Gurudev Hoysala Review: ಡಾಲಿ ನಟರಾಕ್ಷಸನಾದ್ರೆ, ನವೀನ್ ಶಂಕರ್ 'ಬಲಿ' ರಾಕ್ಷಸ! ಹೊಯ್ಸಳದಲ್ಲಿ ಅಬ್ಬರಿಸಿದ ಗುಳ್ಟು ಹೀರೋ!

ನಟ ಡಾಲಿ ಧನಂಜಯ ಅವರ ಬಗ್ಗೆ ಹೆಚ್ಚೆನೂ ಹೇಳಬೇಕಿಲ್ಲ. ಎಲ್ಲ ರೀತಿಯ ಪಾತ್ರಗಳನ್ನು ನೀರು ಕುಡಿದಷ್ಟೇ ಸುಲಭವಾಗಿ ನಟಿಸಿ ಸೈ ಎನಿಸಿಕೊಳ್ಳುವ ಕಲಾವಿದ ಡಾಲಿ ಧನಂಜಯ.ಈಗ ಅವರು ‘ಹೊಯ್ಸಳ’ ಸಿನಿಮಾ ಮೂಲಕ ಪೊಲೀಸ್​ ಅಧಿಕಾರಿಯಾಗಿ ಜನರ ಮುಂದೆ ಬಂದಿದ್ದಾರೆ. ರಾಮ ನವಮಿ ಪ್ರಯುಕ್ತ ಈ ಚಿತ್ರ ಅದ್ದೂರಿಯಾಗಿ ರಿಲೀಸ್​ ಆಗಿದೆ.

ವಿಜಯ್​ ಎನ್​. ನಿರ್ದೇಶನ ಮಾಡಿರುವ ಈ ಸಿನಿಮಾದಲ್ಲಿ ಡಾಲಿಗೆ ಜೋಡಿಯಾಗಿ ಅಮೃತಾ ಐಯ್ಯಂಗಾರ್​ ನಟಿಸಿದ್ದಾರೆ. ಖಡಕ್​ ಪೊಲೀಸ್​ ಪಾತ್ರದಲ್ಲಿ ಡಾಲಿ ಅಬ್ಬರಿಸಿದ್ದಾರೆ. ಇದೊಂದು ಪಕ್ಕಾ ಮಾಸ್​ ಆ್ಯಕ್ಷನ್​ ಮೂವಿ ಗುರೂ ಅಂತಿದ್ದಾರೆ ಸಿನಿಮಾ ನೋಡಿದವರು.

ಡಾಲಿ ಧನಂಜಯ್​ ಅವರು ಈ ಬಾರಿ ಗುರುದೇವ್ ಎಂಬ ಪೊಲೀಸ್​ ಅಧಿಕಾರಿಯ ಪಾತ್ರಕ್ಕೆ ಬಣ್ಣ ಹಚ್ಚಿದ್ದಾರೆ. ರಫ್​ ಆ್ಯಂಡ್​ ಟಫ್​, ಆ್ಯಂಗ್ರಿ ಯಂಗ್​ ಮ್ಯಾನ್​ ರೀತಿಯ ಪಾತ್ರದಲ್ಲಿ ಮಿಂಚಿದ್ದಾರೆ.

ತಪ್ಪು ಮಾಡಿದವರಿಗೆ ಶಿಕ್ಷೆ ಕೊಡುತ್ತಾ ಜೊತೆಗೆ ತನ್ನ ಚೌಕಟ್ಟನ್ನು ಮೀರದೇ ಹೇಗೆ ಲಾ ಆ್ಯಂಡ್​ ಆರ್ಡರ್​ ಕಾಪಾಡುತ್ತಾನೆ ಎಂಬುದು ತಿಳಿಯಲು ಪೂರ್ತಿ ಸಿನಿಮಾ ನೋಡಬೇಕು.

