Darshan: ಆಕ್ಟ್ 1978​ ಚಿತ್ರತಂಡವನ್ನು ಮನೆಗೆ ಕರೆಸಿಕೊಂಡು ಉಪಚರಿಸಿದ ದರ್ಶನ್​..!

ಮಂಸೋರೆ ನಿರ್ದೇಶನದ ಆಕ್ಟ್​ 1978 ಸಿನಿಮಾಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಎಲ್ಲೆಡೆ ಪ್ರೇಕ್ಷಕರು ಈ ಚಿತ್ರದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.

ಲಾಕ್​ಡೌನ್​ ನಂತರ ರಿಲೀಸ್​ ಆಗಿರುವ ಮೊದಲ ಹೊಸ ಸಿನಿಮಾ ಬಗ್ಗೆ ಬರುತ್ತಿರುವ ವಿಮರ್ಶೆ ಕಂಡು ದರ್ಶನ್​ ಸಹ ಖುಷಿಯಾಗಿದ್ದಾರೆ.

ಇದೇ ಖುಷಿಯಲ್ಲಿ ಆಕ್ಟ್​ 1978 ಚಿತ್ರತಂಡವನ್ನು ಮನೆಗೆ ಕರೆಸಿಕೊಂಡು ಉಪಚರಿಸಿದ್ದಾರೆ.

ಒಳ್ಳೆಯ ಸಿನಿಮಾಗಳನ್ನು ಜನರು ನೋಡಬೇಕು ಎಂದಿದ್ದಾರೆ. ಅಲ್ಲದೆ ಅಭಿಮಾನಿಗಳಲ್ಲಿ ಈ ಚಿತ್ರ ನೋಡುವಂತೆ ಮನವಿ ಮಾಡಿದ್ದಾರೆ ಡಿಬಾಸ್​.

ಆಕ್ಟ್​ 1978 ಚಿತ್ರಕ್ಕೆ ದರ್ಶನ್​ ಬೆಂಬಲವಾಗಿ ನಿಲ್ಲುವುದಾಗಿ ಭರವಸೆ ನೀಡಿದ್ದಾರೆ ಎಂದು ನಿರ್ದೇಶಕ ಮಂಸೋರೆ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ.

ದರ್ಶನ್​ ಅವರ ಆಹ್ವಾನದ ಮೇರೆ ನಿರ್ದೇಶಕ ಮಂಸೋರೆ, ಸಂಚಾರಿ ವಿಜಯ್​, ಸತ್ಯ ಹೆಗಡೆ ಹಾಗೂ ಇತರರು ದರ್ಶನ್​ ಅವರ ರಾಜರಾಜೇಶ್ವರಿ ನಗರದಲ್ಲಿರುವ ನಿವಾಸಕ್ಕೆ ಹೋಗಿದ್ದರು.

ಸದಾ ಹೊಸಬರ ಸಿನಿಮಾಗಳನ್ನು ಪ್ರೋತ್ಸಾಹಿಸುವ ದರ್ಶನ್​, ಒಳ್ಳೆಯ ಚಿತ್ರಗಳು ರಿಲೀಸ್​ ಆದಾಗ ಆ ಚಿತ್ರತಂಡವನ್ನು ಮನೆಗೆ ಕರೆಸಿಕೊಂಡು ಉಪಚರಿಸುವ ಸಂಪ್ರದಾಯವನ್ನು ದರ್ಶನ್​ ಹಿಂದಿನಿಂದಲೂ ಮಾಡಿಕೊಂಡು ಬಂದಿದ್ದಾರೆ.