Rana Daggubati: ನಟ ರಾಣಾ ದಗ್ಗುಬಾಟಿ ಪತ್ನಿ ಗರ್ಭಿಣಿನಾ? ಮಿಹಿಕಾ ಬಜಾಜ್ ಹೇಳಿದ್ದೇನು?

ಇತ್ತೀಚಿನ ದಿನಗಳಲ್ಲಿ ಸೆಲೆಬ್ರಿಟಿಗಳ ವೈಯಕ್ತಿಕ ವಿಚಾರಗಳು ತುಂಬಾ ವೈರಲ್ ಆಗುತ್ತಿವೆ. ಸೋಶಿಯಲ್ ಮೀಡಿಯಾದಲ್ಲಿ ಇತ್ತೀಚಿಗೆ ಗಾಸಿಪ್​ಗಳ ಅಬ್ಬರ ಜೋರಾಗಿದೆ. ದಗ್ಗುಬಾಟಿ ಫ್ಯಾಮಿಲಿಯ ಯಂಗ್ ಹೀರೋ ರಾಣಾ ಮದುವೆ ಬಳಿಕ ಭಾರೀ ಸುದ್ದಿಯಲ್ಲಿದ್ದಾರೆ.

ಸುಮಾರು ಮೂರು ವರ್ಷಗಳ ಹಿಂದೆ ಮಿಹಿಕಾ ಬಜಾಜ್ ಅವರನ್ನು ವಿವಾಹವಾದ ರಾಣಾ, ಇತ್ತೀಚಿಗೆ ಮಿಹಿಕಾ ಅವರಿಂದ ಒಳ್ಳೆಯ ಸುದ್ದಿ ಕೇಳಿಬರಲಿದೆ ಎಂದು ಹೇಳಿದ್ರು. ಇದು ಪ್ರೆಗ್ನೆಂಟ್ ವಿಚಾರವೇ ಇರ್ಬೇಕು ಎಂದು ಅನೇಕರು ಊಹೆ ಮಾಡಿದ್ರು.

ಈ ಹಿನ್ನೆಲೆಯಲ್ಲಿ ರಾಣಾ ಪತ್ನಿ ಮಿಹಿಕಾ ರೂಮರ್ಸ್​ಗೆ ತೆರೆ ಎಳೆದಿದ್ದಾರೆ. ಅಚ್ಚರಿಯ ಸುದ್ದಿ ಹೇಳುತ್ತೇನೆ ಎಂದು ರಾಣಾ ಯಾಕೆ ಹೇಳಿದ್ದಾರೋ ಗೊತ್ತಿಲ್ಲ ಎಂದಿದ್ದಾರೆ. ಏನಿದು ಅಚ್ಚರಿ ಎಂದು ರಾಣಾ ಅವರನ್ನೇ ಕೇಳಬೇಕು ಎಂದು ಆಕೆ ಉತ್ತರಿಸಿದ್ದಾರೆ.

ಸದ್ಯಕ್ಕೆ ತಾನು ಗರ್ಭಿಣಿಯಲ್ಲ ಎಂದು ರಾಣಾ ಪತ್ನಿ ಮಿಹಿಕಾ ಹೇಳಿದ್ದಾರೆ. ಗರ್ಭಿಣಿ ಎಂಬ ಸುದ್ದಿಯಲ್ಲಿ ಯಾವುದೇ ಸತ್ಯಾಂಶವಿಲ್ಲ. ನಿಜವಾಗಲೂ ಗರ್ಭಿಣಿಯಾಗಿದ್ರೆ ಖಂಡಿತಾ ಎಲ್ಲರಿಗೂ ಹೇಳುತ್ತೇನೆ ಎಂದು ಮಿಹಿಕಾ ತಮ್ಮ ಮಾತುಗಳನ್ನು ತೆರೆದಿಟ್ಟರು.