ನಾಪತ್ತೆಯಾದ ಪೊಲೀಸ್​ ಅಧಿಕಾರಿಯೊಬ್ಬರನ್ನು ಹುಡುಕಲು ಬರುವ ಪಾತ್ರದಲ್ಲಿ ಡಾಲಿ ಕಾಣಿಸಿಕೊಂಡಿದ್ದಾರೆ. ಈ ವೇಳೆ ಪೊಲೀಸ್ ಅಧಿಕಾರಿಗೆ ಎದುರಾಗುವ ಸಮಸ್ಯೆಗಳೇ ಈ ಕಥೆಯ ಜೀವಾಳ.

ಅದರ ಜೊತೆಗೆ ಇಬ್ಬರು ಪ್ರೇಮಿಗಳು ಸಿಕ್ಕಿ ಹಾಕಿಕೊಳ್ಳುತ್ತಾರೆ. ಅವರ ಪ್ರೇಮ್​ ಕಹಾನಿಯನ್ನು ಕೆದಕಿದಾಗ ಜಾತಿ ತಾರತಮ್ಯದ ಪಿಡುಗು ಕಾಣಿಸಿಕೊಳ್ಳುತ್ತದೆ. ಅಲ್ಲಿಂದ ಕಥೆ ಬೇರೆಯದೇ ತಿರುವು ಪಡೆದುಕೊಂಡು ಮರ್ಯಾದೆ ಹತ್ಯೆವರೆಗೂ ಸಾಗುತ್ತದೆ.

ಗುರುದೇವ್​ ಎಂಬ ಪೊಲೀಸ್​ ಅಧಿಕಾರಿಯ ಪಾತ್ರಕ್ಕೆ ಧನಂಜಯ್​ ಅವರು ನ್ಯಾಯ ಒದಗಿಸಿದ್ದಾರೆ. ಅವರ ವಿರುದ್ಧ ವಿಲನ್​ ಆಗಿ ಅಬ್ಬರಿಸಿರುವ ಅವಿನಾಶ್​ ಬಿಎಸ್​ ಕೂಡ ಪಾತ್ರಕ್ಕೆ ಜೀವ ತುಂಬಿದ್ದಾರೆ.

ಬಲಿ ಎಂಬ ಖಳನಾಯಕನಾಗಿ ಕಾಣಿಸಿಕೊಂಡಿರುವ ನವೀನ್​ ಶಂಕರ್​ ಅವರ ನಟನೆ ಮಾತ್ರ ಎಲ್ಲರನ್ನು ಕ್ಲೀನ್​ ಬೋಲ್ಡ್​ ಮಾಡಿದೆ. ಅಮೃತಾ ಅಯ್ಯಂಗಾರ್​ ನಿಭಾಯಿಸಿರುವ ಪಾತ್ರಕ್ಕೆ ಹೆಚ್ಚು ಸ್ಕ್ರೀನ್​ ಸ್ಪೇಸ್​ ಸಿಕ್ಕಿಲ್ಲ. ಇನ್ನೂ ಡಾಲಿ ಅವರ ಸ್ನೇಹಿತ ನಾಗಭೂಷಣ್​ ಕೂಡ ಸಿನಿಮಾದಲ್ಲಿ ನಟಿಸಿದ್ದಾರೆ. ನಟರಾಕ್ಷಸನ ಎದುರು ಮತ್ತೊಬ್ಬ ನಟರಾಕ್ಷಸ ಇದ್ದರೆ ಏನಾಗಬೇಡ ನೀವೇ ಹೇಳಿ. ಒಟ್ನಲ್ಲಿ ಈ ವೀಕೆಂಡ್​ ಪಕ್ಕಾ ಮಾಸ್ ಸಿನಿಮಾ ನೋಡಬೇಕು ಅಂದ್ರೆ ಗುರುದೇವ್​ ಹೊಯ್ಸಳ ಮೀಸ್ ಮಾಡಬೇಡಿ.