈದರಾಬಾದ್, ಬೆಂಗಳೂರು, ವಾರಣಾಸಿ ಮುಂತಾದ ಕಡೆಗಳಲ್ಲಿ ಅದ್ಧೂರಿಯಾಗಿ ಶೂಟಿಂಗ್ ಮಗಿಸಿದೆ.

ಇನ್ನು ಸಂಕ್ರಾಂತಿ ಹಬ್ಬದಂದು ಚಿತ್ರತಂಡ ಎರಡನೇ ಮೋಷನ್ ಪೋಸ್ಟರ್ ಬಿಡುಗಡೆ ಮಾಡಲಿದೆ. ಅಭಿಮಾನಿಗಳಂತೂ ಈ ಸಂದರ್ಭಕ್ಕೆ ತುದಿಗಾಲಿನಲ್ಲಿ ನಿಂತಿದ್ದಾರೆ. ಈ ನಡುವೆ ರಾಬರ್ಟ್ ಸಿನಿಮಾದ ಮತ್ತೊಂದು ಮೆಗಾ ಸುದ್ದಿ ಗಾಂಧಿ ನಗರದಲ್ಲಿ ಭಾರಿ ಚರ್ಚೆಯಾಗುತ್ತಿದೆ.

‘ರಾಬರ್ಟ್‘ ಸಿನಿಮಾದಲ್ಲಿ ನಟ ದರ್ಶನ್ ಅವರ ಪಾತ್ರದ ಬಗ್ಗೆ ಸುದ್ದಿಯೊಂದು ಹರಿದಾಡುತ್ತಿದೆ. ದಾಸ ‘ರಾಬರ್ಟ್ ‘ಸಿನಿಮಾದಲ್ಲಿ ತ್ರಿಪಾತ್ರದಲ್ಲಿ ನಟಿಸುತ್ತಿದ್ದಾರೆ ಎಂದು ಕೇಳಿಬರುತ್ತಿದೆ. ಈ ಸುದ್ದಿ ನಿಜನಾ? ಮುಂದೆ ಓದಿ.

ಇಲ್ಲಿಯವರೆಗೆ ‘ರಾಬರ್ಟ್‘ ಸಿನಿಮಾದಲ್ಲಿ ದರ್ಶನ್ ಅವರ ಪಾತ್ರದ ಬಗ್ಗೆ ಯಾವುದೇ ಸುಳಿವು ಸಿಕ್ಕಿರಲಿಲ್ಲ. ಆದರೀಗ ದರ್ಶನ್ ಅವರು ರಾ‘ಬರ್ಟ್ ‘ಸಿನಿಮಾದಲ್ಲಿ ತ್ರಿಪಾತ್ರದಲ್ಲಿ ನಟಿಸುತ್ತಿದ್ದಾರೆ ಎಂಬ ಸುದ್ದಿ ಸಾಮಾಜಿಕ ತಾಣದಲ್ಲಿ ಹರಿದಾಡುತ್ತಿದೆ.

ಹೌದು. ಡಿ‘ಬಾಸ್‘ ಫ್ಯಾನ್ಸ್ ‘ರಾಬರ್ಟ್‘ ಸಿನಿಮಾದಲ್ಲಿ ದರ್ಶನ್ ಅವರ ಪಾತ್ರದ ಬಗ್ಗೆ ಮಾಹಿತಿಯನ್ನು ಶೇರ್ ಮಾಡಿದ್ದಾರೆ.

ಇನ್ನು ದರ್ಶನ್ ಅವರು ರಾಬರ್ಟ್, ಸಂಜಯ್, ಅಕ್ಬರ್ ಹೆಸರಿನಲ್ಲಿ ಕಾಣಿಸಲಿದ್ದಾರಂತೆ.

ಇನ್ನು ಚಿತ್ರದ ಟೈಟಲ್ ಹೇಳುವಂತೆ ರಾಬರ್ಟ್​ ಸಿನಿಮಾದದಲ್ಲಿ ದರ್ಶನ್ ಕ್ರಿಶ್ಚಿಯನ್ ಪಾತ್ರದಲ್ಲಿ ನಟಿಸುತ್ತಿದ್ದಾರೆ ಎಂದು ಮೇಲ್ನೋಟಕ್ಕೆ ಕಂಡುಬಂರುತ್ತಿದೆ. ಈ ಹಿಂದೆ ಬಿಡುಗಡೆ ಮಾಡಿರುವ ಪೋಸ್ಟರ್ ಒಂದರಲ್ಲಿ ಆಂಜನೇಯ ಭುಜದ ಮೇಲೆ ರಾಮ ಕೂತಿರುವ ಫೋಟೋ ಕೂಡ ಇದಕ್ಕೆ ಸಾಕ್ಷಿಯೆಂಬಂತಿದೆ.

ಇನ್ನು ಕೆಳ ತಿಂಗಳ ಹಿಂದೆ ರಾಬರ್ಟ್ ಚಿತ್ರತಂಡ ವಾರಾಣಾಸಿಗೆ ಹೋಗಿ, ಶೂಟಿಂಗ್ ಮುಗಿಸಿಕೊಂಡು ಬಂದಿದ್ದಾರೆ. ಇವೆಲ್ಲವನ್ನು ಗಮನಿಸಿದಾಗ ರಾಬರ್ಟ್ ಸಿನಿಮಾದಲ್ಲಿ ದರ್ಶನ್ ತ್ರಿಪಾತ್ರದಲ್ಲಿ ನಟಿಸುತ್ತಿರುವುದು ಪಕ್ಕಾ ಎಂಬಂತಿದೆ.

‘ರಾಬರ್ಟ್‘ ಸಿನಿಮಾದ ಈ ಕುತೂಹಲದ ಸಂಗತಿಗೆ ಸಂಕ್ರಾಂತಿಯಂದು ಉತ್ತರ ಸಿಗಲಿದೆ. ಎರಡನೇ ಮೋಷನ್ ಪೋಸ್ಟರ್ ಮೂಲಕ ದಾಸನ ಪಾತ್ರಕ್ಕೆ ಉತ್ತರ ಸಿಗುವ ಲಕ್ಷಣವಿದೆ.