ಮತ್ತೊಂದೆಡೆ ರಾಣಾ ದಂಪತಿ ತಮ್ಮ ಮಕ್ಕಳ ವಿಚಾರದಲ್ಲಿ ಶಾಕಿಂಗ್ ನಿರ್ಧಾರ ತೆಗೆದುಕೊಂಡಿದ್ದಾರೆ. ಸದ್ಯಕ್ಕೆ ಮಕ್ಕಳ ಬಗ್ಗೆ ಯೋಚನೆ ಮಾಡಿಲ್ಲ ಎಂದು ರಾಣಾ ಪತ್ನಿ ಹೇಳಿದ್ದು, ದಂಪತಿ ಲಾಂಗ್ ಟೈಮ್ ಗ್ಯಾಪ್ ತೆಗೆದುಕೊಳ್ಳುತ್ತಿದ್ದಾರೆ ಎಂದು ಅನೇಕರು ಕಮೆಂಟ್ ಮಾಡುತ್ತಿದ್ದಾರೆ.

ಇನ್ನು ಕೆಲವರು ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿ ರಾಣಾ ದಂಪತಿ ಅನಾಥ ಮಕ್ಕಳನ್ನು ದತ್ತು ಪಡೆದು ನಿರ್ಧರಿಸಿದಂತೆ ಕಾಣುತ್ತಿದೆ ಎಂದಿದ್ದಾರೆ. ರಾಣಾ ದಂಪತಿಯ ಮಕ್ಕಳ ವಿಚಾರ ಜನರಲ್ಲಿ ಚರ್ಚೆಗೆ ಗ್ರಾಸವಾಗಿದೆ.

ಈ ಹಿಂದೆಯೂ ರಾಣಾ-ಮಿಹಿಕಾ ಬಜಾಜ್ ಬಗ್ಗೆ ಹಲವು ಸುದ್ದಿಗಳು ಬಿಸಿ ಬಿಸಿ ಚರ್ಚೆಯಾಗಿದ್ದವು. ಮಿಹಿಕಾ ಮತ್ತು ರಾಣಾ ನಡುವೆ ಜಗಳ ನಡೆದಿದೆ ಎಂಬ ಸುದ್ದಿ ಹಬ್ಬಿತ್ತು. ಸಮಂತರಂತೆ ರಾಣಾ ಕೂಡ ವಿಚ್ಛೇದನದತ್ತ ಸಾಗುತ್ತಿದ್ದಾರೆ ಎನ್ನಲಾಗಿತ್ತು. ಇದಕ್ಕೆಲ್ಲಾ ರಾಣಾ ಪತ್ನಿ ಮಿಹಿಕಾ ಬಜಾಜ್ ಒಂದೇ ಒಂದು ಪೋಸ್ಟ್ ಮೂಲಕ ಸ್ಪಷ್ಟನೆ ನೀಡಿದ್ದರು.

ಮಿಹಿಕಾ ಇನ್ಸ್ಟಾಗ್ರಾಮ್ ಮೂಲಕ ರಾಣಾ ಅವರೊಂದಿಗಿನ ಕೆಲವು ಫೋಟೋಗಳನ್ನು ಹಂಚಿಕೊಂಡಿದ್ದು, ಲವ್ ಸಿಂಬಲ್ ಆ್ಯಡ್ ಮಾಡಿದ್ದಾರೆ. ಈ ಒಂದೇ ಪೋಸ್ಟ್ ರಾಣಾ ಅವರ ವೈಯಕ್ತಿಕ ಜೀವನದ ಬಗೆಗಿನ ವದಂತಿಗಳಿಗೆ ಪೂರ್ಣ ವಿರಾಮ ಹಾಕಿದ್ರು.

ಸಿನಿಮಾಗಳ ವಿಷಯದಲ್ಲಿ ರಾಣಾ ಆಯ್ದ ಕಥೆಗಳನ್ನು ಆಯ್ಕೆ ಮಾಡಿಕೊಂಡಿದ್ದಾರೆ. ತಮ್ಮ ಸಿನಿ ಕೆರಿಯರ್ ಪ್ರಾರಂಭಿಸಿದ ಕೆಲವೇ ದಿನಗಳಲ್ಲಿ ಪ್ಯಾನ್ ಇಂಡಿಯಾ ಕ್ರೇಜ್ ಪಡೆದರು. ಇತ್ತೀಚೆಗೆ ಅವರು ರಾಣಾ ನಾಯ್ಡು ಸಿನಿಮಾ ಮೂಲಕ ಪ್ರೇಕ್ಷಕರ ಮುಂದೆ ಬಂದಿದ್ರು, ಹಲವು ವಿವಾದಗಳ ನಡುವೆಯೂ ಈ ಸಿನಿಮಾ ಪ್ರೇಕ್ಷಕರ ಮನಗೆದ್ದಿದೆ.