Hoysala Updates: ಮಾರ್ಚ್‌ 8 ರಂದು ಡಾಲಿ ಧನಂಜಯ್ ಕೊಡ್ತಾರೆ ಮಹಿಳೆಯರಿಗೆ ಸ್ಪೆಷಲ್ ಗಿಫ್ಟ್! ಏನದು?

ಡಾಲಿ ಧನಂಜಯ್ ಅಭಿನಯದ ಹೊಯ್ಸಳ ಸಿನಿಮಾದ ಹೊಸ ಅಪ್‌ಡೇಟ್‌ ಮಹಿಳಾ ದಿನಾಚರಣೆಯಂದು ರಿವೀಲ್ ಆಗುತ್ತಿದೆ. ಮಾರ್ಚ್-30 ರಂದು ರಿಲೀಸ್ ಆಗ್ತಿರೋ ಹೊಯ್ಸಳ ತನ್ನದೇ ರೀತಿಯಲ್ಲಿ ಈಗಾಗಲೇ ಗಮನ ಸೆಳೆಯುತ್ತಿದೆ.

ಡಾಲಿ ಧನಂಜಯ್ ಈ ಚಿತ್ರದಲ್ಲಿ ಗುರುದೇವ್ ಹೊಯ್ಸಳ ಪಾತ್ರದಲ್ಲಿ ಅಭಿನಯಿಸಿದ್ದಾರೆ. ಗುರುದೇವ್ ಹೊಯ್ಸಳ ಈ ಚಿತ್ರದಲ್ಲಿ ಒಬ್ಬ ಖಡಕ್ ಪೊಲೀಸ್ ಆಫೀಸರ್ ಆಗಿ ಅಭಿನಯಿಸಿದ್ದಾರೆ. ಚಿತ್ರದ ತಮ್ಮ ಪಾತ್ರದ ಮೂಲಕ ಧನಂಜಯ್ ಭಾರೀ ಧಮಾಕಾ ಮಾಡುತ್ತಿದ್ದಾರೆ.

ಮೈಸೂರಿನ ನಂಜನಗೂಡಿನಲ್ಲಿ ಈ ಚಿತ್ರದ ಪ್ರಚಾರ ಕಾರ್ಯವನ್ನ ಡಾಲಿ ಧನಂಜಯ್ ಶುರು ಮಾಡಿದ್ದರು. ಅದರಂತೆ ಚಿತ್ರದ ಒಂದೊಂದೇ ವಿಷಯ ಹೊರ ಬೀಳುತ್ತಿವೆ. ಅದರ ಹಿನ್ನೆಲೆಯಲ್ಲಿ ಕೆಆರ್‌ಜಿ ಸ್ಟುಡಿಯೋ ತಮ್ಮ ಈ ಚಿತ್ರದ ಇನ್ನೂ ಒಂದು ಹೊಸ ವಿಷಯವನ್ನ ರಿವೀಲ್ ಮಾಡೋಕೆ ಹೊರಟಿದೆ.

ಕನ್ನಡದ ಹೊಯ್ಸಳ ಚಿತ್ರಕ್ಕೆ ಕಾಂತಾರ ಅಜನೀಶ್ ಲೋಕನಾಥ್ ಸಂಗೀತ ನಿರ್ದೇಶನ ಮಾಡಿದ್ದಾರೆ. ಅಜನೀಶ್ ಸಂಗೀತದ ಹಾಡು ಈಗ ರಿಲೀಸ್ ಆಗುತ್ತಿದೆ. ಇದಕ್ಕೆ ಯೋಗರಾಜ್ ಭಟ್ ಸಾಹಿತ್ಯ ಬರೆದಿದ್ದಾರೆ.

ಯೋಗರಾಜ್ ಭಟ್ ಸಾಹಿತ್ಯದಲ್ಲಿ ಅರೆ ಇದು ಎಂತಹ ಭಾವನೆ ಅನ್ನುವ ಸಾಲಿನ ಹಾಡು ಹೊರ ಬಂದಿದೆ. ಹೆಸರಾಂತ ಗಾಯಕ ಹರಿಚರಣ್ ಈ ಹಾಡಿಗೆ ಜೀವತುಂಬಿ ಹಾಡಿದ್ದಾರೆ. ಹಾಡಿನ ಸಣ್ಣ ಸಾಲನ್ನು ಬಿಟ್ಟುಕೊಡುವ ಒಂದು ವಿಡಿಯೋವನ್ನ ಕೂಡ ಡಾಲಿ ಧನಂಜಯ್ ರಿಲೀಸ್ ಮಾಡಿದ್ದಾರೆ.

ಮಹಿಳಾ ದಿನದಂದು ಮಾರ್ಚ್‌-8 ರಂದು ಚಿತ್ರದ ರೋಮ್ಯಾಂಟಿಕ್ ಹಾಡೊಂದು ಮಧ್ಯಾಹ್ನ 12.34ಕ್ಕೆ ರಿಲೀಸ್ ಆಗುತ್ತಿದೆ. ಅಧಿಕೃತವಾಗಿಯೇ ಈ ವಿಷವಯನ್ನ ಚಿತ್ರದ ನಿರ್ಮಾಣ ಸಂಸ್ಥೆ ಕೆಆರ್‌ಜಿ ಸ್ಟುಡಿಯೋ ಈಗ ಹೇಳಿಕೊಂಡಿದೆ.

ಮೊನ್ನೆ ಈ ಚಿತ್ರದ ಸಳ ಸಳ ಹೊಯ್ಸಳ ಅನ್ನುವ ಟೈಟಲ್ ಟ್ರ್ಯಾಕ್ ರಿಲೀಸ್ ಆಗಿದೆ. ಕೆಸಿಸಿ ಪಂದ್ಯದ ವೇಳೆ ಬೆಂಗಳೂರಿನ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿಯೇ ಈ ಒಂದು ಹಾಡು ರಿಲೀಸ್ ಆಗಿ ಗಮನ ಸೆಳೆದಿದೆ. ಇದಾದ್ಮೇಲೆ ಅರೆ ಇದೆಂತಹ ಭಾವನೆ ಅನ್ನುವ ಲಿರಿಕಲ್ ವಿಡಿಯೋ ರಿಲೀಸ್ ಆಗುತ್ತಿದೆ.

ಹೊಯ್ಸಳ ಡಾಲಿ ಧನಂಜಯ್ ಅಭಿನಯದ ಮತ್ತೊಂದು ಭರವಸೆಯ ಸಿನಿಮಾ ಆಗಿದೆ. ಖಡಕ್ ಪೊಲೀಸ್ ಆಫೀಸರ್ ಪಾತ್ರದಲ್ಲಿ ಬರ್ತಿದ್ದಾರೆ. ವಿಜಯ್. ಎನ್ ನಿರ್ದೇಶನದ ಈ ಚಿತ್ರವನ್ನ ಬೆಳಗಾವಿ ಜಿಲ್ಲೆಯ ಸುತ್ತ-ಮುತ್ತ ಚಿತ್ರೀಕರಿಸಲಾಗಿದೆ.