Darshan: ಪುಟ್ಟ ಅಭಿಮಾನಿಯ ಹುಟ್ಟುಹಬ್ಬದಲ್ಲಿ ಭಾಗಿಯಾದ ದರ್ಶನ್​..!

ಹಾಸ್ಯ ಕಲಾವಿದ ಹಾಗೂ ನಟ ಶಿವರಾಜ್ ಕೆಆರ್ ಪೇಟೆ ಅವರ ಮನಗ ಹುಟ್ಟುಹಬ್ಬದಲ್ಲಿ ದರ್ಶನ್​ ಭಾಗಿಯಾಗಿದ್ದಾರೆ.

ಇಂದು ಶಿವರಾಜ್​ ಕೆಆರ್​ ಪೇಟೆ ಅವರ ಮಗ ವಂಶಿಕ್​ ಹುಟ್ಟುಹಬ್ಬ. ಇದರಿಂದಲೇ ಶಿವರಾಜ್​ ಅವರು ತಮ್ಮ ಕುಟುಂಬದೊಂದಿಗೆ ಮೈಸೂರಿನಲ್ಲಿರುವ ದರ್ಶನ್​ ಅವರ ತೋಟದ ಮನೆಗೆ ಹೋಗಿದ್ದಾರೆ.

ಅಲ್ಲಿ ದರ್ಶನ್ ಅವರ ಜೊತೆ ಮಗನ ಹುಟ್ಟುಹಬ್ಬ ಆಚರಿಸಿ ಸಂಭ್ರಮಿಸಿದ್ದಾರೆ. ಇನ್ನು ವಂಶಿಕ್​ಗೆ ಮೂರು ವರ್ಷ ಇದ್ದಾಗಿನಿಂದ ದರ್ಶನ್​ ಎಂದರೆ ತುಂಬಾ ಇಷ್ಟವಂತೆ. ಇದೇ ಕಾರಣದಿಂದ ಈ ಸಲದ ಹುಟ್ಟುಹಬ್ಬಕ್ಕೆ ದರ್ಶನ್​ ಅವರನ್ನು ಭೇಟಿ ಮಾಡಲು ಹೋಗಿದ್ದಾಗಿ ಹಾಗೂ ದರ್ಶನ್​ ಜೊತೆ ಸಮಯ ಕಳೆದಿದ್ದಾಗಿಯೂ ಶಿವರಾಜ್​ ಸಂತಸ ವ್ಯಕ್ತಪಡಿಸಿದ್ದಾರೆ.

ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದ ಪುಟ್ಟ ಅಭಿಮಾನಿಗೆ  ತಾವೇ ತೆಗೆದ ಹಕ್ಕಿಯ ಚಿತ್ರವನ್ನು ಉಡುಗೊರೆಯಾಗಿ ನೀಡಿದ್ದಾರೆ ದರ್ಶನ್​.

ಹಾಸ್ಯ ಕಲಾವಿದ ಶಿವರಾಜ್ ಕೆ ಆರ್​ ಪೇಟೆ ಕಿರುತೆರೆಯಿಂದ ಬೆಳ್ಳಿ ತೆರೆಗೆ ಎಂಟ್ರಿ ಕೊಟ್ಟ ನಟ. ಕಷ್ಟದಿಂದಲೇ ಅವಕಾಶಗಳನ್ನು ಗಿಟ್ಟಿಸಿಕೊಳ್ಳುತ್ತಾ ತಮ್ಮ ಪ್ರತಿಭೆಯಿಂದ ಮೇಲೆ ಬರುತ್ತಿರುವ ಕಲಾವಿದ.

ಪತ್ನಿ ಹಾಗೂ ಮಗು ಜೊತೆ ನಟ ಶಿವರಾಜ್​ ಕೆಆರ್​ ಪೇಟೆ