Monsoon Raaga: ಕಿರುತೆರೆಯಲ್ಲಿ ಮೊಳಗಲಿದೆ ಮಾನ್ಸೂನ್ ರಾಗ, ಮೋಡಿ ಮಾಡ್ತಾರಾ ರಚಿತಾ-ಡಾಲಿ ಜೋಡಿ?

ಸೆ.16ರಂದು ತೆರೆಕಂಡಿದ್ದ ಮಾನ್ಸೂನ್ ರಾಗ ಸಿನಿಮಾವೂ ಕಿರುತೆರೆಯಲ್ಲಿ ಪ್ರಸಾರವಾಗಲು ಸಜ್ಜಾಗಿದೆ. ಈ ಚಿತ್ರದಲ್ಲಿ ಮೊದಲ ಬಾರಿಗೆ ನಟ ಧನಂಜಯ್ ಮತ್ತು ನಟಿ ರಚಿತಾ ರಾಮ್ ಅಭಿನಯಿಸಿದ್ದಾರೆ.

ಸಂಕ್ರಾಂತಿ ಹಬ್ಬದಂದು ಅಂದ್ರೆ ಭಾನುವಾರ ಮಧ್ಯಾಹ್ನ 12 ಗಂಟೆಗೆ ಮಾನ್ಸೂನ್ ರಾಗ ಸಿನಿಮಾ ಪ್ರಸಾರವಾಗಲಿದೆ. ಚಿತ್ರ್ಕಕೆ ಭಾರೀ ಮೆಚ್ಚುಗೆ ವ್ಯಕ್ತವಾಗಿತ್ತು. ಚಿತ್ರ ಚೆನ್ನಾಗಿದೆ ಎಂದು ಪ್ರೇಕ್ಷಕರು ಹೇಳಿದ್ದರು. ಡಿಸೆಂಬರ್ 9ರಿಂದ ಜೀ 5 ಒಟಿಟಿಯಲ್ಲಿ ಬಿಡುಗಡೆಯಾಗಿತ್ತು.

ಮಾನ್ಸೂನ್ ರಾಗವನ್ನು ಎಸ್. ರವೀಂದ್ರನಾಥ್ ನಿರ್ದೇಶನ ಮಾಡಿದ್ದಾರೆ. ಈ ಚಿತ್ರಕ್ಕೆ ಅನೂಪ್ ಸಿಳೀನ್ ಸಂಗೀತ ಮುದ ನೀಡಿದೆ. ಚಿತ್ರದ ಹಾಡುಗಳು ಹಿಟ್ ಆಗಿದ್ದವು. ಅಲ್ಲದೇ ಚಿತ್ರಕ್ಕೆ ಎಸ್.ಕೆ. ರಾವ್ ಅವರ ಛಾಯಾಗ್ರಹಣ ಇದೆ.

ಮಾನ್ಸೂನ್ ರಾಗಾದಲ್ಲಿ ನಟಿ ಯಶಾ ಶಿವಕುಮಾರ್ ಅವರು ರಾಗ ಸುಧಾ ಎಂಬ ಪಾತ್ರದಲ್ಲಿ ನಟಿಸಿದ್ದಾರೆ. ಅವರ ಒಂದು ಮ್ಯೂಸಿಕಲ್ ವಿಡಿಯೋ ಎಲ್ಲರ ಗಮನಸೆಳೆದಿತ್ತು. ಯಶಾ ಅವರ ಡ್ಯಾನ್ಸ್, ಸಿನಿಮಾಟೊಗ್ರಫಿ ಜನರಿಗೆ ಇಷ್ಟವಾಗಿತ್ತು.

ಅಲ್ಲದೇ ಅನೂಪ್ ಸೀಳಿನ್ ಅವರು ಚಂಡೆ ಮತ್ತು ವಯಲಿನ್ ಜುಗಲ್ಬಂದಿಯನ್ನು ಹಾಡಿನಲ್ಲಿ ಬಳಸಿಕೊಂಡಿದ್ದು ಎಲ್ಲರ ಗಮನ ಸೆಳೆದಿತ್ತು. ಈ ಸಿನಿಮಾವಉ 70-80ರ ದಶಕದಲ್ಲಿ ಕರಾವಳಿ ಭಾಗದಲ್ಲಿ ನಡೆಯುವ ಕಥೆಯನ್ನು ಒಳಗೊಂಡಿದೆ.

ಅಚ್ಯುತ್ ಅವರು, ಸಿನಿಮಾದಲ್ಲಿ ತಾವೂ ಸಂತೋಷವಾಗಿರುತ್ತಾ, ತಮ್ಮ ಸುತ್ತಲಿರುವವರನ್ನು ಸಂತೋಷದಿಂದ ಇಟ್ಟುಕೊಂಡಿರುವ ರೋಲ್ ಮಾಡಿದ್ದಾರೆ. ಅದು ಜನರಿಗೆ ಇಷ್ಟವಾಗಿದೆ.

ಈ ಸಿನಿಮಾವನ್ನು ಕುಂದಾಪುರದ ಪೋರ್ಟ್‌, ಆಗುಂಬೆ, ಗಂಗೊಳ್ಳಿ, ಶೃಂಗೇರಿ, ಗೋವಾ ಮತ್ತಿತರ ಕಡೆಗಳಲ್ಲಿ ಶೂಟಿಂಗ್ ಮಾಡಿದ್ದಾರೆ. ದೃಶ್ಯಗಳು ಅದ್ಭುತವಾಗಿ ಮೂಡಿ ಬಂದಿವೆ.

ಚಿತ್ರದಲ್ಲಿ ಧನಂಜಯ್ ಮತ್ತು ರಚಿತಾ ರಾಮ್, ಸಹಾಸಿನಿ ಮತ್ತು ಅಚ್ಯುತ್ ಕುಮಾರ್ ಅಭಿನಯಿಸಿದ್ದಾರೆ. ಶೋಭರಾಜ್, ರಘು ಗೌಡ, ಬ್ರೋ ಗೌಡ ಸೇರಿದಂತೆ ಅನೇಕರು ಸಿನಿಮಾದಲ್ಲಿ ಇದ್ದಾರೆ.